روايه عالم افتراضي بقلم ايمان شلبي
المحتويات
الفصل الاول
الفستان الاسود احلي عليكي
كانت فاتحه الواتس وهي واقفه في الشارع مستنيه صاحبتها تنزل عشان يروحوا الكليه سوا
اتفاجئت بالماسدج الغريبه ديه!
بصت علي الفستان الاسود اللي كانت لبساه وحطت ايديها علي بوقها وهي بتضحك برقه
لفت يمين وشمال يمكن تلاقي صاحب الماسدج لكن مشافتش حد
هظهر بس مش دلوقتي
بعت ماسدج تانيه خلتها ترفع حاجبها الشمال باستغراب
انت مين !
ابتسم بهدوء وهو بيسند ظهره علي الكرسي ورجله الاتنين علي سور البلكونه
واحد
هي برفعه حاجب واستنكار
بجد كنت مفكراك واحده!!
وكمان دمك خفيف
طب غور بقي بخفه ډم اهلك اللي علي الصبح ديه
قالت جملتها واخدت نفس طويل وهي بتعمل بلوك للرقم بغيظ اصل هي خلقها في ذمه الله ومش ناقصه ۏجع ډماغ
قالتها صاحبتها وهي بتقرب منها باستغراب
واحد بعتلي ماسدج بيقولي الفستان الاسود احلي عليكي
صاحبتها برفعه حاجب
ايوه فين المشكله
بقوله انت مين بيقولي واحد لا بروح خالته كنت مفكراه واحده ظريف البيه
صاحبتها وهي بتضحك عليها بقوه
وطبعا كالعاده اترزع بلوك
ومش بس كده لا وكمان بوشكاش محفوظ بيضحي وشتمته
ضړبت صاحبتها رأسها بيأس من تصرفاتها المجنونه والعڼيفه مع كل الشباب وكأنهم بالنسبالها وحوش كل ما حد يقرب يتفاجئ برفض وبلوكات ومش بعيد ضړب !
يابنتي انتي مش هتبطلي حركاتك المجنونه مع كل الشباب ديه !
توء
هتعنسي جنب امك
رفعت حاجبها باستنكار
لا يا نيره بس انتي حرفيا معاملتك مع أي شاب صعبه فيها ايه يعني لو كان لينا صحاب شباب !
فيها أنه حرام يا سجي
احنا مش بنعمل حاجه غلط كل حاجه بحدود
حتي لو كان بحدود حرام برضو كنت بفكر زيك لحد فتره قريبه اوي لحد ما بابا قالي أنه حتي لو بتتعاملي بحدود ممكن مع الوقت تحبي اللي قدامك ساعتها الحدود هتتشال ساعتها ممكن تعملي اي حاجه حتي لو كانت غلط لأن مشاعرك هي اللي بتحركك اكتر من عقلك ودينك وعادتك ...انا مش ملاك لكن بحاول بحاول ابعد عن حاجات كتير كنت بعملها زمان يمكن ربنا يهديني للطريق الصحيح
سجي وهي بتفرك ايديها بتوتر
ا احم تعالي يانيره نسلم علي زمايلنا ونمشي علي طول
بصت نيره علي التجمع اللي كان مكون من شباب وبنات وهزت رأسها برفض وحزم
لا ياسجي مش هروح لو عايزه تروحي انتي روحي
لو سمحتي ياسجي متضغطيش عليا
سجي وهي بتهز رأسها بضيق
طيب استني هروح اسلم عليهم وجايه
تمام
كل مره بيزيد احترامي ليكي عن الاول حقيقي انا محظوظ أن انتي هتكوني من نصيبي
بصت للماسدج اللي بعتها فون لأنها عملت بلوك علي الواتس وعقدت ما بين حواجبها باستغراب !!
كان جواها فضول تعرف مين اللي مراقبها ومراقب تصرفاتها
كان عندها فضول تعرف ليه مش بيظهر قدامها ويقول الكلام ده بنفسه !
يمكن خاېف منها في الحقيقه من حقه ېخاف لانه لو ظهر وقال الكلام ده قدامها مش بعيد ترتكب جنءايه
هي مش معقده زي ما الكل بيقول عنها لكن هي عارفه حدودها كويس اوي
عارفه دينها وبتحاول تطبقه يمكن هي مش ملاك يمكن بتعمل حاجات كتير غلط مخالفه لتعاليم الدين
يمكن لبسها مش اللبس الشرعي المطلوب يمكن لسه في عادات مسيطره علي قلبها ومشاعرها لكن بتحاول هي دائما بتحاول تكون افضل حتي لو مش هتكون مثاليه لكن علي الاقل بتحاول وهي عارفه ومتأكده أن ربنا هيقف معاها هينور قلبها للطريق الصحيح الطريق اللي آخره جنه
اتنهدت بضيق وهي بتمسح الماسدج وبتستغفر ربنا في سرها وهي واقفه حاطه وشها في الأرض عشان عينيها متجيش في عين شاب بالغلط
هي عارفه أن كل اللي بتعمله مش بيعجب حد بس احنا مش جاين الدنيا عشان تصرفاتنا تعجب الناس احنا جاين عشان نرضي ربنا
اتمني تمسحي الروج اللي انتي حطاه شكلك من غير حاجه حلو
حطت ايديها علي بوقها پصدمه وبرقت عينيها وهي بټشتم نفسها في سرها
انها نست تمسحه من ليله امبارح لأنها بتحب تحطه في البيت لكن هي بقالها فتره كبيره مش بتحط ميك اب في الشارع !
جرت على الحمام من غير حتي ما تستني سجي اللي كانت نسياها تماما وواقفه تهزر مع صحابها
دخلت الحمام واول ما دخلت حمدت ربنا أن مكانش فيه حد طلعت منديل وفضلت تمسح الروج بقوه وهي بتستغفر ربنا وبتدعي علي الشاب اللي ظهرلها من العدم
كشفت راسي ودعيت عليك يا اخي انا مش فاهمه ظهرتلي منين يابني آدم برأس بخاخه انت ايه ياخويا جو الروايات ده والفستان الاسود
احلي عليكي نينينيني وقال ايييييه محظوظ انك هتكوني من نصيبي نصيب ايه يابو نصيب ليبيه هو انا يوم ما اتجوز هتجوز واحد زيك
وماله طيب اللي زي ده انا حتي حلو وبسمسم
احييييه هو عفريت ولا ايه نهار اسود
قالتها وهي بتلطم علي خدها وبتلف يمين وشمال
متابعة القراءة
