الجزء الاخير من شقتنا القديمه
المحتويات
من كتر الخۏف بص كده منظرها عامل ازاي! القطة مش طبيعية بص كمان على باب اوضتك من اثار ضوافرها ..
كنت بسمع منه الكلام وباصص قدامي من غير ما أرمش حتي حاسس بي دوخة و ان الدنيا بتلف بيا عشان بالفعل أقوم أجري على الحمام أجيب كل الي ف بطني كان عندي شعور إن روحي بتطلع
مالك يابني ..انت كويس
قالها ابويا وهو بيحط إيديه علي كتفى رفعت دماغي وبصيت في المرايا
وقبل ما اكملها ملقتش غيري الي موجود في المرايا!..بصيت ورايا ملقتش حد
اټفزعت و جسمي اتكهرب وخرجت جري من الحمام عشان اشوف ابويا قاعد نفس القاعدة بتاعته وحاطت إيديه علي خده وعمال يبص ع القطة
إيه يابني انت بتسيبني وبتقوم تجري وانا بكلمك ليه مالك!
بلعت ريقي وانا جسمي بيترعش من الخۏف
لل..لل..لا أبدا يا بابا مفيش حاجة حسيت بشوية ۏجع في بطني بس
خدت نفس وخرجته وانا قاعد جنبه وهو مستنيني اتكلم ..
على فكرة يا بابا .. الشقة ديه مممم...سسسس...سكونة كل انت حكيته ليا انا عارفه من قبل ما تحكيه
عدل نفسه وبص ليا بمنتهي الإستغراب
اااانااا الي كنت واقف ع الباب لما انت شوفت ماما بتبص من العين السحرية وهي مكانتش شيفاني كنت بخبط وهي بتبص مش بتلاقي حد عشان فيه حد حاجب عنها الرؤية وانا بردو الي كنت بفتح باب الأوضة للقطة وهي عمالة تخربش على الباب من الخۏف بضوافرها ..
الغريب اني عرفت الي انت بتقوله دا من قبل ما تحكيه .. ماما دخلت عليا مخضۏضة وحكت ليا انها حلمت انك داخل عليها من الشغل و بتحكي ليها كل الي انت قولته دلوقتي بالتفصيل الأغرب ان قبل ما هي تحكي ليا الحلم انا كنت سامعك وانت جاي من الشغل و بتقولها بردو نفس الكلام داه معرفش الي سمعته كان حلم ولا حقيقة بس الي متأكد منه دلوقتي يا بابا ان إحنا في خطړ العفاريت بتلعب معانا!
طططط...طب هنعمل إيه يابني دلوقتي
احنا لازم نجيب ش...
وقبل ما اكمل الكلمة سمعنا صوت صړخة لي أمي خليتنا نتفزع فزعة انا وأبويا انا عمري ما اټفزعت ولا اټخضيت زيها في حياتي ..
قومنا جرينا بسرعة ع المطبخ عشان اللاقي أمي مرمية ع الارض وفاقدة وعيها تماما جريت عليها بمنتهي الهلع والخضة الي ف الدنيا وانا ماسك دماغها حاضنها
امممممممييي....فووووقي يا امممممي.....اممييييي ...ماما مالها يا بابا ...ماما مالها..
كنت بقولها واما
متابعة القراءة
