اسكريبت كامل

يا سعادة البيه البنت قليلة الرباية دي لازم تتحبس ...
زعقت وقولت
وانا عايزة اعمل محضر يا سعادة البيه ...الحيوان ده وأمثاله هنسكت ...فاكر أني هتكسف من نفسي وافتكر اني السبب ...لا فوق ...ده انا اقطعلك ايدك اللي هتمدها عليا ولا هخاف من أشكالك دي ....
شايف يا بيه ..
قالها الراجل وكمل 
دي مش محترمة اني من سن جدها ...
كنت انت احترمت انك من سن جدي وبطلت تبص علي البنات اللي اصغر منك ... لكن انت تستاهل المعاملة دي متستحقش الاحترام ...تستحق تتتبهدل زي
ما عملت فيك ...
بصيت للضابط وقولت
يا سعادة البيه هو لمسني دون رضايا وده اسمه تحرش ومستعدة اجيبلك الناس اللي كانوا راكبين معانا في الميكروباص يقولولك علي اللي عمله ولو عايز تحبسني احبسني بس انا مش ندمانة ولو رجع بيا الزمن هقتله مش هضربه بس ....

انتي مكبرة الموضوع .
زعق الراجل وكمل
وبعدين ما دام مش عايزة يتحرشوا بيكي متنزليش من البيت ...
زعق فيه الضابط وقال
او نحبس أشكالك ونهينه هنا عشان يحترم سنه ..
صول محمد خده علي الحجز ...
جره الراجل علي الحبس ...ابتسمت بتشفي وانا بشوفه هيتسجن بس للاسف جه مروان فجأة وقال
احنا هنتنازل عن المحضر يا باشا ...
بصيت له پصدمة وبصلي پغضب وقال بهمس
اكتمي خالص لحد ما نطلع من هنا احسن لك ...فاهمة ولا لا .. 
سكت بضيق وانا عارفة أن مروان مش هياخد حقي ابدا ...
الضابط كان مستعجب من خطيبي اللي قرر يسامح اللي اتحرش بيا ...
.....
طلعت أنا ومروان من القسم ...قعدت ازعق فيه واقول
نفسي في مرة تنصفني ...نفسي تعتبر اني اخصك وان مينفعش راجل يمد ايده عليا ...نفسي احس اني مخطوبة لراجل مش كيس جوافة !!!
كنت بعيط پقهر وانا حاسة أن الإنسان اللي حبيته م هيقدر يحميني ...
مسك دراعي جامد وقال
احترمي نفسك يا مليكة ...أنا سكتلك كتير لكن يظهر اسلوبك السوقي ده مش هيتغير ...هتفضلي طول عمرك بيئة فكرة اخد الحق حرفة وانك كده بنت واو عشان بتأخدي حقك ...لكن العكس أنا شايفك بيئة وسوقية ولا ترقي انك تكوني مراتي...
رجعت لورا پصدمة فكمل 
.
افتكرت اني هقدر اعمل منك واحدة راقية لكن اثبتي انك بنت كريمة بياعة الفجل !!!
كلامه دبحني بس منهارتش قدامه ...هو ميستاهلش وقولت
بنت بياعة الفجل دي انضف منك ...علي الاقل مبتسمحش لاي حد يلمسها لكن انت خرونج حتي لو شوفت حد بيعتدي علي مراتك هتقف تتفرج زي اللطخ ...
وبعدين خلعت دبلتي ورميتها في وشه وقولت
انا لما اتجوز هتجوز راجل مش كيس جوافة!!!
يتبع
الجزء التالتبقلم سولييه نصار
فسختي خطوبتك!!!
صړخت امي وهي بتلطم...بصيت لها ببرود وقولت
اهو علي الاقل المرة اللي جاية لما اجي اتخطب اتخطب لراجل يا ماما مش حلة محشي...
يا بنتي وانتي هتلاقي زي مروان فين بس !
قومت وانا بضحك وبقول
لا متقلقيش مفيش اكتر من اللي زي مروان دوول اللي معندهومش دين ولا نخوة أنا عايزة راجل يحافظ عليا مش يشوف اللي يتحرش بيا ويسكت ...أنا سكت مرة عن حقي ومش هسكت مرة تانية....
حطت امي وشها في الأرض فقربت منها وعيوني مدمعة وقولت
فاكرة يا ماما ...فاكرة اكيد انك وابويا مقدرتوش تحموني وانا وصغيرة ...فاكرة انكم كدبتوني ...انا سامحتكم علي اللي عملتوه يبقي مش من حقك دلوقتي تطلبي مني اسكت لما القي حيوان يمد أيده علي ج سمي من غير رضايا ...أنا كده ومش هتغير محدش ليه حق أن يلمسني ولا يعتدي علي حريتي ما دام مأذيتش حد ...
وبعدين قومت وسيبتها ودخلت