قصه كوميدي للرحمه نبيل
المحتويات
ولا ايه !
اتحرك في البيت وهو بيدور عليها وبعدين قال بتفكير
_ هي طلعت ملاك فعلا أنتي يا ست ...يا حاجة
بدأ يلف حوالين نفسه وهو بيقول
_ هي راحت في أي مص ...
وقبل ما يكمل كلمته حس بحاجة تقيلة بتخبط أي دماغه فتح عيونه پصدمة وفجأة وقع على الأرض وظهرت مليكة وهي ماسكة الطاسة وبتقول بغيظ
_ عشان تبقى تهددني تاني يا بلطجي .
_ يا ستير يا رب بشد شوال زلط ايه التقل ده كله
واخيرا اتنفست براحة بعد ما قدرت تنقله وقالت
_ والله اني قلبي طيب شوف مهانش عليا تفضل نايم على الأرض يلا كله لله ..
خلصت كلامها وطلعت اول اوضة شافتها عشان تستريح
هي كمان غيرت لبسها ونامت من غير ما تحس ..
صحي سعد وهو بيوجع بصوت عالي وحاسس بصداع كبير بص حواليه بتشوش وهو بيقول
_ أنا فين وحصل ايه
حاول يتعدل في قعدته وهو بيلف بعيونه في المكان وبعدين بلع ريقه وبص يمين وشمال
_ أنا تقريبا كده اتجوزت امبارح ...
قام من الكنبة وهو بيحاول يقاوم الدوخة وقال
_ أيوة فعلا اتجوزت حتى لسه لابس البدلة بس ايه اللي حصل وازاي نمت هنا و...
_
اه يا بنت ال ..
جري بسرعة في البيت وهو بيدور عليها وبعدين طلع على طول للاوض بدأ يفتحها واحدة واحدة عشان يلاقيها واول ما وصل لللي هي فيها لقاها مقفولة فقعد يخبط عليها بعصبية وقال
_ افتحي الباب يا ست الدكتورة..افتحي جاك فتح نفوخك بقى أنا تخبطيني بالطاسة على راسي! أما وريتك يا ست روبانزل انتي .
_ افتحي الباب يا ست زفتة بدل ما أكسره فوق دماغك و...
و فجأة سكت اول ما لقى الباب بيفتح بهدوء وهي خارجة من الحمام لابسة الروب وحاطة الفوطة على رأسها وبتقول بكل هدوء وسلام نفسي
فتح سعد عيونه پصدمة وقال
_ جود مورنينج يا بنت عبدالحليم جود مورنينج يا ضنايا ايه المزاج الرايق ده يا بت ده ولا كأنك فتحتي دماغ بني آدم بالطاسة امبارح وسبتيه مرمي زي الكلب في نص البيت .
بصت ليه مليكة وقال بسرعة
_ أنت بتقول ايه أنا عمري ما اعمل كده ...ايه معنديش قلب ولا ايه
_ امال ايه اللي حصل أنا ...
قاطعته وهي بتكمل كلامها
_ اكيد يعني أنا مش هسيبك مرمي على الأرض انا انسانه برضو وبحس أنا بعد ما نزلت فوق راسك بالطاسة
متابعة القراءة
