قصه ابواب العشق بقلم ايمان صلاح
المحتويات
بطمن على الاستاذه بس
_هي كويسه وشكرا مره تانيه ومتوقفهاش كده تاني ..يلا
ايمان_صالح
شاورلي وانا مشيت وعلي مشي جنبي
_بعد كده اي حد يكلمك متقفيش كده ماشي
_انا كنت
_سمعتي قولت ايه
_بارد
بصلي _سمعتك على فكره
ابتسمت ابتسامه مصتنعه ومشيت وصلنا البلد ودخلت بيتنا
ماما قامت وباباه كمان وقعدت في وسطهم
_اتأخرتي الفتره الفاتت ليه يا رؤى
_معلش يا بابا عشان كان عندي امتحانات بس
_المهم خلصتيها
_اهه هعقد يومين وارجع للمحاضرات تاني
_ماشي حمدالله على السلامه
_الله يسلمك يا بابا
سابنا وخرج وماما بصتلي بهدوء وقربت مني
_مفيش يا ماما
_مفيش ازاي شكلك خاېفه كده ليه ووشك اصفر
_يا ماما بيتهيألك عشان الامتحانات والمذاكرة وبعيد عن أكلك القمر
_اممم طيب قومي معايا نعمل اكلي القمر
_طيب استني هروح عند بيت عمي أسلم عليهم وانتي تجهزي
_لا يا اختي رجلي على رجلك هتدخلي قبلي عشان تتعلمي الاكل
_ولما تتجوزي هتأكلي جوزك ايه صرف ونحو ولا حساب مثلثات
_على فكره مش بناخد الحاجات دي في الجامعه
_طيب يلا يا اختي قدامي على المطبخ
_يا ماما هرتاح طيب انا جايه من سفر
_بلاش دلع بنات يلا قومي اعملي معايا الاكل
_طيب هبدل هدومي
_بسرعه قدامك دقيقتين بس
دخلت بدلت هدومي ووقفت معاها في المطبخ وطبعا عشان بعرف اطبخ مغلبتهاش خالص
_يا بنتي قوري كويس ده خامس واحد يتقطع منك
_يا ماما ما هو كويس اهو
_فين دي شايفه ده مخرم من كل ناحيه
_يادي النيله ماما انا متخلقتش للمطبخ
_ليه يا اختي راجل
_لا بنت بس مش لازم ادخل المطبخ
بعد ما خلصت خناق وهزار معاها دخلت بدلت هدومي وخدت طبق حلويات في أيدي ودخلت عند بيت عمي خبط على الباب فتحلي نادر اخو علي
_ازيك يا نادر
_بنبونايه العيله وصلت
ضحكت_بنبونايه مره واحده يا اخي دخلني
_طبعا يا بنتي المهم عامله ايه
_الحمدلله امال فين مرات عمي
سمعتها بتنادي عليا كنت هدخل نادر خد الحلويات مني وكل منها
_انت طفس
ضحك_طول عمري يا بنتي يلا ادخلي ل امي جوه
دخلت وسلمت عليها وعلى عمي وقعدت معاها بعدها علي دخل
_انتي تاني انا مصدقت خلصت منك هناك تيجي هنا
_لا متخفش انا قاعده على قلبك
_يا رب يا تاخدها يا تاخدني عشان زهقت منها
ضحكت _ياخدك انت مش انا
_بعد الشړ ليه بتقولوا كده يا ولاد
_انتي مش شايفه يا مرات عمي ابنك
كانت لسه هتتكلم نادر دخل
_الحق يا علي الجو بتاعك بره وبيسأل عليك
اتكلم بسعاده _بجد
_والله بس ايه زي القمر
بصتلهم پصدمه _جو وزي القمر هي مين دي
يتبع....
بصتلهم پصدمه
_جو ومزه هي مين دي
لسه هيتكلم سمعت صوت فاتن اختهم بتجري عليا
_الحقي يا ابله رؤى
بصتلها بخضه_في ايه يا فاتن
اتكلمت بطفوله وبراءه _ابله سما طلعت فوق وبتعيط جامد خالص يا ابله
بصتلها وبرقت _انتي متأكده
هزت راسها _اه متأكده
طلعت على الشقه بسرعه ودخلت لقيت ماما حطها ابنها في حضنها وهي بټعيط دخلت بسرعه بخضه
_مالك بټعيطي ليه فيه حاجه
_مفيش حاجه
_مفيش ازاي امال شكلك عامل كده ليه فيه ايه
_قولتلك مفيش انا هدخل انام تعبانه شويه
بصتلها وانا مش
متابعة القراءة
