قصه كامله

بحب لازم يا حبيبي..مينفعشى نسافر وانتوا زعلانين من بعض علشان خاطر عمك حتى 
حمزه ربنا يباركلى فيكى يا جلبى بس متتأخريش هناك ولو طولت لسانها عليكى متسكتيش عرفيها مجامها على طول انى لولا أن عمى مسافر كنت اتدليت معاكى بس البيت مفيهوش راجل وعشان كده هتدلى لوحدك
هبه متقلقشى يا حبيبي هروح وأجى على طول أن شاء الله
حمزه طيب خلى بالك على نفسك عايشه الله يحرجها اخر مره حرجتك والحرج علم فى جسمك لغايه دلولجيت وكل ما اشوفه ببجى عايز اكل عايشه بسنانى 
هبه بخجل المسامح كريم ..وانت الكرم كله 
تفيده يلا بينا يا هبه جاهزه
هبه ايوه جاهزه يلا بينا .ونظرت لحمزه وهى تخرج ...لا اله الا الله 
حمزه محمد رسول الله..
وخرجت هبه مع تفيده واتجهوا الى منزل عائشه عندما وصلوا إلى المنزل وجدوا عائشه تخرج منه وتنظر إليهم بشړ 
هبه كويس انى لقيتك يا عائشه انا

________________________________________
كنت جايه عشان عايزة اتكلم معاكى شويه 
عائشه ببرود انى مش عاوزه اتحدت معاكى يلا فارجينا 
هبه يا عائشه انا جيالك لغايه بيتك علشان مش عايزه اسافر وانتى وحمزه زعلانين من بعض 
عائشه وهى تقترب منها انتى السبب فى كل ده لولا اننا شوفنا خلجتك العكره دى كان زمانى انى مرت الكبير لان حمزه اولى ببت عمه لكن معرفش وجعتى علينا من أنهى مصېبه بس انى هصلح ده كله وحمزه هيتجوزنى وابجى كبيرة النجع كله 
هبه وهى تحاول تهدئتها الجواز ده قسمه ونصيب وانتى بكره يجيلك نصيبك اللى هتعيشى معاه اجمل ايام حياتك
عائشه وهى تقف امامها وتنظر اليها بشړ انى مش هتجوز غير حمزه 
كانت هبه تنظر لعائشه التى يبدوا على وجهها الشړ عندما شعرت پألم حارق فى جنبها الايمن فنظرت للأسفل وهى تتألم فوجدت أن عائشه قد غرزت سکينا فى جانبها وكانت تسمع صړاخ تفيده بأذنيها ثم اسودت الدنيا امام عينيها 
فى العين السخنه
كان كريم قد قام بتأجير مركب حتى يذهب به مع سلمى بعيدا عن حنين حتى يستطيع التحدث معها وعلى الرغم من عدم موافقتها على الخروج معه ولكن بعد ألحاح من هويدا وافقت وها هى الان فى عرض البحر ټلعن الوقت الذى وافقت فيه على هذا الاقتراح
كريم وهو يجلس بجانبها مالك انتى بتخافى من المراكب لا ايه
سلمى ببرود لا ابدا بس سقعانه شويه 
كريم وهو يضع حول كتفيها الشال الخاص بها كدا احسن
سلمى شكرا ليك 
كان كريم لا يعرف من اين يبدأ فوقف وبدأ يتحرك ذهابا واياب بينما سلمى متعجبه مما يفعل وتحاول استنتاج ما يريد ولكن كل محاولات تفكيرها باءت بالفشل ونظرت إلى كريم فوجدته يقف أمامها ويبدوا أنه قد استعد للتحدث معها
كريم بتوتر انا عايز اتكلم معاكى فى موضوع بس أرجوكى اسمعينى لغايه الاخر ..بصى يا سلمى انا كنت بحب سالى مامت حنين اوى بس طبعا ربنا مأردشى اننا نكمل حياتنا مع بعض فقفلت قلبى وقولت انى مش عايز احب تانى ومستحيل احب تانى وكنت كدا فعلا لغايه لما فى يوم شفت المربيه بتاعت بنتى وهى بترقص مع بنتى فى اوضتها وقتها حسيت ان قلبى بدء يدق مره تانيه بس كنت بنكر ده ومش عايز أصدقه بس لقيت نفسى بستنى كل يوم علشان اشوفك وانتى بتلعبى مع حنين او اسمع ضحكتك اللى كانت بتخلينى احس انى عايش فعلا بس كنت دايما ارجع لصور سالى واقول انى مش ممكن احب واحده غيرها ويوم ما اتجوزنا كل اللى انا قولته كان علشان احمى قلبى منك ...بس كل اللى انا عملته انى جرحتك وخليتك دايما حزينه وبالذات لما غلطت فى اسمك بس صدقينى لو خيرونى بين انى ارجع اعيش عمرى كله مع ذكرياتى مع سالى وبين انى اعيش يوم واحد معاكى انتى صدقينى هختار اليوم ده بكل ما فيه عارفه ليه ...لانى بحبك..بعشقك ..انا
وقطع حديثه انفجار سلمى فى البكاء فأتجه نحوها مسرعا محاولا تهدئتها بينما كانت شهقاتها تملئ المكان 
كريم انا أسف...اسف على كل كلمه بايخه قولتهالك اسف على كل دمعه نزلت من عنيكى بسببى أرجوكى ادينى فرصه اعوضك فيها عن كل