ليه يازمن الفصل30

ءالفصل 30
ليه يازمن
مر أسبوع على أبطالنا 
سماح زي ما هي رافضه تتكلم مع أي حد 
و رحمه كانت رافضه إن فرح تطلع عندها علشان تطمن عليها 
لأنها عارفه إن نوال مش هتسيبها في حالها بعد ما المعلم رفض يرجعها 
بس اليوم قررت تطلع مع مراد 
لأنهم لازم يتكلموا معاها 
رحمه صممت إنها تطلع معاهم هي و فكريه 

اما حسنين فبقى ينزل مع المعلم في المحلات و الوكاله ولاحظ غياب المعلم وكان عنده احساس إنه اتجوز في السر بس ما حبش يتكلم ولا يقول حاجه 
فكريه خبطت الباب على نوال والشغالة فتحت 
دخلت فكريه و رحمه و فرح و مراد 
نوال أول ماشافت فرح اټجننت وخصوصا إن مراد معاها
نوال هو انتي لسه فاكره اختك وجايه تطمني عليها! لا وكمان جره في ديلك عريس الغفله عايزين 
فكريه اتلمي يا نوال وعيب اللي بتعمليه ده احنا اللي كنا مانعينها تطلع علشان ما تسميميش بدنها بكلامك 
نوال بقى كده! انا كلامي زي السم دلوقتي
فكريه لا من زمان وانتي مش واخده بالك وسعي كده خلينا نشوف سماح 
نوال لأ يا فكريه مش هخليها تدخل بنتي مش حمل ص دمه تانيه ازاي تشوفهم مع بعض كده!!
رحمه لا حول ولاقوة إلا بالله العلي العظيم إنت إيه يا نوال مش هاتستريحي أبدا
نوال مش هستريح إلا لما المعلم يرجعني أكيد ضغطتي عليه علشان ميرجعنيش 
رحمه مش هرد عليكي و وسعي كده وعيب تعملي كده 
نوال دا حتى بنته ماطلعش يطمن عليها يرضي ربنا ده 
فكريه آه وطبعا الكلام دا قولتيه لبنتك علشان تكره أبوها 
رحمه نوال إوعي كده انا مابقتش قادرة على المناهده معاكي 
فكريه و رحمه دخلوا عند سماح 
لقوها نايمه على 
رحمه إزيك يا سماح احنا جايين نطمن عليكي 
سماح لفت بسرعه فكرت أبوها جاي معاهم بس أول ماشافت فرح مع مراد وهو ماسك إيديها اټجننت كانت كوبايه مياه جنبها شالتها وحذفتها على فرح لولا ستر ربنا ومراد بعدها كانت جت في نافوخها فتحته 
سماح مابقتش مسيطره على نفسها 
سماح انتي طالعه تغيظيني انك خطفتيه مني 
طالعه تقوليلي انك كسبتي وهو بقى جوزك انتي 
مراد عيب مايصحش كده فرح زعلانه علشانك جدا 
سماح ماهو واضح زعلها!! وماسألتش فيا ولا عبرتني ما خلاص عندها عريس مشغوله بيه 
رحمه عيب يا سماح وازاي تحدفي الكبايه على اختك 
سماح ماتقوليش أختك انا ماليش اخوات اطلعوا بره و سيبوني في حالي انا بكرهكم كلكم وانتي بالذات يا فرح بكرهك ومش هخليكي تتهني بيه 
فرح انا معملتش ليكي حاجه انتي ليه عايزانا نبقى أعداء
سماح لأننا فعلا أعداء انا بنت ضرة امك مهما حاولتوا تضحكوا الضحكه الصفرا إحنا آخر اهتمامات المعلم 
أول حاجه رحمه و عيالها أما