قصه غالب كامله من الاول للاخير حصرى
انا
غالب اتنهد وقال...هو فين دلوقتي هرب مش كده
حازم قال بحزن...لا..سلم نفسو...قال انو خطڤ مراتك وقتل ابنك
غالب بصلو بزهول وقال..بس ابني عايش...كمان دره طلبت مني اسامحو..وانا كمان صعبان عليا كل الي حصلو وكنت مدينلو باعتذار..كده خالصين وهو اكيد بعني مش هيكررها
حازم ابتسم بفرحه وقال...يعني هتخرجو
غالب قال... اعتبرو خرج اكيد مش هسجن ابوك يا حازم
غالب حضنو كمان وقال.... احنا اخوات يا حازم وان شاء الله مفيش حاجه هتفرقنا او تزعلنا من بعض طول العمر
بعد عدة شهور في احتفال جميل في قصر الضاري بمناسبه اسبوع ابنهم وكانت حفله جميله جدا وكل شئ مثالي
ناريمان كانت بتستقبل الضيوف بطريقه شيك زي العاده وجات ملك وقالت...ماما انا حاسه اني هولد انهارده
ملك قالت پخوف...امال ليه دره اتألمت لما كانت هتولد
حازم قال من غير ما ياخد بالو من كلامو ..طب ما ده طبيعي انتي كمان هتتألمي....ده ۏجع الولاده موووووووت
ملك بصتلو پخوف وقالت بدموع..ده بجد ياماما
ملك كانت خاېفه جدا بس حازم قرب منها وقال....انتي غير اي حد انتي مش هتحسي بحاجه خالص
ملك قالت..وده ليه بقى
حازم قال بابتسامه جميله...لان ده ابني يعني اكيد طالع لابوه..ومش هيجي من قلبو تتوجعي بسببو انا متأكد
حازم بقى يبصلها بحب وكانو بينهم نظرات جميله بس فاقو على حمحمه من ناريمان وقالت...ايه نسيب السبوع... ونولع شموع
حازم ضحك ولسه هيرد اتفاجأو بدخول اسى وسهى ناريمان قالت..اهلا بالعرسان امتى رجعتو من شهر العسل
اسر قال بابتسامه..لسه انهارده نزلنا مخصوص نشوف ابن سياده المقدم
سهى ضحكت وقالت..يا عم جينا خلاص ...واختي فين بقى
غالب شاور لها على دره الي كانت ماسكه ابنها جامد ومش راضبه تسيبو وقال...اهي هناك بتتعلم الامومه..يا عيني متعرفش انها سنه كمان وهتأجر الي يشلهولها لحد ما تنام
بقلمي...زهرة الربيع
سهى ضحكت وقالت حاضر ودره قلقت وكانت هتروح معاها بس غالب شدها ومشي بيها ووقف عند زاويه السلم وقال...يا بت مش هيطير..وبعدين شويه حنيه لابوه يعني..ولا راحت علينا من دلوقتي
دره ضحكت وقالت...طب وهو ابوه عايز ايه يعني في الوقت ده
غالب قال..هو معاكي حق لا ده الوقت ولا المكان بس اصلا دماغك ديما مسمومه وديما فهماني صح..لاكن بجد انا عايزك في موضوع تاني خالص
دره قالت..خير
غالب طلع اوراق وقال...اتفضلي
دره بصتلو بزهول وقالت..ملف تاني ولا ايه..انا والله ما اعرف حاجه ولا بكلم حد ولا اي حاجه و
بس غالب ضحك جامد وقال..اهدي يا هبله..ملف ايه ونيله ايه..دي اوراق اجامعتك..هدخلك الجامعه..هتكملي تعليمك مجموعك جاب طب هتبقي دكتوره قد الدنيا
دره اتسعت عنيها بزهول وقالت بفرحه..انا..انا هكمل تعليمي
غالب ابتسم على فرحتها وقال..ايوه انا كنت عايز اعمل كده من اول ما قولتيلي انك خلصتي الثانويه ومكملتيش بس في الاول ظروفنا سوا كانت متلخبطه وبعدين انتي بقيتي حامل وكده بس دلوقتي خلاص ولدتي وبقيتي قمر واسر هيفضل مع جدتو وانتي تذاكري براحتك
دره مكانتش مصدقه هتطير من السعاده حرفيا حضنتو جامد وقالت بفرحه..شكرا... شكرا .. شكرا يا قلبي انا....انا مش عارفه اشكرك ازاي
غالب حضمها جامد وقال..شكرا ايه بس...انتي بتشكريني على سعادتي...ده انتي مش بس اغلى ما عندي يا دره انتي انا ومن غيرك مليش وجود وشدها عليه وقال..بس لو مصره تشكريني انتي عارفه ممكن تشكريني ازاي
دره ضړبتو في صدره بخفه وقالت..با لهوي على سنيني السوده..هو احنا منعرفش نقفل وقفه رومانسيه دققتين على بعض زي اي اتنين متجوزين عادي
غالب ضحك من قلبو وقال... مبدأيا كده رومانسيه ومتجوزين دول مبيتقالوش في جمله واحده وثانيا بقى رومانسيه ايه الي عيزاني اقولها وانتي عينك في عيني كده دانا لما بتبصلي بحس اني جدع قوي لمجرد اني ليه واقف على رجليا ...انتي متعرفيش عنيكي بتعمل فيا ايه..ړصاصه..اجدع ړصاصه
دره ابتسمت بكسوف وقالت...مش اجمل من عنيك على فكره... وقالت وهيه بتتأمل عيونه. انا ربنا عوضني تعبي بيك يا غالب..انت كل حياتي وكل فرحتي انا مبسوطه بيك ونفسي افضل بين اديك طول ما انا عايشه
غالب شدها عليه اكتر وقال بعشق واضح في عيونه...وانا هخليكي بين اديا وجوه قلبي العمر كلو ..يا عيون غالب وقلب غالب ...يا درة الغالب...
.................تمت بحمد االله....................
