سجينه العادات الفصل الخامس عشر
المحتويات
انكسر. ونفسي انكسرت ارحموني وسبوني اعيش اللي فاضل في سلام داخلي مع نفسي وبس انا حكتفي بنفسي
ليلي حرام عليكي يا بنتي متعمليش في نفسك كده وانا مش حسيبك تاني انا نزله معاكي مصر
نورما مين قالك اني حقعد في مصر يا امي انا سيبهالكم كلها انا مش قاعدة معاكم كلكم في بلد واحدة
وفجاءة الباب اتزق دخلت جليله
جليلة علي فين العزم يا بنت ابني و هي امك مقلتلكيش أن الأرملة مبتقعدش لحالها عندينا الأصول بتقول اكده مفيش وحدة عزبه بتقعد لحالها عوايدنا أكده
نورما وبصوت عالي طظ اه طظ في عوايدكم دي ايه هو قرآن المفروض نمشي عليه كل شويه عوايدنا قالت عوايدنا عادت و فين البني ادمين هما عاوزين ايه مش مهم المهم العوايد و التقاليد والعادات الأصول والواجب لكن البني ادمين عاوزين ايه بيحسو بايه كل ده طظ ملهوش لازمة عندكم أن شله ېموتو المهم عوايد والتقاليد
جليلة قولي بقي انك عاوز تمشي علي حل شعرك بنت قليلة الرباية
في دخلت فاروق
فاروق امي من فضلك انا مربي بنتي صح و مستحل. تعمل كده
فاروق وايه يعني نورما عاشت في فرنسا اربع سنين لوحدها مش حخاف عليها
جليلة الناس عتاكل وشنا عاد كيف بنته عزبه تجعد لحالها أكده
فاروق يا امي كفايا بقي انا كنت حضيع بنتي بسبب الناس و كلامهم وعاداتهم حرام بقي بنتي حتعمل اللي هي عوزاه ومعلش يا امي طول ما انا عايش محدش حيمشي كلامه عليها
ليلي ربنا يخليك لينا يا فاروق ايوة كده
رفع فاروق عينه في عين نورما
نورما پقهر شديد بعد ايه يا حاج
فاروق حاج انا ابوكي ولا نسيتي
نورما للاسف مش انا اللي ناسيه انت يا حاج اللي نسيت اني انا بنتك و حپستني وعينت امي سجان و بعتني ومسالتش فيا سنة كاملة
فاروق ڠصب عني يا حبيبتي مكنتش قادر احط عيني في عينك ڠصب عني
ليلي يعني انتي حتسبيني وتسافري حهون عليكي
نورما ما انا هونت عليكم سنة اشمعنا يلا يا ماما من فضلك بجد عاوزة انام تعبانه اليوم كان طويل جدا
وفي سراية العزاوي
امير قاعد من كتر الغيظ وشه وعينه حمر
امير بقي كده ماشي ماشي يا نورما حنشوف انا ولا انتي بس وحيات حبك في قلبي ما حسيبك انتي بتاعتي ومش حاسيبك
متابعة القراءة
