اسر ورنا الفصل الرابع عشر كامل

آسر بجد مليش نفس... 
هتفضلي على الوضع ده لغاية امتى  
لما اشوف ياسين بعيوني و بيتكلم قدامي و اسمع صوته بودني... هبقى اكل انا و هو... 
جلس آسر بجانبها... و لا يدري ماذا يفعل... منذ الصباح لم تأكل شيء ولا شربت الماء حتى... 
رنا تنظر في اللاشئ و سارحة و عيناها ذبلت من البكاء و احمرت... امسك آسر يدها و مسح دموعها 
انتي مش لوحدك... انا معاكي... 
ابتسمت له وسط دموعها.
.. هبقى كويسة و هاكل و هعمل كل حاجة... بس اشوف ياسين قدامي... 
بإذن الله هيبقى احسن... 
يارب... 
جاءت رغد إليهم... عانقت رنا و ظلت تواسيها 
هيبقى كويس... متقلقيش... 
لو حصله حاجة... انا ھموت وراه... ياسين ده روحي... بحسه ابني مش اخويا... 
بعد الشړ عليكم... ياسين شطور و هيقدر يتخطى كل ده... المهم انتي متفقديش الأمل... 
اومأت لها و عاندت رغد معها و جعلتها تأكل... 
في الشركة...... 
دول كل الملفات اللي حضرتك طلبتهم مني يا مستر معاذ... 
معاهم كشف بكل أسماء الموظفين  
اها... و محل الإقامة لكل واحد طبعته معاهم... 
جدعة... بالنسبة لأول يوم ف كويس اوي... 
شكرا لحضرتك... اقدر امشي ولا لسه في حاجة تاني  
اممم... ممكن تقعدي... 
ليه  
اقعدي بس... 
جلست ف امسك هاتفه و قال
تشربي ايه  
ملهوش لزوم حضرتك... 
متكسفنيش... قولي... 
قهوة تركي... 
اتنين قهوة تركي على مكتبي... 
اغلق هاتفه و نظر لها مبتسما 
احم... لو مفيهاش رخامة... هطلب منك طلب... 
اتفضل... 
الجيبة اللي انتي لبساها... 
مالها  
وحشة... 
بجد  
اه والله... 
دي ب 2000 جنيه... 
متستاهلش... خليكي في الجيب البليسيه احلى فيكي من الجلد... 
اه... و حضرتك بتقول ليه كده  
بصفتي مديرك... 
اممم...طب ممكن امشي  
استني نشرب القهوة... اهو جه... 
دخل الفراش و قدم لهم القهوة... اخذت وئام الفنجان و بدأت في شربه و معاذ كذلك... 
قوليلي بقا... اتخطبتي قبل كده  
و ليه السؤال  
بندردش عادي... 
اتخطبت قبل كده بس محصلش نصيب... 
ليه  
عايز ست بيت... قولتله طب ما تتقدم لست البيت... جاي لوحدة موظفة و تقولها سيبي الشغل لان انت عايز ست بيت انا مش هسيب وظيفتي عشان حد... حتى الأيام اللي بقعد فيها في البيت بشتغل اونلاين ك مبرمجة... 
انتي ليكي في البرمجة  
اها... اخر كورس اخدته طلعت الأولى على زمايلي و اتكرمت كمان... و من ساعتها اي يوم بقعده في البيت بشتغل فيه ك مبرمجة... 
بتقبضي بالساعة  
ايوة... باخد في الساعة الواحدة 2000 جنيه... 
كويس... محتاجة تركيز صح  
محتاجة تركيز شديد اوي... اي غلطة اروح في داهية حرفيا... 
المفروض خطيبك السابق ده يفرح لانه كان هيتجوز وحدة ناجحة اكمل في سره جدع والله... ده انا ربنا بيحبني لانك سبتيه 
معظم الرجالة بيميلوا لست البيت نظرا لانها هتبقى زوجة كويسة... و دي حاجة على رأسي والله و مش غلط... بس اللي ينرفز ان الراجل يتقدم لوحده موظفة... و يخطبها... و اول ما يقرب معاد كتب الكتاب يقول لا مفيش شغل بعد الجواز... حاجة غريبة... و لو موافقتش على كلامه يقول يبقى مرتبك تشاركيني في المصاريف... اللي هو يا تسيبي الشغل خااالص او تصرفي معايا على البيت... 
انتوا كنتوا هتكتبوا الكتاب و تتجوزوا بجد  
اها... فلكشنا كل حاجة قبل كتب الكتاب ب 3 أيام... 
ياااه... 
الكل اتفاجئ زي حضرتك كده... بس انا كنت شارطة عليه من الأول