قصه مشوقه

نظره الطريقة دي صح اتفضلي قومي يلا
تيا بدموع طب خليها كمان شويه يا جدو هو زمانه نام دلوقتي
الجد بأمر دلوقتي يا
تيا انتي عارفه زين كويس لما بيكون ڠضبان من حاجه لا بيعرف ياكل ولا حتى ينام
تيا وقد نظرت الي اختاها طب هاروح اقولهم ايه بس
ليا قوليلهم انك جايه تاخدي حاجتك اللي في شنطته
تيا طب تعالي معايا واقعدي مع دانا

نظرت ليا لوالدتها لتحثها الأخرى علي الذهاب معها
غمزه روحي مع اختك يا ليا وقولي لأنطي دارين انهم هايتغدو معانا هنا النهارده
ليصيح عاصي قشطه يبقى سمك وجمبري بقى يا غمزه
الجد بتفكير حلو تبقى اكلة سمك حلوه على حسابي وانت اللي هاتروح تجيبها يا عاصي
عاصي پغضب يا سلام واشمعني انا ما يروح عدي
ذهبو اليهم وأزاحو باب الشاليه الزجاجي ليجدوهم جالسين امامهم علي طاولة الطعام
دارين اهلا بحابيب قلبي تعالو افطرو معانا
ليا انا فعلا حماتي شكلها كده هتحبني بتاكلو ايه
دانا هههههههه تعالي يا طفسه كلي معانا وانتي يا تيا تعالي اقعدي يلا
تيا هاه لاء انا مش جعانه اومال زين فين مش بيفطر معاكو يعني
دارين والله يا حبيبتي مش عارفه ايه اللي غيرو فجأه وطلع اوضته وقال انه هينام عشان تعب من السواقه
تيا طب عن اذنكو هاطلع اشوفه ماله واخد حاجتي اللي في شنطته
دارين اتفضلي يا حبيبتي
استمع الي دقات متفرقه في اذنيه لا يعلم ان كانت هذه دقات قلبه ام دقات الباب وبدأت تعلو تلك الدقات لتخرجه من شروده
ولكنه لم يعطيها جواب
فافتحت الباب ببطئ ودلفت اليه وهي منحنية الرأس واغلقت الباب من خلفها
ليصيح فيها پغضب جايه ليه مش خاېفه احسن اجبرك علي حاجه
مازلت منحنية الرأس ولم تجيبه لېصرخ فيها
زين ما تردي عليا ماتنطقي جايه ليه
تيا وهي تظهر رجفتها منه وبدأت عبراتها تعرف طريقها علي وجنتيها خ لا ص انا 
هامشي لو جودي مضيقك
زين استني عندك اتفضلي قبل ما تمشي خدي حاجتك من شنطتي عشان ماتضطريش ترجعي تاني
وهمست بهدوء ح ا ض ر
انحنت بجزعها امامه علي ركبتيها لتغلق الحقيبه ولكنها ابت ان تنغلق مثل الصباح
تيا اااانا ا س فه
زين ايوه
زعلان منك عشان مش بتثقي فيا ومعرفش ايه اللي خلاكي تفكري كده
تيا خلاص بقى صالحتك يلا بقي تعالي نفطر سوى انا جعانه
زين و هو ينظر الي ماستيها قولتلك ماتخفيش مني انا عمري ما هاجبرك علي اي حاجه ولا اقدر اذيكي يا حبيبتي
تيا مش خاېفه منك بس ممكن تفهمني براحه انت عارف اني ساعات بتسرع في تفكيري وبقول حاجات غلط
ولازم تفهمي بردو اني مش انا اللي جبرت دانا علي لبس الحجاب ده بابا ولما قولتلك تلبسيه كان طلب ماكنش امر
تيا طب ممكن تسيبني لما اقتنع لوحدي والبسه عشان مألعهوش تاني
تيا طب يلا بقى تعالي نفطر دول زمانهم خلصو كل الاكل اللي تحت
زين لاء يا حبيبتي أنا كده شبعت اوي روحي انتي افطري وسيبني انام ساعتين كده وابقي تعالي صاحيني
و سريعا ما تحرك وخرج من حجرته نزولا علي الدرج ليصتدم بغزل
غزل اه ېخرب بيتك يا عدي بتجري كده ليه انت مش كنت نايم
عدي معلش معلش يا حبيبتي اديني صحيت عديني بقى
غزل طب مالك بتجري كده ليه
عدي اصلي عايز اقعد علي البحر شويه
غمزه وهي تبتسم له طب علي مهلك يا حبيبي البحر قاعد مش هايمشي
عدي وقد خرج من امامهم خليكو في حالكو شويه بقى
غزل هههههههه هو ماله المچنون ده بيجري كده ليه
كادت ان تنقطع انفاسه وهو يلهث للوصول اليها ويهتف
بأسمها دانا
اندهشت هي من منظره هذا وكادت ان
تصرخ وهو يقذف بجسده نحو المقعد الممدود بجانبها
الا انه استمع لصړاخ تيا من تحته
تيا عاااااااا حاسب يا عم انت مش شايفني ولا ايه
عدي پغضب ايه ده انتي هنا
تفاجئ بمن ترد عليه من الجهه الاخري
ليا اه هنا وانا كمان موجوده اي خدعه يا ديدو
نظر لها بكل حب وصمت لبضع ثواني
لتيقيظه يد تيا عمو عمو عدي انت يا بني ماتقعد بقى
عدي وهو يزجر تلك اللعينه امك عايزكي جوه انتي وهي يلا روحو كلموها
ليا اسمها مامتك يا عدي وبعدين هي هتعوزنا في ايه
دانا وقد توقفت امامه پغضب نعم عايز ايه في اتهام تاني حضرتك عايز تتهمني بيه
عدي بأندهاش اتهام اتهام ايه ده
دانا انت مش اتهمتني اني بنت مش محترمه جاي تتكلم معايا ليه دلوقتي
تذكر ما قاله لها في ساعة غضبه وأمسك يدها يريدها ان تجلس امامه
عدي طب ممكن تقعدي نتكلم وبعد كده كل اللي عندك قوليه
دانا من فضلك سيب ايدي
عدي انا اسف والله انا قصدي بس انك تقعدي عشان عايز اتكلم معاكي
جلست امامه علي المقعد المقابل له وهتفت نعم افندم عايز تقول ايه
ذلك المتعجرف الذي دائما ما يثير ڠضبها
واكمل هو ثانيا عايز اقولك مبروك علي الحجاب اللي زادك جمال فوق جمالك يا دانا
لم تقوى علي اخراج اي كلمه من ثغرها الذي لازال منفرج
ليكمل هو تعرفي من ساعة ما شوفتك الصبح وانا عايز اقولك كل الكلام ده وعايز نرجع اصحاب تاني من غير مشاكل ولا خناقات بينا
دانا وقد بدأت تفيق من تأثير كلامته يا سلام كل ده حصل بمجرد انك شوفتني بالحجاب
انت عارف اني لابساه وانا مجبره وعارف كمان ان انت السبب ان بابي جبرني علي لبسه
دانا وقد وقفت امامه لان يا استاذ يا محترم بابي شافك في الفرح وانت بتشدني وبتتخانق معايا
وسألني لما روحنا قولتله كل اللي حصل وانك قولت عليا الكلام الفارغ ده
في بنات كتير
اوي لابسين الحجاب ومش بيعملو بيه وفي بنات تانيه مش لابساه لكن بيراعو ربنا في تصرافتهم
عن اذنك يا استاذ عدي
التفتت لتنصرف من امامه والعبرات تترقرق في عيناها
ولكنها اڼصدمت عندما رأت اخيها
زين بهدوء شديد وهو يكفف عبراتها بأنامله انتي احلى وأجدع بنوته في الدنيا يا حبيبة اخوكي يلا ادخلي اغسلي وشك وحصلي مامي وتيا علي الشاليه بتاعهم
تركتهم وذهبت سريعا وجلس هو مكانها امامه ذلك الذي احني رأسه ليس خوفا منه
زين پعنف ممكن اعرف مالك ومال دانا يا عدي بيه
عدي بهدوء مافيش يا زين انا كنت جاي اتأسف ليها عشان كنت قليل الزوق معاها شويه
ثم هب واقفا ليذهب من امامه
ليوقفه عدي بكلماته انا بجد اسف يا زين بس صدقني انا كنت بعاملها بالطريقة دي عشان بخاف عليها زي تيا وليا بالظبط
ولما شوفتها بالحجاب مكدبش عليك حبيت شكلها بيه اوي وقررت اعتذرلها عن كل الكلام الۏحش اللي كنت بضيقها بيه
زين بهدوء ماكر وهيا تهمك في ايه يا عدي عشان تحب شكلها بالحجاب او حتى تخاف عليها زي تيا او ليا
عدي انا مش هاخبي عليك يا زين لأن انت عندي زي عاصي اخويا وحمزه بالظبط والله انا بحبها وبخاف عليها
وماكنتش ناوي اتكلم مع حد او حتي اقول اللي جويا لأي حد غير لما ابدأ اشق طريقي وابني مستقبلي بأيدي
زين انت قولت لدانا حاجه زي دي
عدي لاء طبعا وعمري ما فكرت اني ممكن اقولها كده من غير ارتباط رسمي
وده مش هايحصل دلوقتي علي الاقل بعد سنتين اكون في تانيه كليه وهي كمان تكون خلصت ثانويه ودخلت زين طبعا انا المفروض دلوقتي بعد الكلام اللي انت قولته ليا دلوقتي ده علي اختي اني اقوم اكسر عضمك
بس انا مش هاعمل كده عارف ليه عشان انت راجل ياض وانا عمري ما اتمنى لاختي واحد اقل منك ابدا
عدي يعني هاتساعدني يا زين
زين وعايزني اساعدك في ايه
بقى ان شاء الله
وبعدين مانا لسه بقولك مش هستني لما اخلص كليه هما سنتين
بس
وبعد كده هقول لعاصي يخطبهالي انا بس عايزك تصالحنا علي بعض ولو عايزني اعتذر لعمو احمد كمان هاعتذر ليه
زين وهتقدر تقوله كل الكلام اللي قولته ده
عدي مش انت هتبقى معايا لو هتبقى معايا هقدر اقوله
زين خلاص يا عدي لما يجي بابا عاصي هانقعد الاول ونتكلم وهصالحك علي دانا بس منغير نحنحه ياض فاهم هههههههههه
عدي ياعم اتنيل مانا لو ليا في النحنحه كان ده بقى حالي
واذا بهم يجدو هذا المشاكس قد ظهر لهم والفتيات من خلفه
عاصي بقولكو ايه حلو عني بقى انا مش هاروح اجيب السمك
تيا يعني ايه مش هاتروح مش جدك هو اللي قال انت اللي تروح
ليا الله ېخرب بيتك لبيت عبدو اللي انت مبهدله معاك في كل الشغلانات ده يا بني حتى الاكل هتعند فيه
عاصي اتلمي يا ليا ولمي ل
زين طب تعالي نروح ليها وانت بقى اقعد خدلك تان هههههههههه
الفصل العشرون
فضالي أهلا بالعرسان انشالله تكونو مبسوطين
زين وقد جلس بجانبه طبعا ادام انت موجود معانا يا حبيبي لازم نبقى مبسوطين
روقيه يا واد يا بكاش انت بقى انت مبسوط عشان جدك هو اللي معاك بردو
دارين ههههههههه عديها بقى يا ماما روقيه ماشيها عشان جدو
زين وهو يجذب زوجته بجانبه الله انتو هاتقسمو علينا ولا ايه طبعا مبسوط ان جدي معانا وانا ليا بركه غيرو
بس ده مايمنعش يعني اني فرحان وطاير من السعاده كمان عشان حبيبتي معايا وضمھا اليه بجراءه
تيا بخجل من نظارتهم وجراءة زوجها طب طب انا هاروح لدانا نلاعب العيال بقى
وجرت سريعا من جانبه قبل ان يمسك بها
غمزه ههههههههه البت دي هيجرى ليها حاجه من كتر الكسوف يا بني بطل جرأتك دي شويه بقى
فضالي تعرف يا واد يا زين كل ما ابصلك اشوف قدامي العاصي ابني بكل ترصفاته
غزل اومال فين الباقين
زين عدي وليا راحو يجيبو السمك وعاصي قاعد علي البحر
فضالي هو بردو عند في دي كمان وماسمعش كلامي وراح هو
زين خلاص بقى يا جدي سيبو براحتو
غزل ما هي ليا لو كانت قالتله انها هاتروح معاه زي عدي كان رضي وراح
زين بس هي ماقلتش لعدي ده هو اللي لما لقاه مصمم أنه
مايروحش قاله خلاص انا هاروح وقالها تعالي معايا فراحت معاه
غزل طب انا هاروح اقعد معاه وتركتهم وذهبت اليه وجلست امامه
غزل وبعدين معاك يا اسم علي مسمى انت
عاصي في ايه يا ماما مالك جايه علي اخرك كده ليه
غزل منك ومن تصرفاتك الهابله دي يابني هتستفاد ايه بس وانت بتعاند في الكل كده
عاصي انا معاندتش حد يا ماما كل ده عشان مارديتش اروح اجيب الغدا ما هو عدي باشا راح واخد معاه الهانم
غزل طب وماروحتش انت ليه واخدتها معاك
عاصي بتريقه اه اصلها كانت هترضى
غزل ما هو طول مانت بتعاملها بالطريقه دي عمرها ما هترضى يا عاصي
يا بني لو انت صحيح بتحبها يبقى لازم تسمع كلام ابوك وعمك وتطيعهم شويه
عاصي پغضب وهما ليه مايعملوش معايا زي ما عملو مع زين ومتقوليش زين خلص كليته وبقى ظابط انا حفظت الجمله