الجزء الاول بقلم هويدا سعيد
هايص رقص وزغاريط
هدير شيبوووووو
تجري عليه تمسك ايده وترقص معاه وفجأة يرقص معاها ع مهرجان وش ڠضب ينتبهوله البنات وينفعلوا اكتر زغاريط وتسقيف شهاب يلمح فاطمة واقفة بتسقف يستغرب وجودها ميعرفش ان هدير عزمتهم يقرب عليها وتكمل هدير رقص مع البنات
شهاب وانا اقول البيت نور والله
فاطمة منور ب صحابه
هند اختك الي عزمتنا ع فكرة
شهاب ولو متعزمتوش يعني دي اختكم
هند ي حنين
شهاب دايما فهماني غلط
هند قصدك صح
تسيبهم فاطمة بيتكلموا وتنسحب ب هدوء تروح ترقص مع هدير
شهاب ي عم براحة علينا مش كدة يعني
هند ان ...........
يلمح فاطمة بترقص يبصلها تبصله وتضير وشها يقرب عليها ويرقص معاها
مش محتاج اي جواري مش عايز ملايين ومصاري انا عاوزك جوايا ادماني اه من ام عيونك دول
تتقهر هند انه سابها ومشي وحتى من غير م يقولها تقرب هدير ع وجدان
هدير اخوكي مندمج ع الاخر
وجدان هههههه اوي
يوقف الكل رقص ويتفرجوا ع فاطمة وشهاب الاغنية اتغيرت ل اغنية شئ من بعيد نداني ل منير وبقت النغمة اهدى
نداني من يميني ولسة بيناديني بيقولي حصليني ع بلد العجايب نداني من شمالي ال يموا المهر غالي تعالي اوام تعالي خدي م الحب نايب
تخلص الاغنية وتقعد فاطمة يفضل شهاب باصصلها تلاحظ هند وهي ع اخرها اصلا
هند وهي بتقوم يلا بينا
فاطمة احنا لحقنا
هند ب حدة سمعتي يلا
فاطمة طيب اهدى ماشي
تمشي هند وتروح وراها فاطمة تعدي من جنب شهاب يمسك دراعها
شهاب رايحة فين !
يخضها يسيب ايدها
فاطمة هند عاوزة تروح
شهاب انتوا لحقتوا !!!!
فاطمة معلش شكلها تعبت
شهاب طب خليكي انتي
فاطمة لا مينفعش
شهاب هتيجي بكرة الخطوبة
فاطمة هاجي بس امكيچ هدير وامشي
شهاب مش هتحضري ليه !!!
فاطمة م انا بقا لمتلها البنات انهاردة عشان بكرة اليوم ميبقاش زحمة وتبقا براحتها
شهاب ب فهم اااه
فاطمة ربنا يتمملها ع خير
شهاب عقبالك
تبتسم فاطمة وتمشي تنزل م العمارة
هند بتعملي ايه دة كلوا فوق
فاطمة كنت بكلم شهاب
هند ب انفعال ومحنطة امي انا ف الشارع عشان سي شهاب
فاطمة انتي بتزعقي كدة ليه م كنتي طلعتي !!
هند طب اتفضلي قدامي
تطلع فاطمة عمارتهم ووراها هند يدخلوا الشقة امهم قاعدة
الام مالكم في ايه وشكم مقلوب !!!!
فاطمة اسألي بتك الي نازلة فيا تهزيق م الصبح
الام في ايه ي هند
هند الهانم رقصت فوق
الام طب وفيها ايه مش بنات سوا !
هند رقصت مع شهاب
تتوتر فاطمة
الام لا والله !!!!
هند والاستاذ م صدق وبتك عمالة تتمايع
فاطمة ب انفعال م تحترمي نفسك بقا ايه الي بتقوليه دة !!!!
هند بقول الي حصل ي هانم
فاطمة وحضرتك متمايعتيش ف الكلام لما وقفتي تتكلمي معاه وي حنين وفهماك صح وفهماك غلط
هند ع الاقل كلام معملتش الي انتي عملتيه وكان لازقلك لزقة سود
الام ايه الي خلاكي ترقصي معاه ي بت
فاطمة رقصت مع هدير وهو الي اتدخل ورقص معانا
الام كنتي قعدتي ع طول
فاطمة وفيها ايه يعني لما رقصت معاه دة رقص وقدام البنات كلها
الام في انه الولا دة شمال من ناحية البنات وهيشبهك معاه
فاطمة والله يولع المهم انا عارفة نفسي كويس
تدخل فاطمة اوضتها
هند بتك دي مش هتهدى الا اما يخزوقها ف مرة
الام احكيلي الي حصل
يعدي الوقت ف بيت شهاب الناس مشيوا وشهاب ف اوضته فاتح الفيس بيدور ع اكونت فاطمة يلاقيه يبعتلها أدد ويفضل يقلب ف الاكونت ويتفرج ع صورها وحجاتها عند فاطمة يوصل اشعار ب الأدد تتخض اول م تعرف انه هو تفضل رايحة جاية ف الاوضة محتارة تقبله ولا لأ
فاطمة ايه بقا اخلصي هقبله
تقبل الأدد يوصل اشعار عند شهاب انها قبلته يبتسم ويقفل النت تانى يوم تلبس فاطمة وتقرب ع باب الشقة
الام رايحة فين
فاطمة رايحة عند هدير
الام مش كنتي هناك امبارح هي سيرة
فاطمة قايلة للبت اني هروحلها بدري امكيچها
الام تخلصي وتيجي ولو اخوها هناك ياريت تنزلي وتبقا هي تجيلك هنا
فاطمة هو انا كوافيرة تجيلي هنا فين دي عروسة !!!!
الام والله مش مشكلتي الي عاوز الحكل يتكحل
فاطمة وهي بتقرب ع امها بقولك ايه .. قولي ل بتك تبطل هري ف دماغك من نحيتي ماشي
تنزل فاطمة وتطلع عمارة شهاب تلاقي الباب مفتوح
فاطمة هديييير
الام تعالي ي حببتي
تدخل فاطمة
فاطمة ازيك ي طنط
الام الحمدلله البنات جوة ف الاوضة ادخللهم
فاطمة اوك
تدخل فاطمة تلاقي حوالي ٧ بنات
فاطمة سلاموا عليكم !!
البنات عليكم السلام
هدير تعالي ي بطة
تقرب فاطمة تسلم عليها
فاطمة مبروك ي دودد
هدير عقبالك ي قلبي
فاطمة هنبدأ ولا ايه
هدير اه دة انا متأخرة
فاطمة طب يلا وريني لون فستانك
هدير اشطااا
تقوم هدير تجيب فستانها توريه ل فاطمة وتبدأ فاطمة تعملها الميكب بعد شوية
هدير تحفة اوي ولا كأني رحت ل كوافير بجد تسلم ايدك
فاطمة اي خدمة
....... ممكن تعمليلي انا كمان
....... وانا والنبي
.......
وانا وانا
فاطمة ايه دة كلوا !!!!
هدير يلا جبتلك شغل هههههه
فاطمة واحدة واحدة طيب وشغلولنا حاجة تسلينا خطوبة دي ولا ولادة
هدير شغللها ي بت خلي مزاجها يتظبط
يشغلوا مهرجان بنت الجيران
فاطمة ااااه بعشقه
يسقفوا ويزغرطوا وترقص فاطمة وهي بتعملهم الميكب شهاب ف اوضته نايم يصحي ع صوت الاغاني يقوم يدخل التواليت يغسل وشه وبعدين يلبس ويقرب ع اوضة هدير يفتحها
شهاب صباحووو ي عروساااااااا
هدير صباحو اشيبوووووو
تجري تحضنه
شهاب مبروك ي قلبي
هدير حبيبي عقبالك يارب والبسك البدلة ب ايدي
يبوس دماغها تبتسم فاطمة
شهاب ايه دة مال وشك انتي عيانة
هدير انا لا
تنتبهله فاطمة
شهاب معرفش بتهببوا ايه ف خلقكم
يبص ل فاطمة
شهاب وهو بيغمزلها خرة اوي ع فكرة
يمشي شهاب وفاطمة تتعصب
فاطمة شايفة
هدير هههههههه معلش بيحب يزاولك هعمله ايه ادمان عنده يناكف فيكي
فاطمة ماشي
يعدي الوقت وتمشي فاطمة ترجع المحل يوصل العريس ويلبس الدبل توصل كارمن تركن عربيتها تحت البيت وتطلع
الام تعالي ي كرومة
كارمن ازيك ي خالتو
الام وهي بتبوسها بخير ي حببتي
كارمن الف مبروك ل هدير
الام الله يبارك فيكي خشي خشي
تدخل كارمن تسلم ع هدير وباقي الي تعرفهم م العيلة وطبعا قريب وغريب مش شايل عينه من عليها يعدي الوقت
كارمن انا همشي بقا ي وجدان
وجدان ليه بس خليكي
كارمن معلش عشان متأخرش ع زوهير
وجدان طيب استنى انده امي
كارمن لا لا خليها مع الناس مش مهم .. ابقي سلميلي عليهم
وجدان الله يسلمك حاضر
يقرب شهاب عليهم
شهاب ماشية ولا ايه
كارمن اه
شهاب طب هنزل
