قصه كامله مشوقه

من اي حاجه في الدنيا
نور مش باين يا قدر
مش باين انك بتحبها
لو انت بتحب حياه بجد هتسيب الدنيا دي كلها علشانها
قدر بصالها وسكت
نور مسكت ايده صدقني يا قدر شغلك مع اهل تالا دا مش هيكسبك حاجه بالعكس دا هيخسرك اهم حاجه حصلت عليها في حياتك
هيخسرك حب ل حياه
بكره هيجيلك شغل احسن من الشغل دا الف مره بس مش هتلاقي الحب مع واحده تانيه غير حياه يا قدر
قدر فضل باصصلها وساكت
نور ابتسمتله وضغطت على ايده
تلفونه رن
قدر مسك التلفون وكانت تالا
قدر دي تالا
نور رد عليها يا قدر
رد عليها وخد قرارك دلوقتي
متسبش حياه تروح من ايدك
قدر اتنهد ورد علي تالا
قدر الو يا تالا
تالا بحزن ازيك يا قدر
قدر الحمد لله
مالك يا تالا انتي كويسه
تالا لا يا قدر انا مش كويسه وعايزه اتكلم معاكي في موضوع مهم
لو سمحت يا قدر اسمعني للاخر
قدر انا حبيتك اوي
حبيتك اكتر من اي حاجه في حياتي
يمكن اكون حبيتك اكتر من اهلي
بس بعد خطوبتنا يا قدر اكتشفت اننا مننفعش ل بعض
انا وانت مختلفين جدا عن بعض يا قدر
في الأول قولت ممكن نكون بنكمل بعض وهنقدر نعيش حياتنا مع بعض
بس للاسف دا محصلش
كل يوم كنت بكتشف اني غلطت لما حبيتك واختارتك لاننا مش مناسبين لبعض
بس انا دلوقتي اخدت قراري
انا اسفه يا قدر انا مش هقدر اكمل معاك
انا بقولك الكلام دا في التلفون لاني مش هقدر اقولهولك وانا باصه في وشك
انت تستاهل واحده احسن مني يا قدر
اتمني انك تلاقي الانسانه المناسبه ليك في اقرب فرصه
ااه على فكره شغلك مع اهلي ملوش اي علاقه ب انفصالنا متقلقش
تالا قفلت في وشه السكه من قبل ما يرد
قدر الو
تالا
الو تالا انتي سامعاني الو
قدر بص في التلفون لاقي تالا قفلت
نور في ايه يا قدر
قدر مش عارف
تالا قالتلي كلام غريب كده واننا مش هننفع نكمل مع بعض وكلام غريب كده
نور ابتسمت انت لسه هتستغرب يلا بسرعه روح
ل حياه بسرعه وقولها ال حصل
قدر عندك حق
قدر خرج بسرعه من الكافية ونروح خرجت وراه وركبوا العربية
حياه حاسبت التاكسي ودخلت الشقه وهي مش فاهمه حاجه
حياه خير يا مصطفى بيه
ايه ال جابك حضرتك هنا
فاطيمه عيب يا حياه تتكلمي مع مصطفى بيه بالطريقة دي
دا ضيفنا بردو
حياه هو انا قولت حاجه غلط يا مرات عمي
انا بس بسأل مصطفى بيه بيعمل ايه هنا
مصطفى كده بردو يا حياه
دي مقابله تقابليني بيها وانا جاي لحد عندك علشان اسأل عليكي
حياه وحضرتك جاي تسأل عليا وبس
ولا جاي عايز حاجه تانيه
مصطفى بصراحه انا مش جاي علشان اسأل عليكي بس يا حياه
انا جاي علشان حاجه تانيه
حياه وايه هي
مصطفى قعد قدام فاطيمه
مصطفى انا جاي ل حضرتك يا طنط
فاطيمه جايلي انا يا ابني
خير اؤمرني
مصطفى انا كنت جاي اطلب ايد حياه منك
فاطيمه پصدمه ايد حياه!
حضرتك عايز تتجوز حياه
مصطفى وفيها ايه
انا بحب حياه وعايز اتجوزها وجيت اطلب ايديها منك ايه المانع في كده
فاطيمه مفيش مانع يا ابني بس
حياه وهي واقفة ومربعه ايديها بس الكلام دا مينفعش كده يا مصطفى بيه
مصطفى وفاطيمه بصولها وهما مش فاهمين حاجه
مصطفى يعني ايه الكلام دا مينفعش كده يا حياه
حياه يعني مينفعش حضرتك تيجي تطلب ايدي لوحدك من غير معاد اصلا
حضرتك المفروض تجيب اهلك وتاخد مننا معاد وتيجي في المعاد دا وتكلم مرات عمي واخويا
مصطفى بفرحه يعني انتي موافقة يا حياه
حياه والله اجابتي على سؤالك دي هتكون في المعاد ال هتحدده مع اخويا ومرات عمي
غير كده
انا اسفه مش هقدر اجوبك
ولا انا بتكلم غلط يا مرات عمي
فاطميه قامت وقفت بالعكس يا حياه يا بنتي
ال انتي قولتيه دا عين العقل
بصيت ل مصطفى احنا اسفين يا ابني بس دي الاصول والاصول متزعلش
مصطفى طبعا يا طنط حياه عندها حق
انا هروح اقول ل بابا وماما واخد منهم معاد وابلغ حياه بيه
فاطيمه تشرفونا في أي وقت يا ابني
مصطفى طيب عن اذنكم
فاطميه اتفضل يا ابني
وصلي مصطفى بيه يا حياه
حياه اتفضل يا مصطفى بيه
مصطفى مشي قدام حياه وحياه وصلت لحد برا البيت
قدر كان سايق بسرعه
نور بالراحه يا قدر
متخافش حياه مش هتطير منك
هتلاقيها قاعده في البيت
قدر انا خاېف ترفضني بردو يا نور
نور بصيت قدامها متخافش
إن شاء الله
نور سكتت لما شافت مصطفى قدامها واقف مع حياه
قدر فرمل العربية بسرعه وفضل باصص عليهم پصدمه
في حد خبط على ازاز العربيه
قدر بص على الشخص دا بحزن وشاف حور
قدر بصالها وبعدين رجع بص ل مصطفى وحياه تاني
عند تالا بعد ما قفلت مع قدر رميت تلفونها على السرير وضحكت
تالا افرح بكلامي شويه يا قدر
وعيش حياتك كام يوم
لاني ناويه ادمرلك حياتك انت وحبيبه القلب بتاعتك
عند خالد الباب كان بيخبط جامد
خالد راح يفتح حاضر
براحه يالي بتخبط الدنيا مش هتطير
خالد فتح الباب ولاقي زينب في وشه
خالد پصدمه زينب
لفصل الثاني عشر
بسم الله الرحمن الرحيم
زينب ابتسمت ل خالد
ايه يا حبيبي هتسبني واقفه على الباب كده كتير
خالد لا طبعا يا حبيبتي اتفضلي
زينب دخلت وقفلت الباب وراها وخالد واقف مستغرب ومش فاهم حاجه
زينب دخلت وقعدت وخالد فضل واقف عند الباب
زينب بصاتله هتفضل واقف كده كتير يا خالد
خالد بصالها ها
انا اسف يا حبيبتي بس انا
زينب مستغرب اني جيتلك لحد هنا صح
خالد بصراحه يا حبيبتي انا مستغرب
انتي لسه بعتالي رساله انك مش عايزه تشوفيني ولا تعرفيني تاني غير لما اتقدملك تقومي دلوقتي تجيلي بيتي
زينب قامت وقفت قدامه بصراحه عندك تستغرب
بس انا مليش غيرك اروحله
انا تعبانه اوي ومحتجالك يا حبيبي
خالد مالك يا حبيبتي
ايه ال حصل بس
زينب مصطفى اخويا عمل حاډثة كبيرة اوي وفي ناس بتحاول تقتله
خالد ايه!!
ودا حصل امتي يا حبيبتي
زينب انهارده
خالد طيب واخوكي عامل ايه دلوقتي يا حبيبتي
كويس!
زينب الحمد لله مكانش في العربية لما الحاډثه دي حصلت
خالد پصدمه مكانش في العربية
زينب ايه يا خالد مالك مصډوم كده ليه
انت زعلان علشان مصطفى كويس ولا ايه
خالد لا طبعا يا حبيبتي انتي ازاي بتقولي كده
بس انا مستغرب مين ال عمل كده وعايز ايه من اخوكي يعني
زينب مهو دا الموضوع ال انا عايزاك فيه يا حبيبي
خالد ب استغراب موضوع ايه يا حبيبتي
زينب انا عايزاك تحاول تعرفلي مين ال عمل كده في مصطفى
خالد بلع ريقه بصعوبه انا!!
بس انا ايه علاقتي بالموضوع دا يا زينب
زينب مش انا حبيتك يا خالد والمفروض تساعدني وبعدين دا اول طلب بطلبه منك
معقول مش هتفذهولي يا خالد
خالد لا طبعا يا زينب انا مستعد اعملك كل ال انتي عايزاه
بس انا هعرف منين مين ال عمل كده
زينب حاول تعرف يا خالد
اكيد هتلاقي ال عمالوا كده ونقدر نحبسهم واجيب حق مصطفى يا حبيبي
خالد اتنهد حاضر يا زينب
هحاول اعرف مين ال عمل كده
زينب ابتسمتله وبعدين بعدت عنه واخدت شنطتها
زينب طيب يا حبيبي انا همشي دلوقتي وهبقي اكلمك بعدين
خالد مسك ايديها وقرب منها خليكي قاعده معايا شويه
زينب معلش يا حبيبي
اصلي عندي محاضره مهمه اوي ولازم اروحها اشوفك بعدين بقي
زينب بعدت عنه وخرجت من البيت وقفلت الباب وراها
زينب بصيت علي الباب وضحكت وبعدين بصيت قدامها ومشيت
قدر فضل باصص علي حياه ومصطفى وعيونه كلها دموع
نور كانت باصه عليه وهي مش عارفه تعمله اي ومش فاهمه مصطفى بيعمل ايه هنا اصلا
قدر رجع بص ل حور تاني
مسح وشه ونزل من العربية ووقف قدامها
قدر انتي بتعملي ايه هنا
حور جيت علشان اشوف كدبك وخېانتك ليا
بقي انت تضحك عليا انا وتفهمني انك بتحبني وتطلع في الاخر بتحب شغاله
انت بجد احقر انسان انا شوفته في حياتي
قدر خلصتي!!
انا مكانش في بيني وبينك اي حاجه علشان تيجي وتحاسبيني اصلا
الوحيده ال ليها انها تحسابني هي تالا خطيبتي وبس
ودا لو كنت أنا بعمل حاجه غلط اصلا لكن أنا جاي هنا علشان شغل
انا مش فاهم انتي بتقولي ايه وشغاله مين ال بتتكلمي عليها دي وانتي جيتي هنا اصلا ازاي
بس انا كل دا ميهمنيش
انا كان عندي شغل هنا وخلصته ولازم اروح دلوقتي
قدر سابها وركب عربيته واتحرك بيها وهو باصص على حياه ومصطفى
حور كانت مصدومه من طريقة كلامه ومش فاهمه هو بيكلمها كده ليه
مصطفى شاف عربيه مصطفى ابتسم وقرب من حياه ومسك ايديها الاتنين
مصطفى انا مبسوط اوي يا حياه انك وافقتي على طلبي ووافقتي اني اجيب بابا وماما ونطلب ايدك من اهلك
حياه سحبت ايديها من ايده بس انا لسه موافقتش أو رفضت يا مصطفى بيه
موافقتي أو رفضي ليك هيكون قدام الكل
وبعدين انا لسه هفكر في الموضوع لحد ما تيجي انت واهلك وتطلبوني رسمي
مصطفى وانا اوعدك اننا هنيجي في اقرب وقت ممكن واتمني ساعتها تكوني اخدتي وقتك في التفكير
حياه ابتسمتله
مصطفى انا لازم امشي دلوقتي
سلام
حياه مع السلامه
مصطفى ركب عربيته وساقها ومشي من قدام حياه
حياه فضلت باصه عليه لحد ما مشي وبعد كده خبطت على الشقه وفاطيمه فتحتلها
حياه دخلت الشقه وهي ساكته ومبتتكلمش
فاطيمه حياه
حياه مردتش عليها
فاطميه قربت منها وحطيت ايديها على كتفها
حياه بصاتلها وفاقت من سرحانها
حياه في حاجة يا مرات عمي
فاطيمه ليه عملتي كده يا حياه
حياه عملت ايه يا مرات عمي مش فاهمه
فاطيمه
لا يا حياه انتي فاهماني كويس اوي
طالما انتي مش بتحبي مصطفى وافقتي انه يجي هو واهله يطلبوا ايدك مننا انا وابن عمك
حياه ابتسمت ومين قالك اني مبحبهوش يا مرات عمي
فاطيمه عينك بتقول انك مش بتحبيه
حياه وهي العيون ال بتحب بردو يا مرات عمي!
ولا القلب هو ال بيحب
علي العموم انا لسه موافقتش
محدش عارف نصيبه فين
ولو كان مصطفى من نصيبي وانا رفضته أو قبلته في الاخر هتجوزه بردو ولو مش من نصيبي مفيش قوه هتجمعني بيه
ال ربنا عايزه هيكون يا مرات عمي
سيبيها على ربنا
حياه ابتسمت ل فاطيمه وسابته ودخلت البلكونه وقعدت لوحدها
داليا قاعده في اوضتها على السرير وكريم قاعد على الكنبه قدامها بيشرب سېجاره
داليا انت مش هتتصرف مع بنتك دي ولا ايه
كريم بعدم فهم انهي
واحده فيهم
داليا هو في غيرها مبتسمعش كلام حد
ست نور
كريم مالها نور
عمالتلك ايه
داليا انت مسمعتش ال هي قالته الصبح على الفطار
كريم ااه موضوع العريس دا
طيب وانتي عايزاني اعملها ايه يعني
داليا تعقلها وتخليها تقعد مع العريس
هيكون عجبك منظرنا قدام الناس لو هي منزلتش قابلته
كريم وانا مالي
مش انتي ال عزمتيهم
انا معزمتش حد
المفروض انك تاخدي رأينا الاول ولو نور وافقت كنتي تعزميهم
لكن انتي ال اتصرفتي من دماغك يبقي تتحملي نتيجه غلطك دا
داليا بقي دلوقتي غلطي انا يا كريم
علشان عايزه أمن مستقبل بنتي واجوزها يبقي انا كده بغلط
علشان عايزاها تعيش حياه سعيده مع شخص بيحبها ابقي انا كده بغلط
كريم نور عمرها ما كانت بنتك يا داليا
نور طول عمرها عدوتك من اول يوم ډخلتي فيه البيت دا وانا عارف انك مبتحبيش البنات لانهم