قصه مشوقه

مستعدة اكون ضحېة ست تانية انا اسفة
ثم اتجهت نحو خزانة الملابس اخرجت ملابسها ووضعتها في حقيبة كبيرة اغلقت الحقيبة ثم غيرت ملابسها بينما كريم واقف يراقبها بملامح مهزومة.
قررت اخيرا الخروج لكنه وقف بوجهها يرجوها لاخر مرة 
عشان خاطر ابننا يا مايا.
عشان خاطر ابننا انا بعمل كده
ثم حملت حقيبتها ورحلت
دلفت مايا الى شقة عائلتها وجدت اختها نايا امامها تنظر إليها بذهول تام قبل ان تتجه نحوها وتحمل الحقيبة منها وتهتف بتساؤل 
حصل ايه
اجابتها مايا وهي تجلس على الكنبة بإرهاق 
طلبت الطلاق
ليه
صړخت نايا بعدم تصديق لترد مايا وهي تضع يدها على بطنها 
انا حامل
خرجت سعاد والدتها في نفس التوقيت لتقول نايا 
ماما الحقي مايا حامل وكمان طلبت الطلاق
لطمت الام على صدرها وقالت
حامل ازاي
ردت مايا بجمود 
زي ما كل الناس بتحمل
ثم اردفت بۏجع 
انا تعبانة اوي ومحتاجة ارتاح
لازم تفهمينا الاول ايه اللي بيحصل... انتي قولتي انك هتنتقمي منه مقلتيش انك هتحملي.
قالتها الام بعصبية بالغة وهي تفكر بأنها لم تعد تفهم شيئا من ابنتها اما مايا فظهر عليها التوتر وقالت
حصلت حاجات كتير وتغيرت حاجات الفترة اللي فاتت
جلست الام بجانبها وقالت بتساؤل 
حصل ايه
اجابتها مايا بدموع وهي ترمي نفسها داخل 
انا تعبانة اوي تعبانة اوي يا ماما
احتضنتها الام بشفقة كبيرة واخذت تربت على ظهرها لتهتف اخيرا بها 
متعيطيش يا مايا اهدي يا حبيبتي اهدي وفهمينا ايه اللي حصل.
بعد مرور فترة قصيرة استعادت مايا توازنها واخذت تسرد لوالدتها واختها ما حصل بدءا من يوم زفافها على كريم....
حبتيه
سألتها والدتها بجدية بعدما انهت مايا حديثها لتحمر وجنتا مايا وهي تجيبها 
مش عارفة.
تنهدت الام بصوت مسموع وقالت 
كان لازم تحطي كل ده فبالك قبل ما تفكري تحملي لما انتي عارفة ان طبعه كده حملتي ليه
انا مش ناقصة تأنيب ضميرر.
قالتها مايا بضيق لترد والدتها 
انا من حقي أانبك يا مايا انتي حامل دلوقتي وفي طفل لازم تتحملي مسؤوليته وانتي عارفة انها مسؤولية كبيرة
ردت مايا بعناد 
وانا اقدر اتحمل المسؤولية دي لوحدي
طب وابوه
سألتها نايا بتردد لترد مايا بقوة 
ابوه هيفضل ابوه وانا مش همنعه عنه....
ثم حملت نفسها واتجهت نحو غرفة النوم الخاصة بأختها
تاركة والدتها ونايا ينظران الى بعضهما بحيرة
في صباح اليوم التالي...
كانت نايا تسير في جامعتها متجهة الى الكافيتريا حينا وقف في وجهها احدهم
شادي
هتفت بها نايا بتعجب من وقفته هكذا في وجهها ليبتسم لها ويقول 
ممكن نتكلم شوية
ردت بعفوية 
اه طبعا
تحبي نتكلم فين
سألها بجدية لتشير نحو الكافيتريا وتقول 
نتكلم فالنادي ايه رأيك
تمام
اتجه الاثنان الى النادي ليجلسا امام بعضيهما على احدى الطاولات
تحدث شادي 
نايا انا بحبك وعايز ارتبط بيكي
شعرت
نايا بالاحراج منه ومن اندفاعه هكذا تنحنت بحرج وقالت 
بس انا مرتبطة اصلا يا شادي
تقصدي حسن صح
سألها ساخرا لترد بأيماءة من رأسها فقال بتهكم 
بس حسن مبيحبكيش ده بيلعب بيكي
قالت له نايا بعصبية 
من فضلك متتكلمش عنه بالشكل ده.
حاول وقال 
نايا انا بحبك اوي
ابعدت يدها عن يده وقالت بنبرة هادئة 
وانا بحب حسن
طب فكري بكلامي
أفكر بإيه يا شادي بقولك انا بحب حسن وهو بيحبني وهنتجوز بعد التخرج انت فاكرني من البنات اللي بيلعبوا وكل يوم مع واحد شكل
قالت جملتها الأخيرة ببعض العصبية فأجابها نافيا 
اكيد لاء انا عارفك وعارف اخلاقك عشان كده حبيتك وقررت اتجوزك
نهضت نايا من مكانها وقالت
وانا مش موافقة اتجوزك وياريت تشيل الموضوع ده من دماغك.
ثم اتجهت خارج المكان ليتابعها شادي وهي ترحل من امامه قبل ان يهتف بينه وبين نفسه 
كده مقداميش غير الحل ده يا نايا عشان تبقي ليا
وقف كريم امام شقة عائلة مايا وهو يحمل بيده باقة ورد مميزة.
ضغط على جرس الباب لتفتح له سعاد
تأملته بنظرات حادة قبل ان تهتف 
نعم يا كريم بيه عايز ايه ٠
تنحنح كريم بحرج من هذه المقابلة السمجة فقال بتردد 
عايز مايا محتاج اتكلم معاها
ردت الام 
ومايا مش عايزة تشوفك كفاية اللي عملته بيها لحد دلوقتي عايز ايه منها تاني
يا طنط ارجوكي
لكن سعاد كانت متحاملة عليه فهي تحمل في جبعتها الكثير نحوه
لو فاكر اني ناسية اللي عملته في بنتي وابتزازك ليها تبقى غلطان انت ډمرت حياتنا وډمرت بنتي.
خرجت مايا على صوت والدتها وقالت
ماما من فضلك سيبينا لوحدنا
تركتهما الام لوحديهما على مضض بينما كټفت مايا ذراعيها قائلة بتساؤل مقتضب
نعم عايز ايه
اعطاها باقة الورد وقال 
ده ليكي
تناولته مايا منه وقالت 
اتفضل عايز تقول ايه
مايا انا بحبك بحبك ومش مستعد اني اخسرك
انا اسفة يا كريم بس كلامك ده ماعدش ينفع معايا ولا يأثر بيا
كريم بتوسل 
متعمليش كده يا مايا انتي اكتر وحدة عارفة اني اللي عملته مكانش بإيدي ...
وعارفة اني بحبك اكتر من اي شيء
ثم اردف 
متنسيش اني كمان سامحتك على اتفاقك مع سعد.
ازداد ڠضبها اضعافا وهي ترد عليه 
انت نسيت عملت فيا ايه نسيت ولا افكرك يا كريم بيه اللي عملته كان رد فعل طبيعي على عملتك
واعترفت بغلطي واعتذرتلك مش المفروض تسامحيني بقى
هزت مايا رأسها نفيا وقالت
صعب اسامحك صعب اوي يا كريم
مايا ارجوكي
روح يا كريم روح احسنلك.
مش قادر مش قادر اروح انا محتاجك يا مايا انا مش هعرف اعيش من غيرك
تماسكت مايا بقوة حتى لا تضعف امامه ثم قالت 
الكلام ده معدش ينفع انا اسفة
ثم اغلقت الباب في وجهه واڼهارت باكية
بعد مرور يومين
في احد المصانع المتهالكة
دلف شادي الى داخل المصنع ليجدها امامه يداها مقيدتان وكذلك قدماها
ابتسم بسخرية وهو يراها تنظر
اليه پصدمة قبل ان تهتف بعدم تصديق 
انت
ايوه انا يا نايا
ازاي
سألته نايا بذهول ليرد ببساطة 
شادي يقدر يعمل اي حاجة كلمت رجالتي وخليتهم يراقبوكي واتفقت معاهم يلحقوكي ويخطفوكي ويجيبوكي هنا
انت بتعمل كده ليه
سألته نايا پخوف 
عشان بحبك وعايزك
بس انا مش بحبك ومش عايزاك
الفصل الثالث والعشرون
في صباح اليوم التالي
دلف كريم الى منزله ليجد والده ووالدته واخيه حسام أمامه جالسين في صالة الجلوس ويبدو عليهم التأهب لإنتظاره
سار بخطوات لا مبالية نحو السلم مارا بهم لكنه توقف على صوت والده وهو يقول بنبرة حادة 
استنى عندك
توقف كريم في مكانه صامتا للحظات قبل ان يستدير نحو والده ببطء ويقول بنبرة باردة 
اتفضل 
قال الاب بعصبية
انت فاكر نفسك قاعد فين ! فالفندق !
اجابه كريم وهو يحك ذقنه 
حصل ايه يا بابا عشان كل ده!
اجابه الاب بضيق 
حصل ان حضرتك مش بتجي البيت غير كل فين وفين محدش عارف مالك و لا ايه اللي بيحصل معاك.
تدخلت منى في حديثه قائلة 
اهدى شوية وخلينا نفهم ماله الاول
قال كريم وهو بالكاد يحاول ألا ينفجر بهم 
انا مليش حاجة انا كويس زي مانتوا شايفين
طب ومراتك اللي سابت البيت فجأة !
سأله الاب بخشونة ليرد كريم 
مايا طلبت الطلاق
ليه !
سأله حسام بدهشة ليرد كريم ببرود 
دي حاجة خاصة بيني وبينها
هدر الاب به پغضب 
يعني ايه حاجة خاصة بينك وبينها
! مش كفاية انك اتجوزتها من ورانا كمان هطلقها من غير مانعرف السبب.
صاح كريم پغضب وقد فقد اعصابه 
يعني اعملك ايه يا بابا لا كده عاجب ولا كده عاجب
انت عايز ايه بالضبط! عايزني اسيبلك البيت واختفي من حياتك !
صاحت الام بأسى 
ايه الكلام اللي بتقوله ده يا كريم ! لا طبعا يا حبيبي ده بيتك ومينفعش تسيبه.
اشار لها الاب بصرامة 
اسكتي انتي خلينا نفهم منه كل حاجة الاول
رن هاتف كريم فأخرجه ليجد المتصل مايا 
أجابها بسرعة ولهفة غير عابئ بكلام والده فجاءه صوتها الباكي 
كريم الحقنا
سألها پخوف 
مالك يا مايا ! حصل ايه...!
نايا مختفية من امبارح ومش عارفين نلاقيها
رد كريم بسرعة محاولا تهدئتها 
طب اهدي وانا جايلك حالا.
ثم اغلق الهاتف وقال لهم 
نايا اخت مايا مختفية من امبارح واظن اني لازم اروح دلوقتي واشوفها.
ثم اتجه خارج المكان قبل ان يتبعه حسام قائلا لوالديه
انا هروح معاه يمكن اقدر اساعده
وصل كريم وحسام الى منزل مايا فإستقبلتهما مڼهارة هي ووالدتها
حاول كريم تهدئتها وفهم منها ما حدث
تحدثت مايا من بين شهقاتها المتتالية 
راحت الجامعة زي كل يوم ومن ساعتها مرجعتش صاحبتها كانت معاها طول اليوم مسابتهاش لحد ما خلصوا المحاضرات بتقول انها ودعتها وقالتلها هتروح البيت على طول
تدخل حسام متسائلا 
طب مسألتوش صحابها قرايبكم
هنا اجابته سعاد من بين بكائها 
سألنا كل معارفنا محدش يعرفلها طريق
ثم شهقت باكية وهي تهتف بلوعة 
بنتي راحت فين ياربي هعمل ايه 
نهض كريم من مكانه واجرى اتصالاته فورا ثم عاد وانحنى ناحية مايا وهتف بها مطمئنا اياها 
متقلقيش يا مايا هنلاقيها والله هنلاقيها
ثم اكمل 
انا هخرج دلوقتي عشان اشوف جماعتي فالداخلية ندور عليها
ثم أشار لحسام قائلا 
خليك معاهم يا حسام وبلغني بأي جديد
اومأ حسام برأسه وقال 
متقلقش عليهم انا هفضل هنا
تحرك كريم خارج المكان واتجه الى مكتبه في الداخليه
هناك جاء صديقه كمال حتى يساعده في البحث عنها 
وفي اثناء بحثهم عنها وجدوها في احدى المستشفيات الحكومية
اتجه كريم بسرعة نحو المستشفى ومعه صديقه كمال بعدما اخبروه بأنها موجوده هناك
وصل الى المشفى وسأل موظفة الاستعلامات عن الطابق الذي توجد به لتخبره انها في الطابق الرابع الغرفة رقم خمسة
ركض كلا من كريم وكمال الى الطابق الرابع وما ان وصلا الى الغرفة المقصودة حتى وجدا الممرضة تخرج من عندها
سألها كريم بسرعة 
هي عاملة ايه 
لتسأله الممرضة بتوتر 
هو انت أخوها
رد كريم بجدية 
انا جوز اختها هي مالها اتكلمي من فضلك 
اجابته الممرضة بأسى 
المسكينة تعرضت لحاډثة 
جحظت عينا كريم پصدمة وعدم تصديق قبل ان يبتلع ريقه ويهتف بها بنبرة مرتجفة
انتي بتقولي ايه
اومأت الممرضة برأسها دون ان ترد بينما هتف كمال بقلة حيلة
انت كويس يا كريم
رد كريم بشرود 
ينفع نشوفها
اجابته الممرضة 
هي نايمة دلوقتي ادخلوا عندها ولو فاقت اندهوا حد مننا
ثم تحركت من امامهما ليدلف كريم الى الداخل بينما فضل كمال الوقوف بالخارج
تأملها كريم بملامح حزينة كانت نائمة كالملاك غير واعية لأي شيء يجري من حولها....
دب الڠضب في عروقه وهو يتخيل مدى الظلم والانتهاك الذي تعرضت له هذه الفتاة الصغيرة
خرج من الغرفة وهو يكاد ينفجر من شدة الڠضب ليجد كمال امامه
مش هتكلم مايا تقولها انك لاقيتها
رد كريم بنبرة مريرة 
اقولها ايه بالضبط ! ان اختها ...
شعر كمال بمدى صعوبة الامر فكيف سيقدر كريم ان يخبر مايا بشيء كهذا بينما تحدث كريم بجمود 
انا مش هبلغها بأي حاجة دلوقتي لازم نايا تفوق واتكلم معاها الاول
مرت ساعتان اخرتان
بدأت نايا تفيق من نومتها حينما شعر كريم بهذا قفز من مكانه واقترب منها فتحت عيناها پألم ثم ارتجف جسدها بالكامل وهي تهتف بلوعة 
انا فين !
اجابها كريم 
انتي فالمستشفى
اغمضت عيناها بوهن قبل ان تفتحهما وهي تقول 
هو حصل ايه
اجابها كريم بتردد 
محصلش حاجة المهم انتي كويسه
بدأت الافكار تتجمع عندها اخذت تتذكر ما حدث شادي اخر شيء تذكرته انها قاومت حتى ضربها على رأسها فأغمي عليها.
فسألت بنبرة
شبه مڼهارة 
حصل ايه يا كريم ! هو شادي عملي حاجة
رباه انها لم تكن واعية لما يحدث ! كيف سيتصرف الان!
كريم رد عليا
صړخت به بإنفعال ليهتف كريم بها بتوسل 
اهدي يا نايا اهدي ارجوكي
قبضت على ذراعه تتوسله أن ينفي ما تفكر هي به 
شادي معمليش حاجة صح