الجزء الاول بقلم سهيله سعيد

عملت كدة عشان مستحملتش عليكي كلمة وحشة منه وهي غلط ف حقك .. ي ستي اعتبريها عيش وملح الجيرة واني اصيل عنكم 
فاطمة يعنى عملت كدة عشاني !!! 
شهاب ب ابتسامة مشيها عشانك 
يسيبها ويمشي تفضل بصاله لحد م يختفي من قدامها تطلع بيتها يقرب شهاب ع عصام واقف ياخده ويروحوا الصيدلية يغير ع ايده تدخل فاطمة البيت 

الام ايه 
فاطمة رجع شهاب 
هند هو لحق !!!! 
فاطمة معرفش بس جه 
تدخل اوضتها 
اسراء مالها دي !!! 
الام يلا قوموا ناموا وراكوا اشغال 
بعد شوية شهاب ف اوضته بيتكلم ف الفون 
شهاب عقبال م يجبسوله رقبته ان شاء الله 
عصام مش عارف انت بتتدخل ف مشاكل متخصكش !!! 
شهاب انت اهبل يلا مهو الي مدخلني م الاول ف الموضوع والكلام قدامك عاوزه ېتهجم عليها وهي تقولي بسببك ومتدخلش ازاي 
عصام كنت اتفاهمت معاه براحة 
شهاب رحت وكلمته براحة وقلتله ولا ليك دعوة بيها ولا بيا قالي كلام استفزني كان لازم اوقفه عند حده
عصام اديك كنت هتضيع فيها افرض مكنتش طلعت م القسم 
شهاب كان نصيبي بقا
يلاقي رقم ع الويتينج 
شهاب اقفل وهكلمك تاني 
عصام ماشي 
يقفل عصام 
شهاب الو 
سو ايه ي بيبي فينك 
شهاب ف البيت 
سو بتهزر انا مستنياك من بدري 
شهاب مش هقدر اجي انهاردة 
سو ب حزن ليييييه 
شهاب متخانق ف الشارع ولسة جاي م القسم مكسر 
سو ي قلبي بعد الشړ عليك 
شهاب تسلمي 
سو طب تعالى ي شهاب انت قلقتني عليك عاوزة اشوفك 
شهاب ي بنتي بقولك مكسر مش هقدر 
سو بقولك تعالى عاوزة بس اطمن عليك والا هجيلك انا 
شهاب تيجي فين ي بنت المچنونة !!!! 
سو يبقا تيجي انت انا مستنياك متتأخرش باي 
شهاب بااااي 
يقفل شهاب فاطمة وهند واقفين ف البلكونة 
هند ب انفعال ورحمة ابوكي لو م كان شهاب لبسه المستشفى وسمعت انه كسرله رجله ودراعه ل كنت رحت دلوقتي كسرت رقبته 
فاطمة اهدي طب بالله عليكي ل امك تسمع هتبهدلني 
هند وتبهدلك انتى ليه هو انتي الي اتهجمتي عليه 
فاطمة طب خلاص طيب 
هند وبعدين انتى ازاي مفرجتيش عليه الشارع !!!!!! 
فاطمة اه واجيب ل نفسي سمعة ژبالة ايه دة مش دي فاطمة الي باسها هيثم ف بير السلم 
هند هههههههه 
فاطمة اضحكي يختي 
هند هم يبكي وهم يضحك والله 
فاطمة عرفتي ليه بقا مكنتش حابة اقف معاكوا ولا اختلط بالشارع هنا 
هند ربنا يتوب علينا م المنطقة الزفت دي 
يلمحوا شهاب طالع م البيت 
هند رايح فين دة السعادي !!! 
فاطمة اكيد رايح يتسرمح 
هند بتاع بنات اوي 
فاطمة وهي داخلة جوة ربنا يهديه 
يعدي الوقت شهاب قاعد مع سو 
سو المهم انك كويس 
شهاب الحمدلله 
سو انا اما غيبت ولقيت فونك مقفول خفت اوي فكرتك بتتهرب مني 
شهاب واتهرب منك ليه ماسكة عليها شيكات !!!!!
سو لا مش قصدي بس قلت يمكن زهقت مني مهو مفيش حاجة بتربطنا 
شهاب ب فهم اممممم 
سو شهاب 
شهاب اؤمري 
سو ايه رأيك لو ........... 
شهاب وهو بيقوم كدة مش هبتدي اهرب منك دة كدة هقطع علاقتي بيكي ودلوقتي 
تقف سو قصاده 
سو هو انت عارف انا هقول ايه !!
شهاب مستحيل يكون بينا جواز او ارتباط رسمي ي سو 
سو اسمعني بس 
شهاب طب واضح انك مصممة .. سلام 
لسة هيمشي تشده من دراعه 
سو اصبر بس خلاص والله م هفتح السيرة دي خلاص انا بهزر 
شهاب انتي مبتهزريش بس حطيها ف بالك كويس دة مستحيل يحصل ف عاجبك ع كدة عاجبك مش عاجبك نقطع من دلوقتي
سو خلاص بقا ي شهاب انا اسفة مش هتكرر والله .. اقعد بقا 
شهاب كدة كدة ماشي 
سو عشان خاطري خليك معايا 
شهاب مش قادر عاوز انام 
سو ادخل نام جوة بس خليك معايا بليييز 
يتنهد شهاب يطلع الصبح شهاب ف الشركة قاعد ف مكتبه يرن فون المكتب 
شهاب الو 
كارمن شهاب تعلالي مكتبي 
شهاب اوك 
يقفل شهاب ويقوم يروحلها يخبط ع المكتب ويدخل 
كارمن وهي بتقوم انت كويس 
شهاب اه 
كارمن اقعد طيب 
يقعد ب استغراب ل قلقها تقرب تقعد ع الترابيزة قصاده توتره 
كارمن وهي بتمسك دراعه المتعور ايه الي حصلك ! 
شهاب انتي مين قالك !!!
كارمن محدش دة انا شفتلك الصبح وانا داخلة بس ملحقتش اكلمك كان عندي اجتماع ومستعجلة 
شهاب خناقة بسيطة ف الشارع 
كارمن امممم شكلك مشاغب 
شهاب لا نهائي .. دة انا غلبان اوي 
كارمن وهي بتقرب ب وشها عليه لا مش واضح خالص 
يضير شهاب وشه ويبتسم لانها قريبة اوي وفجأة يدخل جوز كارمن 
زوهير ك .......... 
يشوفهم يسكت 
كارمن مش تخبط ع الباب ي زوهير في حد يدخل كدة !!!!! 
زوهير معرفش ان في حد معاكي 
ملحوظة .. زوهير عنده ٥٤ سنة سنه كبير جدا بالنسبة ل كارمن ضعف سنها بس هي وخداه خزنة مش اكتر زوهير رجل اعمال كبير وهو الي فاتح الشركة دي ل كارمن وكاتبلها نص ممتلكاته 
كارمن دة شهاب ابن خالتي الي حكيتلك عنه 
زوهير وهو بيقرب ع شهاب اه اهلا وسهلا 
شهاب وهو بيقوم يسلم عليه اهلا ب حضرتك 
زوهير يارب تكون مبسوط ف الشغل 
شهاب اه الحمدلله .. عن اذنكم ورايا شغل 
كارمن وزوهير اتفضل 
يمشي شهاب يرجع شغله 
زوهير شكله شاب كويس 
كارمن وهي بتقعد ع مكتبها اه 
تعدي الايام فاطمة ف المحل تدخل هدير 
هدير سلامو عليكم 
فاطمة عليكم السلام 
هدير انا من بدري عاوزة اجيلك عشان اشكرك ع الي عملتيه مع امي بس انتي عارفة بقا عروسة وبجهز نفسي ف مش عارفة افضى 
فاطمة ولا يهمك ربنا يتمملك ع خير 
هدير امي من وقفتك معاها وهي ملهاش سيرة غيرك كرهتنا فيكي اكتر 
فاطمة هههههه معلش 
هدير وشهاب كمان 
تنتبه فاطمة 
هدير انا جيت بس اشكرك بقا ونردهالك يوم فرحك ان شاء الله 
فاطمة ان شاء الله 
هدير المهم انا قلت اعزمك ع خطوبتي وهتيجي انا مش باخد رأيك 
فاطمة ب ابتسامة هاجي حاضر 
هدير وبيقولوا لا محبة الا بعد عداوة ف نعتبر الي فات ماټ بقا 
فاطمة دة فات زي م قلتي ف خلاص عدى 
هدير بالظبط كدة ربنا يكملك ب عقلك .. عقبال اخواتك 
فاطمة هنلبخ بقا 
هدير لا خلاص الخطوبة الخميس الجاي هي هتبقا ع الضيق كدة تلبيس دبل بس عاملين ليلة قبلها ف البيت انا وصحابي وقرايبي ف قلت اقولك ولو عاوزة تجيبي اخواتك هاتيهم 
فاطمة حاضر هقولهم 
هدير وامك زي بعضوا 
فاطمة كدة كتير والله !!
هدير خيري عليكم ي بت ولا بتنسي 
فاطمة لا يختي مش ناسية