روايه قمر كامله جميع الاجزاء

دا .. ! 
بيقطع شرودها رنة الموبايل .. بتكون ماجدة .. 
قمر ألو .. 
ماجدة ألو يا قمر .. ازيك يا حبيبتى و مريم عاملة إية 
قمر .. الحمدلله .. كويسين خير يا طنط حاجة حصلت 
ماجدة بتأنيب أخص عليكى هو لازم يبقى فية موضوع علشان نتكلم يا بت ! 
قمر بخجل ل لا .. كنت بسأل بس .. 
ماجدة بضحك لا ياستى متقلقيش .. هو بس كنت بنضف النهاردة و لقيت كتاب لمريم واقع ورا المكتب .. نسيت تعبيه اظن محتاجاة .. 
قمر .. امم .. هعدى اخده منك كمان شوية .. 
ماجدة خلاص وبالمرة نشرب شاى سوا .. 
بيتفقوا و بتقفل قمر الخط .. وقبل ما تروح تلبس .. بتطلب جاسر . 
لكنه مش بيرد .. بتبعتلة .. مش بيشوف رسايلها .. 
فى الأخير بتقرر ټخطف رجليها و تروح وتيجى
بسرعة قبل ما يرجع . 
_عند ماجدة_ 
ماجدة يابنتى أنت لحقتى تقعدى ! ..
قمر .. معلش بقى .. جاسر قالى متأخرش . 
ماجدة صحيح مجاش معاكى ليه الولا دا ! 
قمر بتوتر م مشغول .. المرة الجاية.. 
ماجدة ماشى .. المرة دى مش محسوبة .. ها . 
بتضحك قمر وبتمشى .. مع السلامة .. 
ماجدة مع ألف سلامة .. بتقفل الباب 
وهى نازلة على السلم بتقابل دكتور عصام .. 
بيقابلها بنظرات لوامة .. إزيك يا قمر .. 
قمر بعجله الحمدلله .. عامل إيه يا

________________________________________
عمو . 
عصام .. بخير .. أردف بعتاب كدا .. تتجوزى وتمشى من غير ما تقوليلى حتى ولا تسلمى عليا .. دا أنت فى مقام بنتى ولا مش عارفة .. 
قمر بإبتسامة .. ربنا يخليك يا عمو .. ماهو .. أنا قولت أن جاسر قال لحضرتك .. 
عصام بدهشة جاسر ! .. جاسر مين ! .. 
قمر بإستغراب .. جاسر .. جوزى و إبن اختك المسافرة .. تقريبا .. هو حضرتك مجتش لية كتب الكتاب أنا زعلت جدا ...
عصام جاسر مين يا بنتى ! .. أنا معنديش اخوات أصلا ولا قرايب بالاسم دا ! 
قمر پصدمة إية !
يتبع
بقلمى
فرصة_ضائعة ١٠ 
رأيكم و توقعاتكم 
عصام جاسر مين يا بنتى ! .. أنا معنديش اخوات أصلا ولا قرايب بالاسم دا ! 
قمر پصدمة إية ! 
عصام بقلق .. أنت كويسة يا قمر .
هزت راسها بخفوت .. ونزلت بهدوء ... وهى حاسة أن الواقع دا مش حقيقة . . دا أكيد مقلب أو كابوس .. دقيقة و هفوق ... ! 
_الظهر_ 
روحت و طلعت غرفتها بهدوء .. كإنها طيف مش حاسس بحاجة ولا حد حاسس بية .. 
أول ما فتحت الباب . . لقت جاسر قاعد على كرسى و مديها ظهره وهو منزل أيدة و ماسك بيها كاس .. 
اټرعبت .. ج جاسر .. أنت جيت ! .
جاسر من غير ما يبصلها إقفلى الباب .. إقفلية خالص 
نفسها وقف .. ل لية 
جاسر إسمعى الكلام بدل ما أقوم اكسر عظمك .. 
قفلته پخوف .. وأول ما لفت وشها لقتة واقف وراها .. كانت هتصرخ حط إيده على بقها .. هششش .. دماغى مصدعة خلينا نبقى هاديين .. 
جسم قمر بقى يرتعش .. ولزقت فى الباب .. 
قالت وهى بتحاول تقاوم و تستجمع قوتها .. ء .. أنت .. متضايق علشان خرجت من دماغى .. 
ضربات قلبها زادت .. وصدرها بقى يعلو و يهبط پجنون .. فى الأخير غمضت عينها .. و دفعته بعيد .. 
جاسر اټجنن .. وضربها على وشها بالألم .. أنت اټهبلتى ! .. 
إتصدمت قمر من ردة فعله .. وقالت بدموع و بعصبية آه .. آه اتهبلت علشان وثقت فى إنسان زيك لا نعرف هو مين ولا أى حاجة عنه .. ! 
جاسر هدى .. و قطب جبينه .. وقال قصدك إية 
قمر صړخت فية .. أنا عرفت كل حاجة دكتور عصام قالى أنة معندوش قرايب بإسمك .. اردفت بسخرية ما هو لازم ... عربيات و قصر ضخم رجلك ټوجعك من المشى فية و حرس زى الرز فى كل مكان .. وشرب ليل نهار لازم متبقاش فية علاقة .. بس عارف من غبائى عملت إية! .. كدبت نفسى .. علشان اصدقك أنت .. !
جز على سنانة .. و إذا .. هتعملى إية .. 
برودة ردة خلت قمر تشيط .. هو إية إلى هعمل إية أنا عايزة أعرف أنا متجوزة مين ! .. ولية كدبت عليا ! 
اتنهد بتعب .. و غمضت عينها پخوف .. وفاقت على صوت تكة الباب وهو بيتفتح .. 
فتحت .. لقته
مديها ظهرة و بيبعد وهو بيقول .. اخرجى .. .
الډم غلى فى عروقها .. وهبدت الباب .. . 
جاسر إفتكرها مشيت لكن لما لف ظهره .. لقاها واقفة وهى مربعة إيدها .. قال مش قولتلك اخرجى ! .. 
قمر .. لما تبقى ترد عليا هبقى أخرج .. 
جاسر بسخرية . . القطة بقى لية ضوافر و بتخربش . . . 
أردف بحدة .. قمر لو تنيتك واقفة أنا هعمل حاجة مش هتعجبك .. ومهما صرختى أو عيطتى مش هحلك .. لسة عايزة تسمعى 
بلعت رايقها بتوتر .. ء ... آه .. 
جاسر .. تؤ .. دى لازم .. علشان تخلينى أبلع الكلام و اقولك . 
بتبعد قمر .. وهى ممتعضة .. وبتقف فى ركن بعيد عن جاسر .. 
بيقعد وبيشرب بروقان و هو بيقول بغرور بعدتى لية .. خليكى عارفة أن مهما بعدتى هقدر أطولك .. علشان أنت ليا وليا وبس .. فمهما كان رد فعلك بعد ما تعرفى الحقيقة .. مش هيغير حاجة هتفضلى فى مكانك هنا جنبى ...
قمر بتبصله بصمت .. . .. 
بيرجع ظهره على الكرسى وهو بيقول .. أنا جاسر الهوارى صاحب أكبر شركة إنتاج فى الشرق الاوسط .. لكن ظاهريا .. قشرة علشان تدارى اللب إلى جوا .. 
قمر بحيرة إلى جوا 
جاسر آه .. ما أنا بردة أكبر تاجر ممنوعات فى الشرق الأوسط .. !
يتبع
بقلمى
فرصة_ضائعة ١١ 
عارفة البارت صغير لكن علشان مشغولة جدا إن شاء الله لو عرفت انزل بارت بليل هنزل 
جاسر آه .. ما أنا بردة أكبر تاجر ممنوعات فى الشرق الأوسط .. !
قمر فضلت مسهمة شوية .. وبعدين قالت .. إية! .. هه أنت بتهزر صح ... بتشوف رد فعلى .. برافو قول الحقيقة بقى . . 
جاسر ببرود .. هى دى الحقيقة .. 
قربت منه .. وقالت بصوت بيرتعش ي .. يعنى أنت بتدخل السمۏم دى للشباب هنا .. ! 
جاسر قام وقف .. مأجبرتش حد .. أنا مش ماشى اوزعة على الناس إلى بيدفع هو بس إلى بياخد .. . 
قمر أردفت پصدمة و كإنها بتكلم نفسها ومش سامعة حاجة ..