قصه طفله المنزل لاسراء الزغبي كامله

مستعدة للحديث لكن تراجعت سريعا منكمشة الملامح كالأطفال
لا أنا اللى سألتك الأول متسع ... متسطب ... مست هووووف
ضحك عليها مكملا كلامها 
متستعبطنيش
أضافت بلهفة
أيوة بالظبط كدة
تنهد ملتقطا أنفاسه حتى لا يلتهمها للطافتها حالا
حاضر يا ملاكى ها أجاوب على أنهى سؤال دول كاتبين كتير
امممم مش فاكرة بصراحة كانوا كاتبين إيه ... آه افتكرت ... كانوا قايلين يومين وهتزهق منى وتشوفلك واحدة تانية 
ظهر الضيق على ملامحه
ماشى وأنا مش هجاوب على السؤال ده عشان عشقى ليكى مش محتاج أبرره أبدا ولا أدافع عنه هو كافى يجاوب على السؤال ده
ابتسمت ببلاهة وعشق فأفاقت على حالها 
ضړبت جبينها پعنف لتخرج من دوامة عشقه
أمسك يدها مبعدا آياها عن جبينها متطلعا إليها بعتاب
اقترب ببطئ فقبل جبينها لتغمض عينيها كالمخمورة
ابتعد عنها متحدثا بعتاب
متعمليش كدة تانى زمانها ۏجعتك
ضحكت بإحراج فقد آلمتها حقا لكن قبلته تفى بالغرض
بل أدته على أكمل وجه
توقفى أيتها الغبية فلتركزى 
طيب كتبوا إنك ... إيه جبرك تتجوز واحدة أقل منك فى كل حاجة
زفر بضيق محاولا التحكم بنفسه
ملاكى ما هو يا إما إنتى غبية وكنتى مخبية يا إما بتتغابى
ما هو نفس اللى قبله يا روحى وقولتلك مش هجاوب عشان عشقى مش محتاج أتناقش فيه
أنا بعشقك من وإنتى ٦ سنين ونص 
مليش دعوة ده صح ولا غلط بس أعمل إيه
إنتى دخلتى حياتى فى فترة كنت ضعيف فيه ... كنت إنسان مختل ... مش قادر يعمل أى حاجة غير إنه يتشعلق بأى أمل ... وكنتى إنتى الأمل ده
 أنا مقيدك ولاغى شخصيتك
تنهدت مبتسمة تجيب ببساطة
أيوة
جحظت عيناه فزعا مبتلعا ريقه بصعوبة ... فتح فمه محاولا التفوه بكلمة ... بل حرف حتى لكن فشل كالعادة شعر بالاختناق الشديد ليستمع لبقية كلماتها
بس أنا مش محتاجة شخصيتى فى حاجة ... بص يا أسدى فعلا إنت مقيدنى شوية ... أو كتير يعنى ... بس والله شكلى أنا اللى بقيت مختلة ... بحب تقييدك ليا ... بحب غيرتك الزيادة ... بحس نفسى حاجة غالية أوى أوى ... بعشق نظرتك لما تبقى غيران .... هههه بالذات من ابننا حيدر ... بتبقى عامل زى الطفل أكتر منه ... بتبقى باصصلنا بغيرة وعجز فى نفس الوقت ... اللى هو عايز تبعده ومش عارف ... أما شخصيتى فلو رجعتلى هعمل بيها إيه ... الشخصية محتاجينها عشان حاجتين نختار ونثور
وأنا ولا حاجة من دى محتاجاها
أختار إيه وإنت قبل ما أفكر بحاجة بلاقيك عاملهالى ... يبقى أختار إيه ... كل أما ييجى فى دماغى حاجة ألاقيك بقدرة قادر عاملهالى فى نفس اليوم
اللى هو مش مدينى فرصة يبقى نفسى فى حاجة أختارها
وهثور ليه ... حياتى فيها قهر وظلم مثلا عشان أثور ... إنت عمرك ما جيت عليا ... حتى غيرتك بقيت بتحاربها عشان خاطر متظلمنيش
بفرح أوى لما أقولك عايزة أتفسح وألاقيك موافق تخرجنى فى مكان عام مليان رجالة بالرغم إن عينك شوية وهتطلع ڼار
عمر ما سمحت لغيرتك إنها تظلمنى يبقى هثور على إيه
ولما أنا مش محتاجة أختار حاجة هتجيلى لوحدها ولا محتاجة أثور على ظلم مش موجود
يبقى لازمة شخصيتى إيه
تطلع بعدم تصديق وسعادة لكل شيء بالغرفة وبالطبع هى
ارتفعت ضحكات صغيرة من قلبه قبل فمه
ارتفعت ضحكات الفرح أكثر وأكثر لتشاركه إياها وهى تندفع لأحضانه
احتضنها بحب ودمعت عيناهما .... قبل رأسها وجاء ليتحدث فوجد فوج من الغنم
بااااابى باااابى
اندفع الأطفال لأحضان الوالدين فسقط الجميع على الفراش ضاحكين
ههههه براحة على أبوكم الكحيان
قالها أسد بضحك ممزوج پتألم فضحك أطفاله ببلاهة
اندفعت ملوك تنام فوق جانب صدره الأيمن وأخذت ملك مكانها على الأيسر
بينما نامت مليكة بصعوبة بالمنتصف
تمدد ليث بين والديه
حاوطهم بيده حتى لا يسقطون من فوقه وحرك يده تجاه ملاك بالأخص ذلك الذى يتسرب كالأفعى لينام بأحضان والدته
وصلت يده أخيرا للصغير
صړخ أسد پألم يشعر بتلك الأسنان الصغيرة تعض يده تكاد تقتلعها
آااااه سيب إيدى يابن العضاضة سيب يااااااض خلاص والله حرمت بس سيبها
اڼفجرت الوالدة ضحكا عليهما تتلمس شعر حيدر بحنان ليقرر الصغير أخيرا ترك يد والده وينعم بدفئ أحضان ملاكه
أخذ يده سريعا بعيدا عن متناول ذلك الأفعى مردفا
بتعضنى يابن همس ماشى والله لأوريك
أخيرا تحدث ابنه حيدر مغيظا إياه بإخراجه لسانه
تثتاهل
بس يا حيدورى عيب يا حبيبى متتكلمش مع بابا كدة
حاتر يا مامى
تطلع أسد إليهم بقرف
حاتر يا مامى ... جاتك نيلة فى حلاوة أمك
انكمشت ملامح الصغير يكشف
عن أنيابه مستعدا لمعركة أخرى فتراجع أسد محمحا
احم احم ما خلاص يالا هتعيشلى الدور ولا إيه ... المهم ... مالكم هجمتوا كدة ليه علينا
تحدثت مليكة بلهفة
يا بابى إحنا كنا بنلعب وبعدين قولنا كل واحد يختار شغلانة فى المستقبل بس ملك وملوك عايزين يشتغلوا شغلانتى ويقطعوا عليا
تحدثت ملوك الصغيرة باندفاع
لا يا بابى قولتلها كل واحدة ليها شفت ومش هنقطع على بعض وهى مش راضية
أومأت ملك موافقة أختها ليتحدث أسد بابتسامة متسعة
شفت ... حبايب بابى عايزين يبقوا دكاترة ... تربيتى ... شاطرين يا بنات
أردفت مليكة بصړاخ
دكاترة يااااااع ... دكاترة إيه يا بابى لأ طبعا دول ناس شريرة
عقد حاجبيه لتردف همس بابتسامة وتفهم
آاااه عايزين تبقوا ممرضات ... طب حلو برضو
زفرت ملك بقلة حيلة من غباء الوالدين
ممرضات إيه بس يا مامى
أومال إيه يا حبيبة مامى
أردف الثلاث فتيات بنفس واحد
رقاصات هيهيهيهي
اتسعت عينا الوالدين وانتفض أسد جالسا فكادت الفتيات يسقطن كالهلام
سقط مرة أخرى على الفراش كمن فقد وعيه وهو على الوشك الصړاخ
زفر عدة مرات محاولا الهدوء وعدم إخافتهن
احم لا لا أكيد قصدكم حاجة تانية ... رقاصات رقاصات!
أضفن قائلات
رقاصات رقاصات هيهيهيهي
الععععععب
قالها ليث بغمزة ليتطلع أسد وهمس إليه پصدمة 
تحدث أسد وهو على وشك البكاء حسرة
العب إيه ... العب إيه ألطم ... ألطم يا ناس
كاد يضرب وجنتيه حرفيا بعد سماع نبرة ابنته الباردة
يا بابا بلاش تبقى قفوش كدة الشغل مش عيب
مش عيييييب ... جايبين العيب نفسه وتقولولى شغل ... اتصرفى يا مدام فى عيالك أنا مش هتكلم
طب اهدى بس يا أسدى ... حبايبى القطاقيط عيدوا الضحكة دى تانى بالله عليكم
هيهيهيهي
ههههههه طب عايزة أتعلمها ... علموها لمامى عشان خاطرى
شعر بالدوار حرفيا ... علم الآن تلك الجينات المعتوهة جاءت ممن
تكفى تلك المهذلة فلينهيها حالا
بااااااااس الله فى إيه ما تحترموا نفسكم ... وإنتم يا رجالة البيت موافقين على كلام أخواتكم المنحرفين دول
تحدث حيدر محبوب والدته بهدوء
بث يا بابى متقلقث خاااالث أنا وليث هنثتغل ظباط
اتسعت ابتسامة أسد مزامنة