قصه مشوقه روايه ملكت قلبي كامله
المحتويات
بقي معاكي وقت ما زعقتيلي وانتى بتعيطى ع قد ما كنت زعلان لوجعك دا ع قد ما كنت فرحان لأنك قدرتى تستوعبي انه خلاص بقي برا حياتك من اليوم دا
ملك بس انا قوية وكرهته فعلا وكنت ممكن اتخطي الفترة دى لوحدي
تميم انتى بتضحكي ع نفسك ي ملك
كلمة انا بكرهه إلا بتطلع من لسانك دي عكس إلا موجود في قلبك
ملك لأ دي مش الحقيقة انا كرهته من يوم ما اتخلي عني
تميم بجد طيب ليه تعبتى يوم فرحنا وروحتى المستشفي !!
ملك
تميم مش بتردي لأنك مش قادرة تواجهي نفسك بالحقيقة دي لحد دلوقتي ان حبك ليه لسه جواكي
ملك دي حاجة تخصنى ملكش دعوة بيا
انا دلوقتى عاوزة أطلق طلقنى
تميم انا عارف انى متجوزك ڠصب عنك ومن حقك تطلبي الطلاق بس جوازنا مش ينفع ينتهي قبل شهرين ع الاقل
تميم طيب لو اقنعتى أهلك هتواجهى الأستاذ أزاي
عاوزة تثبتيله انك فشلتى من غيره وانكسرتي
ملك ټعيط وتقوله دي الحقيقة ويمكن دا عقاپ ليا اني قبلت أخالف تربيتى وأصدقه وأكلمه من ورا أهلي
و تاخد ملك شنطتها وتروح ناحية الباب
تميم استنى ي ملك انتي ليه مصممة توريله الجنب إلا أدمر في حياتك ليه كل بنت منكو بتستسهل الإنكسار بدل ما تقاوم الإحساس دا وتثبتله انه هو إلا خسر مش هي هو إلا لازم يندم مش أنتي
ملك عاوز تقول ايه ي تميم
تميم عاوز اقولك انك في اليومين إلا فاتو دول بدأتى تطلعي من صدمتك قررتى يكون ليكى كيانك لما صممتى تشتغلي بعد ما كنتي طول الوقت قافلة ع نفسك الأوضة
ملك تمسح دموعها وتقول انا مبقاش ليا مكان هنا
هروح أوتيل أقعد فيه فترة وهنزل معاك الشغل كل يوم عادي لحد ما الشهرين دول يخلصوا وبعد كدا نطلق
تميم وانا مش هغصبك ع حاجة تاني
وينزل تميم معاها ويوصلها بالعربية لفندق ويحجزلها جناح فيه ويقولها هعدي عليكى الصبح علشان نروح الشركة مع بعض
تميم ملك مش اتعودت اشوفك ضعيفة كدا
ملك عن أذنك تعبانة وعاوزة ارتاح
تطلع ملك ع أوضتها وترمي نفسها ع السرير وټعيط بحرارة وهي بټندم ع اليوم إلا شافت فيه عمر وتقول لنفسها تميم عنده حق برغم من كل إلا عمله فيا بس لسه ساكن في قلبي ڠصب عني
وتنام ملك وهي ع الحال دا للصبح
ويدخل تميم يشوفها في المطبخ والبيت كله
مش يلاقيها لحد ما فاق وافتكر انها مش في البيت
تميم لنفسه مكنتش أعرف أني هحس بفراغ كبير كدا لما تبعد عني !! اتعودت ع خناقاتنا مع بعض ووجودها معايا
ويدخل تميم يلبس ويجهز حاجته ويروح على الأوتيل
ويرن على ملك
ملك تانية ونازلة حالا
تميم كان حاسس بسعادة كبيرة في انتظارها وأنه هيشوفها مش كان عارف انها ممكن توحشه كدا
ملك تنزل وهي لابسة بنطلون وبليزر و حاطة ميكب اب خفيف وتركب بسرعه وتقول اتأخرت عليك
تميم كان دا كله ولسه سرحان فيها وفي جمالها ومستغرب ويقول لنفسه معقولة فيها القوة دي انها بعد الحالة إلا كانت فيها امبارح قادرة تكون قوية وتتخطي الموقف وتنزل الشغل انهاردة وفيها النشاط والجمال دا كله
ملك تبصله بستغراب وهي شايفاه مش نزل عنيه من عليها تميم!! تميم
تميم هاا في ايه!
ملك هنتأخر ع الشغل هو ايه الا فيه ايه ياله
تميم اه عندك حق
يوصل تميم وملك الشركة ويبدأ يوم شغل مكثف بالنسبة لملك وتميم بيراقبها من وقت للتانى وكل مرة بتبهره اكتر بقوتها ونتيجة تقدمها في التدريب وقد ايه هي قادرة تتخطي أصعب مرحلة في حياتها تميم مقدرش يتخطاها بعد ۏفاة مراته
بعد الشغل تميم راح ليها مكتبها وطلب منها انه يعزمها ع الغدا بس ملك فرضت
لين بدأت تلاحظ ان بينهم حاجة غريبة واهتمام تميم الزايد ليها خلاها تغار من ملك أكتر وخصوصا ان تميم مبقاش يخرج معاها زي الاول ولا يهزر معاها كان دايما تفكيره في ملك وأزاي يحسن علاقته بيها تانى
مر شهر ونص
ملك كانت خلصت تدريب وبدأت تمارس شغلها بإحترافيه وخصوصا انها كانت بتجتهد فيه أووي
شهر ونص تميم اتأكد فيهم بإحساس أنه بجد فيه مشاعر جواه لملك وبيزيد الإحساس كل يوم عن إلا قبله ومش عارف أزاي يصلح علاقتهم دي
في مكتب تميم
التليفون يرن
تميم ألوو
مروان ألوو ي تميم اخبارك
تميم الحمد لله بخير اخبارك انت واخبار الشغل عندك في دبي أيه !
مروان الحقيقة في مشاكل هنا وكنت عاوزك تبعت ملك للفرع هنا لان مفيش حد هيقدر يحلها غير ال
تميم لأ ي مروان ملك مش هتسافر شوف حد تاني
وهنا تدخل ملك ع تميم وتقول
بس انا موافقة ع السفر
تميم بحزن بس ي ملك ااا
ملك متقلقش انا قدها واكيد مش هخاطر بمصلحة الشركة
تميم أنتي فهمتينى غلط انا اقصد
تقاطعها ملك اطمن ان شاء الله هقدر أحل المشكلة دي وتتابع معاك من هناك
تميم لنفسه كان نفسي تعرفي انى مش عاوزك تسافري علشان مش تبعدي عني
تسافر ملك دبي هي ومعاه اتنين موظفين ويستقبلها مروان في المطار ويوصلوا الشركة
ملك تشوف ورق الصفقات تلاقي فيه خلل في حسابات الملفات وتطلب من السكرتيرة تبعتلها المسئول عن الملفات دي
بعد شوية باب مكتبها يخبط
ملك أدخل اتفضل اقعد
ولسه بترفع ملك رأسها علشان تتكلم معاه
ملك پصدمة عمر !!!
يتبع
ملك أدخل اتفضل اقعد
ولسه بترفع ملك رأسها علشان تتكلم معاه
ملك تقوم تقف پصدمة عمر !!!
عمر يبصلها بقوة مكنش مستوعب المفاجأة وبدون أي مقدمات قام من مكانه وجري عليها حضنها بقوة
عمر وحشتينى اووي ي ملك
انتي قدرتي تتخلصي من الجواز وعرفت مكان شغلي وجيتي علشاني صح
ملك لسه واقفة مصډومة ودموعها بتزيد في عنيها وفي لحظة بتفتكر كل إلا مرت بيه بسبب عمر وكل الۏجع إلا عاشت فيه بسببه وبقوة تدفعه بإيديها لبعيد أنت أزاي تتجرأ وتقرب مني كدا !!
عمر انا ااا انا أسف ي ملك بس يمكن من المفاجأة مقدرتش أسيطر ع نفسي ويقرب ويمسك إيدها وبصوت دافئ
بحبك ي ملك أووى وكنت متأكد انك هتقفي قدامهم كلهم وهترفضي الجواز علشان نكمل مع بعض
ملك تشيل إيديها بقوة من إيده وبعصبية لو لمستنى تاني صدقنى هتندم فاهم!!
عمر انا عارف انك زعلانة مني بس صدقينى ڠصب عني وكنت بټعذب زيك بالظبط وانا بعيد عنك
ملك أنت مين قالك أساسا انك تستحق دمعة واحدة من عيني!!! انا لو كنت بكيت وتوجعت فدا علشان سنين من عمري خسرتها وقذرتها بوجودك فيها
عمر ېتصدم من كلامها ومكنش قادر يرد
تمسح ملك دموعها وبصوت حاد تكمل إلا يتزعل عليه لازم يكون راجل بس أنت زي ما قال تميم متخصش صنف الرجال غير بالاسم وبس
عمر ملك ي حببتى أنا أسف عارف ومقدر ألا مريتى بيه بس أقولك تعالي ننسي كل
حاجة ونفتح مع بعض صفحة جديدة
ملك بضحكة أستهزاء أنسي ايه
وصفحة جديدة ايه الا عاوزني افتحها أنت باين عليك لسه مفهمتش إلا أنا بقوله
عمر ملك أنا لسه بحبك وانتي كمان بتحبينى
ملك تضحك وتقول نعم !! وانت جايب الثقة دى منين ان شاء الله
عمر بإبتسامة يقرب منها ويحط إيده ع وشها يمسح دموعها ويقول لو مش بتحبينى مكنتيش سألتي وعرفتى أني اتنقلت من لندن لفرع دبي وجتيلي ع هنا
ملك تشيل إيده من ع وشها وتضربه بالقلم ع وشه بقوة وهي بتقول قولتلك لو قربت مني تاني هتندم
ملك إلا كنت تعرفها ماټت مع أخر رسالة بعتهالها
عمر طيب لو مكنتيش لسه بتحبينى جيتى ورايا ليه!!
تضحك ملك وتروح تقعد ع كرسي المكتب وتقول بكل قوة وثقة أنت واقف قدام مدام ملك مديرة العلاقات العامة في الشركة دي
عمر يقعد وهو مصډوم من كلامها وبعدها يضحك بقوة لسه دمك خفيف وبتحبي الهزار متغيرتيش مدام أيه ومديرة أزاي أنتي أكيد بتهزري
تخبط ملك بإيدها ع المكتب بقوة أتفضل اقف أنا مسمحتلكش تقعد !!
عمر يقوم من الخضة وحس ان بجد إلا قدامه دي مش هى نفسها ملك إلا يعرفها
وتضغط ملك جرس السكرتارية
تحت أمرك ي مدام ملك
ملك تبص لعمر بستهزاء أنتم أزاي تعينوا ناس زي دي من غير خبرة كافية هي مهنة الحسابات دي فيها لعب العيال دا !!
يمكن ي فندم فيه لخبطة لأنه لسه منقول من فرع لندن من أسبوع بس
ملك الكلام دا ميخصنيش دا يتحقق معاه حالا ويتاخد معاه الإجراء المناسب لو ثبت أنه مقصر فاهمة !!
حاضر ي فندم
كل دا وعمر واقف مش قادر يستوعب إلا بيحصل ويبلغ ريقه وبتوتر يقول هو بجد الا انا بسمعه دا أنتي المديرة هنا!!
ملك تبصله بحدة مش ذنبي أن فهمتك تقيل
اتفضل ي استاذ ع التحقيق وتقرير التحقيق يكون ع مكتبي من بكرا
يخرج عمر وهو مصډوم من كلامها ومع صوت قفلة الباب تنزل دموعها بقوة
ع قد ما جرحتنى وخلتنى في لحظة أكره حياتي كلها ع قد ما كان نفسي اشكرك لأنك السبب في كل إلا انا فيه دلوقت
في مكتب تميم
سالي أستاذ تميم تميم بيه !!
تميم يفوق من سرحانه ها كنتي بتقولي حاجة ي سالي !!
سالي انا واقفة بقالي عشر دقايق قدام حضرتك
تميم أسف مختش بالي كنتي عاوزة حاجة !
سالي حضرتك إلا طلبتنى أؤمر ي فندم
تميم اه كنت عاوز أسألك هو مروان متصلش خالص
سالي اه ي فندم اتصل وطلب ملف من الفرع بتاعنا هنا والانسة لين أخدته وسافرت من ساعتين
تميم بعصبية أزاي ميقوليش ولا يكلمنى يقولي ع كل إلا بيحصل دا !!
سالي حضرتك قافل كل الخطوط في مكتبك من الصبح ي فندم وهو مش معاه رقم الفون بتاعك الجديد ولما معرفش يوصل لحضرتك كلمنى
هو حضرتك مضايق من حاجة !
تميم بتوتر مضايق !! لأ طبعا هضايق من ايه يعنى
وبعدين انتى بتدخلي في إلا ملكيش فيه ليه !
سالي انا أسفة ي فندم
تميم اتفضلي ع مكتبك
سالي تمشي ناحية الباب ولسه هتخرج
تميم ااا سالي
سالي تحت أمرك ي فندم
تميم بتوتر هو مفيش حد تاني اتصل غير مروان بس
سالي حد زي مين ي فندم
تميم أي حد ي سالي مالك مش مركزة معايا ليه !!
سالي أسفة ي فندم بس مش فاهمة قصدك مفيش جديد مكالمات انهارده كلهم من العملاء زي كل يوم
تميم
متابعة القراءة
