أدهم الشرقاوى الفصل ال61 والفصل ال62

اللي ليه حق التصرف أنا ماملكش فيه حاجة أنت ليكي اللي عندي وبس
عصمت آه ما المطعم الكحيان اللي قابل فيه الجربوعه اللي اتجوزها كبروا وبقا ليه اسم أنا عايزة ادخل معاه شريكه
رحيم حاقولو ابقي شوفي عندك كام علشان تدخلي معاه شريكه
عصمت ليه هو انت مش حاتدفعلي
رحيم ادفع ليكي ليه
عصمت حقي وحق أمي
رحيم بصوت عالي أمك دي اخدت حقها تالث ومتلت بعد ما خسرتني صفقة وسرقتني وهربت مع عشيقها وسابتك ليا أتمنى أنك ماتنسيش دا
أنا اللي ربيتك ومراتي الله يرحمها ربتك بس للأسف أنت واخدا جينات أمك ابقي روحي عندها اسأليها ولا هي مش عايزة تشوفك طالما بتبعتي ليها فلوس كل شهر
وقام من على السفرة
سيف أنا مش فاهم أنت عايزة تكوشي على كل حاجة أحمدي ربنا على النعمة اللي انت فيها
عصمت كفاية يا سيف
سيف تعرفي إنك بتصعبي عليا عايزة قولك حاجة لولا بنتك كنت طلقتك من زمان
سلام
عند مليكه
خلصت شغلها ورجعت البيت طلعت شقتها اخدت حمام سخن وغيرت هدومها بي فستان طويل أسود نص كم
ونزلت عند صباح
مريم راحت فتحت لها الباب
مريم حبيبتي يا روحي أنت
مليكه وحشتيني يا بت إيه
كده برضو تغيبي الغيبة دي كلها
مريم حكم القوي على الضعيف منها الله حماتي
خشي جوه ماما بتصلي
تعالي نروح الأوضة نتكلم بي راحتنا
مليكه مالك يا مريم وشك مش مطمني
راحو الأوضة
مريم تعبت مابقيتش قادره استحمل ومش عايزة احكي لي أمي حاجة
مليكه فضفضي وانا سامعاكي
مريم ندمت إني اتجوزت في بيت عيله حتى لو شقتي وحدي بطلع ليها علشان ننام فيها وبس
حماتي متسلطة جدا جدا
من ساعة ما اصحي بنزل افطر عندها
وهاتك يا أوامر اعملي دا ماتعمليش دا ممنوع اطبخ على مزاجي ومهما عملت مش عاجبها ولسانها طويل وبتشتم
وأول ما تشوف ابنها تفضل تشتكي أنها تعبانة وإني أنا على طول مكسله ومش بساعدها ودا كلو علشان اتجوزني وهي كانت عايزة بنت أختها
مليكه أنت من الأول كنت عارفة وأنا قولتلك يا مريم خدي بالك حماتك استغفر الله حربايه أنت شوفتي طول فترة الخطوبة عملت إيه معانا ولا يوم الفرح عملت نفسها تعبانة وأغمي عليها
أبيه ياسين مكانش موافق أنك تسكني في بيت عيله بس أنت الحب عما عنيكي وقولتلك الحب مش كل حاجة في الجواز قوليلي بقا حياتك عامله أية معاه
مريم توفيق اتغير معايا بقا بارد كده مابقاش فيه لهفة والشوق بقا يجي من الشغل
تعبان وامو مش سايباه في حالة من كثر الطلبات
وأنا أول ما اطلع فوق ألاقي نفسي مېتة من تعب تصوري أني أحيانا بنام بجلبيه البيت اللي طول اليوم وأنا عرقانه فيها من كتر التعب بقول افرد بس ضهري وقوم اخد شاور ألاقي نفسي نمت
وابتدت ټعيط
أنا بجد تعبانة يا مليكة بصي وشي بقا ذبلان ازاي
دي عاملاني زي الشغالة عندها وكل شوية تقولي يلا انزلي شقت حماتي روقيها
وانزل ألاقي الدنيا متكركبه على ما أخلص واطلع عندها ألاقيها جابت لي شغل تاني
مليكه أنت الغلطانه من الأول افرضي شخصيتك
أكيد جوزك ولا بيتكلم لأن أمو مطلعه عينو ودا كان باين من تصرفاته
مريم قوليلي اعمل إيه أنا تعبت دا بي العافية سابتني آجي هنا بعد ما أبويا اتصل عليها وقالها بنتنا وحشتنا وعملت نفسها تعبانة تصوري دي بتبقى طول اليوم من بيت إلى بيت أول ما تحس بي ابنها جاي من الشغل تربط ذماغها وهاتك يا شكوا آه يا رجلي آه يا ضهري
مليكه بصي أنت مش مفروض تنزلي ليها لانو عندها بنتين ساكنين في العمار نفسها وعندها ولدين كمان يعني سلفتين يا تنضموا النزول عندها كل يوم وحده يا يشوفلك شقة بره بيت العيلة يا كل واحد يروح في حالة وانت كده خفيفة من غير أطفال
مريم إيه اللي انت بتقوليه دا
مليكه الصح يا مريم ربنا مايرضاش بي الظلم والست دي مفتريه هي عايزة تطفشك وجوزك يا معاكي يا ضدك فكري كويس في كلامي الحياة بنعيشها مرة وحده ليه نتعذب
جوزك لو بيحبك ولسه باقي عليك حايصون كرامتك وهو عارف أمو كويس أنت ولا هو عايشين الحياة الزوجية
أنتي اتجوزتي توفيق مش آمو
هنا فتحت صباح الباب
صباح الله الله قاعدين ترغو هنا