قصه مشوقه
المحتويات
مجدي قعد جنبه واحترم رغبته في السكوت ومحبش يضغط عليه ..
_ بعد مدة طويلة أميرة زهقت من القاعدة لوحدها وخرجت برا تطمن علي مسلم اللي رفع راسه عليها بقلق وسألها باستفسار
فيه حاجة
_ أميرة قعدت جنبه وردت عليه تطمنه
مفيش حاجة يا حبيبي بس خرجت اطمن عليك أصلا رقية نايمة
_ مسلم هز راسه بتفهم وقام وقف
_ مجدي وقف ومنعه
هروح أنا خليك هنا يمكن يحتاجوك
_ مسلم رفض ووضح سبب رفضه
لا معلش عشان عايز اجيب اكل معين لرقية
_ مجدي تفهم الوضع ووافق ومسلم مشي كلم أغلبية المطاعم اللي يعرفها وكلها كانت مقفولة بسبب تأخير الوقت نفخ بضيق وهو بيحاول يدور على مكان بيعمل اكل صحي يلاقيه فاتح في الوقت ده وفشل يلاقي..
معلش أنا آسف اني صحيتك في وقت زي ده بس حاولت الاقي مطاعم فاتحة الوقتي وملقتش
_ فاطمة ردت عليه بعتاب
وده كلام بردك يا سي مسلم اؤمرني
_ مسلم حس براحة من اسلوبها ورد عليها
عايز اكل زي اللي عملته امبارح
_ فاطمة ردت عليه بتلقائية
_ مسلم لحقها قبل ما تقفل بسؤاله
هتخلصي في وقت قد ايه
_ فاطمة ردت عليه من غير تفكير
ساعة بالكتير اكون خلصته وغلفته كمان
_ مسلم شكرها وقفل المكالمة سند راسه علي طارة العربية بتعب وهو بيعيد كل اللي حصل من اول طلاقه لرقية للوقت الحالي ذكرياته مش بتفارق عقله نهائي وضميره دايما بيأنبه اتجاه رقية هو متأكد انها وصلت لحالتها دي بسببه ..
_ كل الفراق جه ورا بعضه فراق دياب وفراقه عن رقية واهله وبلده وآخر فراق كان فراق حازم..
_ مسلم من كتر التعب والتفكير نام من غير مجهود صحي علي صوت رنة موبايله بص حواليه باستغراب وهو شايف شروق الشمس بص علي موبايله وكانت فاطمة رد عليها بنبرة ملخبطة
_ فاطمة ردت عليه بنبرة سريعة
أني خلصت الوكل بجالي زمن مجتش تاخده ليه
_ مسلم بص في الساعة واتفاجئ أنه نام اكتر من ساعتين رد عليها وهي بيفرك عيونه
جاي في الطريق
_ قفل معاها ووصل الفيلا في مدة قياسية أخد الاكل من فاطمة ورجع المستشفي قرب من مجدي بأسف بسبب تأخيره
معلش بس ملقتش مطاعم واضطريت اخلي فاطمة تطبخ فن...
_ مجدي قاطعه بكلامه
من غير كل التبرير ده ادخل اطمن علي مراتك وانا هنا لو احتجتني
_ مسلم رد عليه بامتنان
لا حضرتك
متابعة القراءة
