ظلمت نفسي الفصل الثالث والرابع كاملين
المحتويات
لمنه مع كل الأخوه الشباب إلي في الشات على الخاص...
الرسائل مكنش فيها حاجه مخله كان كلام عادي وهزار عادي...
لكن إلي مش عادي إن عرفت إن كل أخ في الجروب مرتبط بأخت صالحه من الجروب برده وبيكلمها خاص!
ما عدا يزن أد إيه راجل محترم أنا بجد معجبه بيه وكل يوم يزيد اعجابي ليه!!
سألت نفسي أومال أنا محدش كلمني ليه مش عجباهم يعني ولا إيه !!
خدجني من أفكاري رسالة مرام بعتتلي
احذري من منه يا شهد البنت دي مش سهله
قرأت الرساله ومردتش قعدت أفكر إيه مصلحة مرام إنها توقع بيني وبين منه!! ممكن تكون عايزه تخرب الجروب مثلا!!
وعشان أنا زكيه قلت لنفسي أنا معرفش مرام وممكن تكون بتألف والاسكرينات دي مفبركه قررت أجاريها في الكلام وهبقا أسأل منه إلي عمرها ما ألفت ولا كذبت عليا لأنها صاحبه صالحه!
أرسلت لمرام
إنت جايبه الإسكرينات دي منين!
ردت مرام بسرعه
الشباب إلي في الشات كلهم حاولوا يكلموني وكل الي يكلمني يبعتلي اسكرينات من دي عشان كده خرجت من الجروب لأن كله حوارات ومكنش السبب بابا ولا حاجه
خرجت من أوضني لقيت ماما قاعده قدام الابتوب بتسمع المسلسل كالعاده وعبيده بيعمل حاجه في المطبخ.
دخلت المطبخ وأنا ناويه أحكي لعبيده عن الجروب وأشوف رأيه قبل ما أروح لمنه...
ولما شوفت إلي بيعمله قلت پصدمه
قرب مني وحط سبابته على بوقه وهو بيبص على ماما بحركه مضحكة وقال بخفوت
هوووش وطي صوتك يا بت لو أمك شافتني هتعلقني
قلت همس
إنت مطلع كوبايات من المتحف الأثري للبيت ليه!
كنت أقصد النيش..
قال عبيده بنفس الهمس
شادي وعصام فوق وكنت عايزه أوجب معاهم فجبتلهم كوبايتين من النيش
ابتسمت وقلت لنفسي لأ مادام لعصام فميغلاش عليك وفداه تهزيق ماما..
بصيت ل عبيده وقلت
شادي! الواد الحلو ده كمان فوق
رفع عبيده حاجبه وقال بحدة
وحياة أمك!!
ضحكت وقلت بقلق
بهزر يا هندسه
عبيده بزعل
لا يا فراشه عيب الحاجات دي مفيهاش هزار
قلت بندم
خلاص والله متزعلش مش هقول كده تاني
بصلي بنظره جانبيه وقال
ماشي سماح المره دي
عبيده طلع لصاحبه ووقفت أفكر هو أنا بحب عصام ولا بحب شادي ولا أصلا معجبه ب يزن إلي في الشات!!
لأ أنا اكتشفت ساعتها إني بحبهم كلهم يا جماعه واتمنيت لو كان ينفع اتجوزتهم كلهم طلما قلبي زي قلب البطبخ كده يسع من الحبايب عشره...
بجد ربنا يسامحني على كل الأفكار إلي كانت بتيجي في دماغي في الوقت ده...
انتشلني من أفكاري صوت ماما إلي قالت
يا شهد... شهد إنت يا بت نفسي تردي عليا من أول مره
والله دايما برد من أول مره بس الأمهات بيكبروا الموضوع!
جريت ناحيتها ووقفت قدامها وقلت
حاضر... نعم يا ماما
إيه ده إنت بسه الإسدال ورايحه فين!
قلت بمراوغة
هجيب من منه ورق مهم وأجي
وقفت ماما مبتسمة وقالت بح ماس
طيب هاتيلنا معاك لب وتسالي وإنت جايه دا أنا منزله فيلم كوميدي يجنن عاوزين نسمعه أنا وإنت زي زمان
غمزتلها وقلت
ماشي يا عسل مش هغيب عليك
وأنا هصلي المغرب وأغسل المواعين على
متابعة القراءة
