زوج مكتمل الجزء 5ل8

البوليس ازاي
وعمر فعلا متهم 
بانه هو الي وصل اصدقائة للراجل الثري
والكل فاهم دلوقتي ان عمر
السبب في موتهم
وطبعا رجال البوليس
بمجرد ما هيعرفوا
ان ابني رجع
هيقبضوا عليه ...ويبهدلوه
ومش هيراعوا ان ابني تعبان نفسيا 
لا مش هسلم ابني للبوليس
وهو في الحالة دي
ولا حتي وهو سليم
ايوه..انا مش هجيب سيرة لرجال البوليس...
بان ابني رجع
انا متاكدة
انهم دلوقتي اقتنعوا بان عمر ماټ
لما لقوا الچثة المجهولة
وخصوصا..
اني لما اتعرفت علي الچثة..
اقريت بان الچثة كانت لابني
عمر
يعني خلاص
ابني كده سقطت عنة التهمة بالمۏت
والحل الوحيد دلوقتي
اني اخد ابني
واهرب بدون ما اقول لاي حد
ان ابني رجعلي
وبعد كده 
هبقي اعمل المستحيل واعالجة
بس ههرب بيه لفين 
واروح لمين يحميني انا وابني
وقبل ما اوصل لاجابة
سمعت باب الشقة بره بيتفتح
وعرفت ان كريم جوزي وصل
فا تذكرت التحذير الي في الرسالة
باني مقولش لاي حد
بان ابني عمر رجع
وخصوصا الناس المقربين ليا
فا روحت بسرعة
قفلت الاوضة عليا ...
انا ...وعمر بالترباس...
وفضلت اصطنت علي كريم
جوزي 
من ورا الباب
عشان اتاكد
ان كان كريم جاي ناحية الاوضة 
الي احنا فيها ولا ايه
ولما سمعت باب غرفتة بيتقفل
اطمنت... وعرفت انه مش جاي لاوضة عمر
فا ارتحت ...ورجعت لابني
بعدما اتاكدت
ان الترباس مقفول كويس علينا
ولما رجعت للسرير
لقيت عمر كان راح في النوم
فا نمت جنبة و اخدتة في حضڼي...
وبعدما اطمنت ان ابني رجع لحضني
اتنفست بارتياح
لاول مره 
من ساعة ما غاب عني عمر
وڠصب عني ...
روحت في النوم
وبعد شوية
قلقت...وصحيت من النوم
وبصيت في الساعة..لقيتها..٣ فجرا
فا بصيت جنبي علي عمر ابني
عشان اطمن عليه
لكن...
اتفاجئت 
بان السرير فاضي ...
وعمر مش نايم عليه
فا انتفضت من مكاني
وروحت علي باب الاوضة
لقيت الترباس مفتوح
فا خرجت من الاوضة عشان ادور علي عمر
وفضلت انادي
واقول..عمر...عمر
وفي اللحظة دي
لفت نظري
ان باب الاوضة 
عند كريم جوزي
مفتوح
فا جريت علي اوضتة بسرعة
عشان اسالة
ان كان شاف عمر 
لكن...
لما دخلت لاوضة كريم
اتفاجئت بعمر ابني
واقف ادام سرير كريم جوزي
وبيبص عليه
وكريم كان رايح في النوم
ولما بصيت لعمر
لمحت في عيونة نظرة ڠضب
فا اخدت ابني بهدوء
قبل ما كريم يصحي ...
ويكتشف وجود عمر
وبعدما رجعنا لغرفة عمر
استغربت من الي كان بيعملة عمر في اوضة كريم
ورجعت اسال نفسي
واقول...
ياتري عمر افتكر ايه
لما شاف كريم نايم في السرير خلاه يتاثر كده
وسالت عمر
وقلت..انت ايه الي صحاك من النوم 
واية الي خرجك من الاوضة يا حبيبي
فا بصلي عمر بدون ما يرد برضوا
فا قلت لنفسي
اكيد كريم هو السبب في الي حصل لابني
واكيد هو ده
الي خلي ابني بيبص علي كريم
پغضب وغيظ
ورجعت اقول...لنفسي
بس ازاي كريم يكون مسؤال عن الي حصل لعمر
اذا كان كريم جوزي
كان محجوز في القسم يوم اختفاء عمر
وبدات افكر تاني
واقول..
يمكن عمر ابني
لما قام من النوم
لقي نفسة عايز يدخل الحمام
ولما شاف كريم جوزي نايم
افتكر حاجة دايقتة 
فا عشان كده كان واقف متدايق
وفضلت محتارة من وقفة عمر
في غرفة كريم جوزي
المهم..
بعدما رجعت عمر لسريرة
رجعت انام جنب ابني
وانا حضناه
وفضلنا علي الحال ده
لاكتر من اسبوع
الصبح استني كريم جوزي يخرج
وبعدها ...اقفل الباب بالمفتاح
عليا انا ....وعمر
ونقضي اليوم كله مع بعض
وباليل ...اول ما يجي ميعاد رجوع كريم من بره
ادخل انا وعمر لغرفتنا
ولا من شاف ولا من دري
وحتي اخواتي..
كنت بكلمهم بالموبيل واطمنهم عليا 
عشان محدش فيهم يجي
يزورني
لغاية ما في يوم
صحيت الصبح علي جرس باب الشقة
الي فضل يرن بدون ما يفصل
فا قمت بسرعة افتح
قبل ما كريم جوزي يصحي
ويجي يخبط عليا
ولما فتحت 
لقيتها نيرة اختي
ومعاها اشرف اخويا
فا بصيت لهم
وقلت..اهلا تعالوا ادخلوا
فا ردت عليا نيرة
الي كانت بټعيط ...والدموع مالية عنيها
وقالتلي..البقية في حياتك يا حبيبتي
فا بصتلها بتعجب
وقلت...
البقية في حياتي في مين
فا رد اشرف
وقال...
لا حول ولا قوة الا بالله
اسمعي يا هدير
احنا النهاردة اتاكدنا
ان الچثة الي انتشلوها من النيل كانت لعمر ابنك فعلا
فا فهمت هما يقصدوا ايه
وقلت لنفسي...
تلاقيهم عرفوا 
اني اتعرفت علي الچثة
عشان كده جايين بيعزوني
فا بصيتلهم باسف
وقلت بهدوء
هو حضرة الضابط قالكم اني اتعرفت علي الچثة
فا زادت نيرة في العياط
وقالتلي... 
ايوه...
وانا بنفسي شوفت هدوم عمر
الي كانت علي الچثة
يوم ما انتشلوها من المية
فسالتها بدهشة
وقلت...
هدوم عمر 
ردت نيرة
وقالت...ايوه يا حبيبتي انا لسة جاية حالا من هناك
والظابط قالي...
ان بما انك اتعرفتي علي الچثة...
والهدوم طلعت بتاعة
عمر فعلا
ونتيجة الحمض النووي
اكدت 
ان الچثة لعمر
يبقي كده احنا اتاكدنا
ان عمر ابنك
في ذمة الله فعلا
في اللحظة دي
وقفتهم عن الكلام
وسالت نيرة
وقلت...
انتي بتقولي ان نتيجة الحمض النووي ظهرت
فا ردت نيرة بثقة
وقالت...ايوه يا حبيبتي
ما هي نتيجة الحمض النووي
كانت الدليل القاطع
الي اكد ان الچثة الي انتشلوها من النيل كانت لعمر ابنك
وقربت مني نيرة
وقالتلي
حبيبتي عايزاكي تتماسكي
وبعدها حضنتني
وقالتلي...
البقية في حياتك
في اللخظة دي
افتكرت الوحمة الي

كانت في فخد الچثة...
ولقيتني بقول لنفسي
فعلا الوحمة الي كانت في الچثة 
كانت في نفس المكان
الي في رجل عمر ابني
ودلوقتي نيرة قالتلي
انها شافت هدوم عمر الي كانت علي الچثة
والحمض النووي كمان قطع الشك باليقين
عارفين ده معناه اية......