قصه ابواب العشق بقلم ايمان صلاح
المحتويات
فاهمه في ايه وهي دخلت الاوضه قفلت على نفسها فبصيت ل ماما
_هي مالها
_مش عارفه تقريبا اتخنقت مع خالد ولا ايه مرضيتش تتكلم
بصتلها وبحاول استوعب في اي _طيب ما سألتيهاش ليه
_يعني يا اختي مستنياكي تقولي ما سألتها زيك كده وهي قالت إنها تعبانه
سكت شويه وانا بفكر يا ترى حصلها ايه عدى ربع ساعة وسمعت صوت ابنها بيعيط وبعدها فتحت الباب وجت قعدت جنبي بصتلها وضحكت عشان اغير الموضوع
اتكلمت بغيظ _يعني هو بيسكت ده ليل ونهار ربنا ما يقطعله عاده
ضحكت _كلها شويه ويبطل عياط ونومه يتظبط
_يارب انا بتمنى
لسه كنت هرد عليها لقيت ماما واقفه على راسنا
_يلا يا اختي انتي وهي معايا نحط السفره ابوكوا طالع
سما_انا برضع ابني يا ماما
_يا سلام يا اختي ما هاتي البزازه دي ورضعه انا وانتي قومي
ضړبتني في كتفي وضحكت _وانتي مالك ابني ولا ابنك
اتكلمت بغيظ _كده يبقى شوفي مين يشلهولك لما تيجي تنامي
ضحكت وانا دخلت مع ماما وبدبدب برجلي في الأرض
_بكره اتجوز ومش هتشوفوا وشي هنا
_اتنيلي مش لما تلاقي المنحوس اللي هيتجوزك
_بكره نشوف يا اختي
ايمان_صالح
خلصنا وبابا دخل وقعدنا ناكل وسما متكلمتش خالص ولا نعرف حصلها ايه
بعد ساعتين نزلت السوبر ماركت اشتري حاجات وكنت ماشيه بنوته صغيره مسكت فيا
_ابله رؤى عامله ايه.
ابتسمت ونزلت لمستواها _الحمدلله يا حبيبتي انتي عامله ايه و ماما
_وانتي كمان يا روحي انتي عارفه بكون في الجامعه
_طيب انا عايزه اروح معاكي بقى
_اول ما تكبري وتكوني شاطره هتروحي الجامعه على طول ماشي
اتكلمت ببراءه_يعني لازم اكبر واكون شاطره
_اه طبعا وتذاكري دايما
_خلاص هذاكر واكبر وهروح الجامعه
جريت وهي بتهيص وانا بضحك عليها ببص لقيت علي في وشي
_فرحانه انها هتروح الجامعه
_انا مش فاهم حاجه
ضحكت_ولا انا
اټصدم وبعدها اتكلم _تصدقي انك هبله فعلا
_طول عمري يا ابني هو انت اول مره تعرف
بصلي بغيظ واتكلم _طيب رايحه فين يا هبله
_يا لولي رايحه السوبر ماركت
_قولتلك متقوليش يا زفت
_خلاص ماشي انا ماشيه عايز حاجه
_لا يا اختي روحي خلي بالك من نفسك
_طب غوري من وشي بقى
_ماشي يا لولي
_الا قوليلي صح اختك سما كانت مالها
ضيقت عيني واتكلمت_وانت مروحتش سألت عليها ليه ولا صح نسيت انك عندك مزه ونسيتنا خلاص
ضحك _مزة ايه وهبل ايه انتي صدقتي كلام الاهبل ده
_انت بتضحك وبتخبي عليا يا علي ما تقول إن فيه واحده بتقابلها وخلاص
_يا بنتي مفيش الكلام ده هي بنت كده وانا مش بكلمها اصلا وهي ماشيه ورايا
_طيب ما تتجوزها
ايمان_صالح
بصلي شويه وبعدها اتكلم_وانتي هتوافقي اني اتجوز
_وموافقش ليه انا اطول أن اخويا يكون عريس
_برضوا اخوكي ! المهم اختك مالها حد زعلها
_مقالتش حاجه بس غالبا هي ابنها متضايقها يعني الجواز حواراته
_عموما انا مرضتش اروح قولت اعرف منك واسيبها براحتها معاكي و تقولك بس طلعتي نيله اوي و معرفتيش تقرريها
_انا نيله يا علي
_اه يا اختي فيه حاجه
_انا ماشيه سلام
_استني
_نعم ايه تاني
_فيه فرح النهارده في البلد هتيجي
_اه إن شاءالله انت عارف ان العروسه
متابعة القراءة
