العشق الفصل الرابع والعشرون

ايه يا عامر قبل ما تتكلم
عامر ميل قبل خدها بحب و هو بيمرر ايديه على بطنها بلطف حقك عليا بس متعمليش الحركه دي تاني 
عضت على شفايفها بخجل شديد حاضر 
عامر هتنامي دلوقتي ليه لسه بدري جبتلك الفلم اللي طلبتيه 
قام جاب الاب توب بتاعه و شغل الفيلم و قعد جنبها سحبها داخل احضانه سندت رأسها على صدره و هي مستمتعه بوقتها معاه و هو يتأمل ملامحها بعشق و مش مصدق انه قاعد معاها بيتفرج على كرتون أطفال
لا إله إلا أنت سبحانك إني كنت من الظالمين..
في المديريه رجع بضهره ل الخلف بارهاق فتح عينه لما سمع صوت خبط على الباب و الظابط دخل بحترام 
اسامه بابتسامة ازيك يا باشا عامل ايه 
خالد الحمدلله في اي جديد 
اسامه حط قدامه ملف و اتكلم بجديه في جديد بخصوص العربيه اللي خبطت... الهانم الصغيره دا عنوان واحد من الرجاله اللي كانو في العربيه الكاميرات اللي في المكان قدرة تجيب وشه و بعد تحريات كتير عرفنا ان عليه احكام في سبع قواضي قبل كدا منهم قواضي تحرش... و سرقه و مشاغبه و اخر حاجه كان ضارب... واحد بالمطوه... و لسه خارج من السچن بقاله تسع شهور 
خالد قام و هو بياخد مفتاح العربيه جهز نفسك هنروحله دلوقتي 
اسامه خمس دقايق هجهز الرجاله و هجي وراك 
خالد بصله بمقطعه لا مش عايز حد يعرف هروح انا و انت
اسامه باستغراب بس يا خالد المنطقه دي خطړ 
خالد بعصبيه واحنا من امتا بيهمنا المنطقه او المكان احنا رايحين شغل مش رايحين نلعب خلص يلا و تعاله ورايه 
خرج خالد العربيه فتح الملف شاف عنوانه و عرف عنه كام معلومه لغيط اما اسامه جه وركب العربيه معاه في الطريق رن تليفون خالد و هو سايق شاف اسمها و استغرب رد على طول 
خالد بقلق مروه فيه حاجه حصلت أنتي كويسه
مروه باستغراب لا الحمدلله مفيش حاجه بس برن اطمن عليك متحسسنيش اني مبرنش غير لما بيكون في حاجه 
خالد بص ل اسامه و رد عليها بهدوء انا الحمدلله أنتوا كويسين 
مروه اه الحمدلله مالك صوتك متغير ليه أنت اللي في حاجه 
خالد بهدوء في الشغل يا مروه عايزة يبقا صوتي عامل ازاي انا ممكن اتاخر انهارده لان عندي شغل كتير هخلص شغل و هرجع اكلمك سلام 
قفل معاها و دخل الحاره اللي الجاردي ساكن فيها ركن عربيته على جنب قبل البيت بمسافه طويله و بصله خليك هنا و لو حصل اي حاجه عرفني و انا لو اتاخرت عليك اكتر من نص ساعه تكلم الدخليه و تدخلي بالقوة
اسامه بعتراض رجلي على رجلك مش هسيبك تدخل لوحدك احنا مش ضمنين مين
اللي جوه و لا ايه اللي ممكن يحصل 
خالد و هو نازل من العربيه وعشان احنا مش ضمنين مين اللي جوه خليك أنت هنا عشان لو حصلي اي حاجه تبقا أنت موجود مش هندخل احنا الاتنين و نضيع مع بعض
سمير بقلق ربع ساعه و هدخلك
هز راسه بهدوء و قفل العربيه و دخل الشارع قرب عليه شاب
تؤمر بحاجه يا باشا 
بصله خالد من تحت النضارة بجمود الأمر لله كان فيه واحد هنا و اخد منه معاد و جاي اشوفه اسمه اشرف 
شاور الشاب بيده البيت اللي هنا دا يا باشا الدور التالت 
هز راسه بهدوء و مشي دخل البيت بصله بقرف و طلع خبط على الباب بهدوء فتحله اشرف و اول ما شافه كان هيقفل الباب بس خالد ضربه.
خالد بصلها پغضب رهيب مين اللي اتفق معاك ټقتل... اختي