قصه كامله

إلا لما نفطر كلنا مع بعض الأول
ولقيت ستات نازله بصوانى أكل ريحته تجوع روحت أكل معاهم من غير حتى ما اغسل وشي وبعدين طلعت حلقت دقني وخدت شاور وجهزت لأستقبال يوم جديد
شوفت قدامى منظر مرعب فضلنا واقفين ثابتين مكانا مش قادرين نتحرك

________________________________________
ضړب بالكرباج وعليها د م كتير مكنتش قادر انطق من المنظر ولا اتقدم خطوة واحدة
ومحمد الممرض قعد ع الأرض وخبي وشه وعم عصام فضل يقول اللهم ارزقنا حسن الخاتمه والناس بدأت تخرج من المستشفى وبدوا يصوتوا من المنظر وفي اللى متحملش واغمي عليه وهنا ظهر لنا
عم عتمان وعم سعفان وحسن وهناء
عم عتمان قال عملت بالوصيه يا عصام وحافظت ع بناتي أشوفك ع خير وبص لنا كلنا واختفي
عم سعفان...
بص ل محمد وقالوا شيلت حمل تقيل يا ولدى من صغرك بس كنت واثق أنى خلفت راجل أد المسؤوليه خلي بالك من نفسك ومن أمك و أختك يا ولدى وبص ل عم عصام وقاله صونت الامانه كتر خيرك واختفي
هناء... خلاص أنا اخدت حقي ومن انهاردة كلكم في أمان بس ليا طلب اخير طلعونى من الترعه وادفنونى مع أمي وأنا بشكركم كلكم واختفت
حسن....
كان باصصلي أنا وقالي أنا مش هودعك لأن لسه في بينا كلام كتير وبص ع الناس وقالهم اوعوا تسكتوا عن الظلم مهما كان الظالم قوى إلا أن ربنا أكبر واقوي منه وابتسم لنا واختفي
بصيت للناس وقولت اللى عنده جرار يجيبه يساعدنا نطلع الچثث من الترعه وبقيت الناس تعالوا نلم الچثثمع بعض لقيت عم عصام قالي
روح يابني انت ومحمد هاتوا اخوات حسن من المحطه هما مش هيعرفوا يجوا لوحدهم وأنا هبقي احصلكم ع بيت عتمان
ولقيت الناس اللى كانت نايمه ع الأرض بدأت تفوق وكأنهم كانوا في غيبوبه وعرفنا منهم أن في ظل أسود ظهر قدامهم وبعدها محسوش بحاجه فعرفت ان حسن واهله خدوا حقهم من اللى ظلموهم بس والباقي خلوهم نايمين في أمان
وروحنا المحطه علشان نجيب أهل حسن ولقيت طفل صغير بيجري ع محمد وبيحضنه من رجله شاله وقالي اهو ده بقي إبن اسماء وضحك قولت له هو أنت بقي كلمة السر
وببص لقيت 
وببص لقيت بنت آية في الجمال تبارك الخلاق
فضلت متنح لها ولقيت محمد بيقولى اعرفك يا دكتور ممدوح اسراء أخت حسن الصغيرة
منطقتش أنا نسيت الكلام ومش قادر ابعد عيني عنها إلا لما لقيت قلم نازل ع وشي ببص لقيته حسن الصغير
اة ايدك بتوجع بتضربني ليه بصلي وبص ع اسراء ورجع نظره ليا تاني وقالي يلا ع بيت جدو عتمان
الكل فضل يضحك وأنا بصيت له استحاله تكون دى ايد ولد صغير يلا يا ليمض
مشيت قدام أنا ومحمد والغلباوى الصغير صمم أن أنا اللي اشيله لما ركزت في ملامحه لقيته في شبه كبير من حسن
ولقيته بصلي وضحك
ووصلنا عند بيت عم عتمان أول ما دخلنا لقيت حسن قدامى ولقيت الولد الصغير نزل من ايدي وجري ل عنده
وقالوا خالوا حبيبي ولقيت حسن بن عتمان بصلي وقالي عوزك يا ممدوح وخد معاه حسن الصغير ودخل في اوضه
حسن.....
اقعد يا ممدوح عاوزك في حاجه مهمه أنا الحمد لله اطمنت أنى قدرت ارفع رأس اخواتى البنات وأطمنت ع أختى اسماء بس فاضل اسراء وأنا عاوزك تتجوزها أنت راجل بمعنى الكلمه وأنا مش هلاقي احسن منك ل أختى وخلي بالك لو رفضت أنا مش هزعل منك بس ع الأقل توعدنى انك تخلي بالك منها لحد ما يجي لها ابن الحلال
دكتور ممدوح.....
ارفض مين دى زى القمر وهنا لقيت القلم التاني ع وشي أنت حد مسلطك عليا لقيت حسن الكبير ضحك وقالي اظاهر نسيت انك بتعاكس أختى قدامى
قولت له آسف مكنش قصدى بس أنت عارف ظروفي هو ينفع اعمل خطوبه ولما ربنا يفرجها عليا اجيب شقه إيجار بس معلش اصبر عليا شويه وأنا معايا فلوس العمده هجيب لها بيهم الدبله وأن شاء الله هدخل جمعيه واجيب لها كل اللى تطلبه
حسن.....
ضحكت ع كلامه وقولت له أنا مش موافق على الخطوبه وشوفت الزعل بان عليه قولت له تعالى معايا
خرجت بره ولقيت عم عصام واقف مع اخواتى البنات وام محمد مرات عمي سعفان وبنتها سعاد وقولت لهم
دكتور ممدوح هيتجوز اسراء وهيعيشوا هنا في البيت ده وأنت يا محمد هتعيش مع اسماء ومرات عمي وسعاد في بيتك وهيفضل الباب بينكم مفتوح عيله واحده وأخوات ع طول قولت ايه يا اسراء لقيتها اتكسفت

________________________________________
وسكتت
قولت ايه يا دكتور ممدوح
دكتور ممدوح.....
أقول نقرأ الفاتحه وحد يسمعني زغروطه يا جدعان وحسيت أنى طاير من الفرحه بين لحظه والتانيه ربنا غير الحال كنت من كام يوم متوقع السچن أو أقل حاجه يدخلونى مستشفى المجانين
وانهاردة أنا عريس ل أجمل بنت شافتها عنيا وهتجوز في بيت مفروش بأفخم أثاث وهعيش مع ناس مشوفتش أطيب منهم اتصلت على أبويا وحكيت له ع كل