قصه مشوقه

!
تملكت زينه الدهشه وهي تنظر إليه 
انت بتقول ايه انت عارف ده سعره كام ده ممكن يوصل ل الف
! إحنا مش اتفقنا من شويه هيبقوا دبلتين بس لحد الفرح هنجيب باقي الدهب عشان الظروف اللي احنا فيها !
ماشي ! احنا اتفقنا هنجيب حاجه واحده وانا هجيب الخاتم ده ! عاجبني جدا وعاجبك كمان صح ولا لا !
عاجبني ماشي بس انت هتخطبني بخاتم ألماس ! يعني الناس كلها بتتخطب بدبله
جذبها من يديها مرددا 
دي الناس كلها بقه لكن عمار المصري مش زي حد 
توقفوا أمام صاحب الحسابات فردد عمار 
بكام ده لو سمحت 
اجابه الرجل بعمليه 
ده يا فندم ب 45 ألف 
شهقت زينه في صډمه في حين أضاف عمار وهو يخرج الكريديت الخاص به مرددا 
تمام ! حطهولي في علبه شيك واسحب المبلغ من هنا
ثم أعطاه الكريديت في حين رددت زينه 
عمار انت بتهزر انت بتعمل ايه انت هتخسر كل فلوسك عشان خاتم !
اولا مش كل فلوسي ولا حاجه متقلقيش خير ربنا كتير ثانيا اعتبريه هديه نجاحك برضه ولا ايه يا بشمهندسه !
كادت زينه أن تعترض مره اخري حتي استوقفها عمار واخبرها أنه مازال أمامهم الكثير ليفعلونه اختار أيضا عمار خاتم خطبته وخرجوا سويا من ذلك المعرض 
توقف عمار بالسياره مره أخري أمام معرض أخر لفساتين الزفاف والحفلات وقبل أن يهبط أستوقفته زينه بتساؤل 
هو أنت واقف هنا ليه 
يعني بالله عليكي في عروسه من غير فستان !
لا أصلي افتكرت عروسه عمار المصري مش زي حد !
ضحك عمار بشده مرددا 
معاكي حق هي فعلا مش زي حد بس المره دي انا نفسي أشوفها اجمل واحده في الدنيا زي ما هي اجمل واحده في عنيا !
بس انت قلت لي أن مش هيبقي في حفله يعني ولا حاجه مجرد اننا هنلبس الدبل ونكتب الكتاب وخلاص !
بصي معلش هو يمكن خانني التعبير شويه وانا بقولك هو مش حفله زي ما انتي متخيله في قاعه وكده عشان طبعا عارفه أن مفيش وقت هي هتبقي في الفيلا عندنا وشويه من قرايبنا كده هيحضروا علي شويه ناس صحابي وكده يعني المهم اني عايز أبقي عريس وارقص انا وانتي النهارده لحد ما نقول بس !
ضحكت زينه بسعاده ورددت 
انت مچنون !
فوق ما تتخيلي ! كنت بكره حفلات الجواز والمناسبات دي ومفكر أنها منظر علي الفاضي وكل حاجه الواحد بيبقي عايزها من الواحده أنه ينام معاها بس وبيعمل كل ده عشان يحلل العلاقه مش اكتر لكن النهارده لأول مره احس اني كنت غلطان وان الحب اجمل بكتير من اي حاجه تانيه في الدنيا وان فرحه العريس والعروسه دي ليها معني تاني محدش يفهمه أو يحسه غيرهم فهمتيني 
هزت رأسها بنعم ولم تقوي علي التفوه أمام سحر كلماته التي ألجمت قلبها فهبطا معا ودلفا الي المول 
رحبت بهم إحدي العاملات فأخبرها عمار أنه يريد فستانا يناسب الحفلات اصطحبتهم العامله وأخذت تعرض عليهم أحدث الموديلات العالميه وعلي الرغم من اقتناع زينه ببعضهم ولكن عمار لم ينجذب لأي منهم علي الأطلاق ظنت زينه أنه معارضا علي سعرها فأقل واحدا بهم كان سعره 15 الف تقدمت إليه وهو يجوب بعينيه الي اماكن اخري بالمول باحثا عن مقصده 
عمار ! بلاش الفساتين دي خالص لو مش عاجبيينك ! وممكن نروح مول تاني يكون ارخص من ده شويه ! انا عارفه أن اكيد الخاتم فلسك 
تحدث عمار بضيق 
مش موضوع فلوس ! الفساتين دي كلها فيها حته مكشوفه ! اشي من علي الصدر واللي من علي الورك ومش عارف الدهر ماله كل ده مش مناسب ليكي
كتمت زينه ضحكاتها مردده 
والله ! وفيها إيه يعني عادي ! انت بس اللي معقدها شويه 
رمقها عمار بضيق 
حاضر يا حبيبتي لما ابقي اركب قرون ابقي البسيهم ! 
وبعدين مستعجله علي القلع ليه بعد الفرح مش هخليكي تلبسي هدوم أصلا !
اشاحت زينه بوجهها بعيدا من شده الخجل في حين وقعت عينيه علي إحدي الفساتين فابتسم بفرحه واسرع إليه ! أخذ يتفحصه من كل
ده الفستان بالظبط بس طبعا تخيلوا أنه أصغر في الحجم شويه لأن زينه رفيعه جدا عن البنت دي 
نادي علي زينه فنظرت إليه بإنبهار أيضا ولكن شعرت بأن سعره قد يكون غاليا فرددت بقلق 
متهيقلي يا عمار ده هيكون ضيق عليا يعني انت شايف وسطه رفيع قد إيه 
لا وانتي بسم الله ماشاء الله ملبن قدامي ! ادعي ربنا أنه ميكونش واسع يا اختي
تدخلت العامله مردده برسميه 
هو معاه حق يا فندم ! انا شايفه أن هيكون علي مقاسك مظبوط ده غير كمان أن الجزء اللي فوق ده فيه خامه من جوه بتتمط وبيلزق علي الجسم 
أجابها عمار
بجديه 
تمام لفهولي وجهزيه وشوفي سعره كام
أسرعت العامله ونفذت ما أمرها به في حين تحدثت زينه بتردد 
عمار هو مش شايف أنه هيكون غالي شويه ! يعني ده ممكن يكون أغلي من اللي قبلهم
ممكن متتكلميش معايا في اي حاجه ليها علاقه بالفلوس ! انا بدفع لخطبيبتي دلوقت واللي بعد كام ساعه هتكون مراتي فانتي ايه اللي مضايقك يا ستي مش فاهم انا فرحان بكده ولسه هعملك اللي اكتر من كده بكتير فياريت مش كل مره هتعلقي يا زينه !
يا عمار أنا بس خاېفه الفلوس تخلص ! هو انت يعني غني للدرجه دي ولا مليونير 
لا مش مليونير ولا حاجه ! بس انا بطبعي ملتزم مبصرفش مرتبي كبير ويمكن بصرف ربعه كل شهر والباقي بحطه في البنك مليش في العلاقات النسائيه اللي بتخلص لي فلوسي فبالتالي كل مرتباتي والمكافئات وفلوس الترقيات والعمليات معايا لسه سيبيني بقه أصرفهم علي اللي كنت بحوشهم ليها ممكن 
تقدمت إليهم العامله وأخبرته أن سعر الفستان 25 ألفا بينما كادت زينه أن تتحدث حتي جذبها عمار من يديها ودفع المال وذهبا معا مره اخري إلي إحدي مراكز التجميل 
هبطت زينه معه دون التفوه بكلمه اخري خوفا من أن ينفعل عليها خرجت مديره المركز إليه ورحبت به فأخبرها عمار وهو يقدم لها زينه 
خطيبتي البشمهندسه زينه النهارده حفله كتب كتابنا عايزها أجمل واحده في الكون بلاش الميكب اللي بيغير الشكل ده ويطلعها زي عروسه المولد انا عايز حاجه تظهر جمالها وملامحها فقط مفهوم 
إجابته المديره بأبتسامه بشوشه وعمليه 
حضرتك عارفنا كويس يا فندم احنا عندنا خبراء عالميين في الميكب وخطيبه سيادتك هتكون تحت تحت إشرافي الخاص الف مبروك يا فندم !
سلم عليها عمار مرددا 
الله يبارك فيكي 
في حين نظر لزينه مرددا 
زينه هرجع لك بعد ساعتين تلاته كده يعني علي بالليل 
انت هتسيبني ورايح فين 
هقابل اللواء نزيه تاني وكام حد كده من صحابي وهعمل كام مكالمه تليفون لناس اعزمهم انتي عارفه أن الموضوع جه فجأه وهلبس انا كمان وأجهزة نفسي واجي وعلي فكره في مفاجاه محضرهالك كده بس مش هقولك عليها دلوقت 
تركها مغادرا في حين دلفت زينه للداخل مع مديره المركز وكل منهم يستعد علي طريقته 
مرت تلك الساعات سريعا وانتهت زينه من لبسها وكامل زينتها اخذت تنظر لنفسها في المرآه بسعاده شديده وقلبها أخذ يقفز من سرعه دقاته وفجأه عبس وجهها قليلا ونظرت حولها فرأت نفسها وحيده ! لطالما كانت تحلم بيوم مثل ذلك مع حبيبها بصحبه أصدقائها ووالدها وهم يشعرونها بأنها عروسه حقا ! أخبرتها إحدي العاملات بأن المقدم عمار وصل وبإنتظارها بالخارج فامرتهم المديره بأن يدخلوه الي هنا الټفت حولها بعض العاملات الأخري وجعلوا وجهها خلف المدخل دلف عمار وبيديه باقه من الورد الأبيض فاستدارت له زينه ويديها ترتجف من فرط الخجل الذي كسا محياها نظر عمار لها وكانه بعالم اخر أيضا كانت جميله ناعمه ورقيقه حد السحر أقترب منها وقلبه يدق بقوه من شده فرحته أيضا 
تلك اللحظه لها طعم وبريق اخر حينما تنمزج القلوب بالحب وتغطي
بالعشق ! 
حملها عمار واخذ يدور بها فصفقت كل الفتايات الملتفين حولها وكل منهم تتخيل نفسها بمكانها وعمار هو فارس أحلامها 
شوفي بقه انا جايب لك مين النهارده 
هزت رأسها باستفهام في حين نظر عمار للباب مرددا 
اظهر وبان عليك الأمان 
انفتح الباب ودلفت منه تلك الحوريه الأخري أمامها فرغت زينه فمها پصدمه شديده من هول المفاجاه أسرعت حوريه الي زينه وأحتضنتها بحراره شديده وشوف ولهفه ما أن راي عمار فرحتها أضاف 
يوم زي ده مينفعش القمر بتاعي يكون لوحده من غير صاحب عمره ولا إيه ايه رأيك في المفاجاه !
احتضنت زينه حوريه مره اخري وفرطت الدموع من عيني كل منهم مردده 
احلي مفاجاه في حياتي ربنا يخليك ليا يا عمار 
دلف داغر إلي الداخل أيضا ووقف بجوار عمار نظرت له حوريه بتوتر قليلا حاولت إخفائه في حين رددت زينه 
انتي فين يا حوريه وجيتي إزاي وإيه اللي حصل لك 
تدخل عمار مرددا 
زينه مش وقته بقه دلوقت ! بعدين تبقوا تتكلمو وترغو مع بعض براحتكم ولا أيه !
اضافت حوريه أيضا بفرحه لصديقتها 
طبعا يا فندم ! يلا يا عروسه في ليله لسه مستنياكي 
اعطاها عمار الورد وأمسك بيديها وخرجوا سويا من المركز ركبوا جميعا بداخل سياره داغر الذي كانت مزينه بالورود من كافه الأتجاهات بشكل شيك 
وصلوا الي فيلا
المصري جميعا واصطحب عمار عروسه إلي الداخل والذي ما أن فتحت لهم الابواب صفق الجميع في حراره شديده وارتفعت أصوات الصفير من كل جانب وأخذت الورود تلقي عليهم من كل حدب وصوب كانت الضحكه لم تفارقهم سويا وهم يتطلعون لبعضهم البعض في حب وقلبيهما في عالم آخر من الحياه 
زين والده وعمته الفيلا والحديقه وكذلك حسام الذي عاد إليهم ما أن أخبرته والدته بزواج عمار حضر بعض الأقارب الذي عزمهم القبطان مالك أيضا وكان اليوم مبهجا
الي حد السحر 
جلس عمار وزينه وكذلك والده بجوار المأذون الذي حضر لعقد قرانهم للمره الثانيه وزينه تشعر بالوحده لعدم وجود والدها واللحظه الأصعب حينما ردد المأذون وهو يسأل العروس 
مين وكيلك يا عروسه 
نكست زينه رأسها لأسفل وكادت أن تفر الدمعه من عينيها نظر إليها عمار وشعر بألمها وبينما كاد أن يتحدث حتي آتاهم صوت من الخلف 
انا طبعا وكيل العروسه وهو ينفع حد يبقي وكيلها غيري ولا إيه 
نظرة جميعا لمصدر الصوت وكذلك زينه حيث لم يكن سوي عبدالله الحسيني والدكتوره مرام وخلفه أبناءه الثلاثه 
وبدلوفه ادخل البسمه علي وجه زينه مره اخري وكذلك تلك السيده التي أعدتها أكثر من والدتها فرح عمار أيضا ونهض مرحبا به مضيفا 
طبعا يا باشا واحنا نقدر نقول لأ !
احتضنه عمار وكذلك والده رحبوا بهم جميعا وأخرج عبدالله بطاقته ووضع يديه بيد القبطان مالك المصري إلي أن انتهي عقد القران وأستمعا الي المأذون مرددا 
بارك الله لكما وبارك عليكما