حكايه عمر الفصل الرابع والعشرون كامل
.. انتي ايه اللي مقعدك كدا ياماما قووومي معايا
فريدة بتزقها سيبيني يامريم وشوفي بتعملي ايه
مريم والله ابدا انتي بتهزري
بتشدها بالعافية يلا ياماما قومي معايا
خادتها وراحوا قعدوا على مقعد في الطرقة
فريدة بصت لمريم وعينيها وارمة عياط اللي حصل لأختك دا حصل ازاي يا مريم
هدوءك دا محسسني إنك عارفة حاجة
فريدة بصوت عالي ها ااااايه اتكللللللمي
مريم اهدي ياماما اهدي
مش سارة اللي كانت مقصودة خالص انا اللي كنت مقصودة وكان المفروض تيجي فيا انا بس سارة جت في الرجلين ضحېة واحد ندل معندوش ضمير ولا مبادئ ولا إنسانية .. بس متقلقيش انا وعمر مش هنسيبه ينفد بعملته كتير
فريدة عملته !!
احكيلي يا مريم عمل ايه في أختك
محمد يالهوووي .. كل دا حصل وانت متحكيليش
عمر كنت لسة متأتمنش إني احكيلك سر زي دا يامحمد .. انت كنت صعب اوي
محمد يعني أنا بغبائي كنت هعيد نفس اللي أحمد عمله ومبقاش فرقت عنه كتير
بس محلولة .. انا مش هسكت ولا هيهدالي بال إلا ما اوقع الكلب دا واجيبلها حقها منه
عمر لا لا احمد دا شغلتي انا .. من هنا ورايح انا فاضيله بقا أما نشوف اخرتها
محمد اشطة .. ايدي على كتفك
عمر ربنا يخليك ليا يااخويا
محمد انا دلوقتي اللي شايل همه لما سارة تفوق وتفتكر اللي شافته آخر حاجة ولما نضطر نحكيلها الحقيقة ... إحتمال ټنهار تاني والله أعلم المرة دي هتوصل لفين
فريدة بدبة علي وش نفسها وهي بتقوم تقف يانهار اسوووووود ومنيل .. يعني انا بنتي دلوقتي مش بنت
كل دا حصل وانتي محكيتيليش يامرررريم
كنتي مستنية ايه كنتي مستنية لما اختك تتخطب وتتجوز ونتفضح ولا مستنية ااااايه انطقي
قامت مريم وقفت بخضة اهدددي ياماما بس ووطي صوتك .. والله انا كنت هقول بس الموضوع كان كبير وكنت خاېفة عليكي وعلي سارة من الخبر
أعمل ايه انا دلوقتي .. اتصرف ازاي ولا أروح فين
بنتي مستقبلها ضاع في ثانية وكل دا من غير مانا اعرف
مريم ياماما وانتي كنتي هتعملي ايه يعني لما تعرفي
فريدة انتي كمااااان بتبجحي فيا
انا غلطانة اني واقفة بتكلم معاكي بعد كل اللي سمعته .. اوعي كدا
محمد بيفتح الباب وداخل على سارة الغرفة
جنب السلم
تليفون مريم رن
مريم أيوة يامنة
منة ايه يابنتي عمالة اتصل بيكي من بدري مبترديش ليه
مريم معلش والله مسمعتش التليفون من الروشة اللي انا فيها
منة طب طمنيني أختك عاملة ايه دلوقتي
مريم لسة مفاقتش والله يامنة .. ادعيلها تقوملنا بالسلامة
منة ربنا يطمنكو عليها ياحبيبتي يارب
مريم بكسرة انا مش عايزاكي تفهمي
اللي حصل غلط يامنة .. أختي عمرها ماكانت كدا
منة عيب اللي بتقوليه دا يامريم مش انا اللي تقوليلي كدا .. عمر كان حكالنا على كل حاجة من فترة لما كنتي طالبة الطلاق
وحتي لو مكانش حكى احنا عارفين أخلاق سارة كويس كفاية إنها تربيتك يعني
ربنا يخرجها من المحڼة دي على خير انا اكتر واحدة عارفة معنى الكسرة بيكون ازاي
مريم مش فاهمة قصدك
منة ماعلينا .. روحي شوفي أختك يلا وابقي طمنيني عليها أول بأول وانا بردو هتابعك
مريم ماشي ياحبيبتي
قفلت معاها المكالمة لقت رسالة مبعوتة على الواتس .. فتحت الرسالة
بتقولي لعمر لو كان تحت الجبل هعرف اوصله واحاسبه على اللي عمله في أختي ..
حبيت أقصر عليكي المسافة اللي هتروحيها لحد الجبل .. وبيني وبينك دلوقتي خطوتين
برقت أول ما شافت الرسالة وبتبص قدامها شافت حد لابس طقم أسود وزونت أسود نازل على وشه نازل بهدوء على سلم المستشفي الخلفي اللي بينزل على الجراج
بلعت ريقها .. سابت التليفون من ايدها وجريت وراه
