ضربتى حماتى بالشبشب الجزء الاول

الحما _بتضربني يا مرات ابني بالشبشب ده انا قد امك
منال _اه ايديكي بالشبشب طلما مش عامله اعتبار لصاحبه البيت وطالعه شقتي وبتفتحي تلاجتها وهي مش موجوده
وقبل ما نبدا الحكايه اعرفكم بنفسي أنا
فوزيه الست اللي تعبت وربت وفي الاخر اضرب 
بالشبشب من مرات ابني وبدأت الحكايه لما 
روحت ل منال وفتحت ليا وقالت

منال _خير يا حماتي جايه عالصبح عايزه اي
الحما _صبح اي يا بنتي ده الظهر إذن من 
شويه وبعدين انا قاعده علي السلم من الساعه 10
منال _مهو مافيش حد يجي لحد الصبح 
كده المهم ادخلي يلا وبعدها دخلت واقعد 
علي الكنبه وقولت
الحما _هو يوسف نزل الشغل يا حبيبتي ولا موجود هنا اصل محمد اخو كان عايزو
منال _يعني محمد ناوي يجي يعني البيت دلوقتي ولا اي المهم بقولك اي أنا داخله انام 
ومش عايزه اسمع صوتك خالص في الشقه 
انا طول الليل سهرانه مع العيال
الحما _ماشي يا حبيبتي بس معلش لو ينفع 
تجيبي ليا اي حاجه اكلها بس لان مكلتش حاجه 
من الصبح
منال _وليه ملاك الرحمه سلفتي ازاي تنزلك من غير اكل يعني مش هي دي حبيبه القلب
الحما _خلاص خلاص مش عايزه حاجه يابنتي 
ادخلي نامي وبعدها دخلت وانا فضلت قاعده 
وشغلت التلفزيون ولقيت منال خارجه تقولي
منال _هو انتي يا وليه انتي في حد مسلطك عليا 
مشغله التلفزيون علشان العيال تصحي 
حرام عليكي وفي الوقت ده انا قومت 
وقفت وقولت
الحما _والله يا بنتي مكنتش قصدي حقك 
عليا سامحني طيب هاتيهم وادخلي نامي انتي
منال _اذكان انا امهم ومش بعرف اقعد بيهم 
انتي هتعرفي تسكتيهم اقعدي ساكته بقي 
لما اشوف هعرف انيمهم ازاي وفي شقه محمد 
ابني دخل البيت وكانت رحمه قاعده مستنياه
رحمه _شوفت مامتك عملت اي خليتني تحت 
في السوق ومشيت من غير فطار والله انا مش 
بحبها تروح عند يوسف اخوك
محمد _طيب اصبري اقعد بس انا لسه طالع 
السلم ومش قادر اخد نفسي انتي عارفه 
انها بتحب تقعد يومين هنا ويومين هنا
رحمه _مش بحسها بترتاح عند يوسف معرفش 
ليه وفي نفس الوقت بحس انها مش حباه 
تتقل علينا
محمد _عالعموم انا اتكلمت معاها أنها لازم 
تاجر شقه وهدفع انا النص. اخويا يوسف 
النص وهي تعيش بالمعاش بتاعها
رحمه _مع ان شيفاه أن المعاش ولا يسوي 
حاجه اليومين دول بس اللي يريحها تمام 
المهم احضر ليك الغدا
محمد _ماشي بس بسرعه لان لازم اروح 
شقه يوسف علشان اتكلم معاه 
وفي شقه يوسف كان قاعد ومراته بتحط الاكل 
وبعدين قالت
منال _اي يا يوسف امك لسه قاعده علي 
السفره ولا اي ما تقولها
يوسف _اه اه يا حبيبتي حاضر هقولها دلوقتي 
وبعدين بص ليا وقالي
معلش يا امي هنحط ليكي الاكل عالارض لأن 
المفرش غالي اوي وانتي عارفه ان منال مخلفه 
تؤام ومش بتقدر تروق كل يوم
الام _يعني أنا يا بني اللي هبهدل المفرش
عالعموم ماشي مافيش مشكله وبعدها 
قومت ولقيتها حطت ليا حته جبنه وقالت
منال _معلش بقي يا حماتي اصل عامله مكرونه 
اسباجكتي وانتي مش بتعرفي