اسكريبت العريس
المحتويات
الأسري في أبهى صورة.
حضنتها وغزل حضنتنا إحنا الإتنين إتنهدت وأنا بفكر في كلام غزل وإني لازم أبدأ أشغل نفسي علشان ما أفكرش فيه كتير.
_ماما
_هو الچاكيت البني بتاعي فيه
_عند مرات خالك لو عايزاه إطلعي هاتيه ولو فاضية إبعتيهالي.
_طب هاتي الخمار دا.
_طنط نبيلة هي غزل فين
_أدخلي جوا كانت بتطبق الغسيل.
_غزل.
_عينها.
_عايزة الچاكيت البني.
_لسة مطبقاه هتلبسيه بكرة
_أيوا أصلا محتارة ألبس إيه
_بصي فيه فستان لسة جايباه هيبقى حلو عليك أوي أصبري هطلعه ليك.
_لونه إيه
_أهو يا ستي.. إلبسي عليه الخمار البيچ وهيبقا تحفة.
_والله هيبقا حلو متقلقيش.
كفاية قلق الإمتحانات.
_دا الحمدلله إنها آخر مادة والله هاين عليا أزغرط.. بس هأجلها لفرحك.
أنا هنزل بقا علشان ألحق أراجع كمان شوية.
_راجعي مرة واحدة ونامي يا آية ومتتوتريش أوي.
_حاضر إدعيلي.
خرجت ونزلت راجعت شوية وصليت وبعدها حاولت أنام.. أنا فرحانة إنها آخر ليلة إمتحان في حياتي وفي نفس الوقت قلقانة.
ومش بتردي على إخواتك ليه
_الحمدلله كان حلو خالص والموبايل في الشنطة مسمعتوش.. هغير وأروح لهم هي ورد هنا ولا في درس
_ورد في السنتر لسة راحة قدامها للمغرب على ما تيجي.
غيري وإطلعي طمني غزل وهاتيلي معاك بصلتين وأنت نازلة.
_غزااال.
_ودني يا ملسوعة.
_خلصت إمتحانات دا ال هيطلب مني عيني مش هتغلى عليه والله.
_الموبايل كان فاصل وفي الشنطة.
_طب حصل خير أنا بعمل لك چيلي فراولة بقا ولسة هعمل بسكوت علشان نحتفل بيك باليل.
_يا شيخة ورب الكعبة بحبك
هو مينفعش عمر يخليكي تعيشي معانا هنا
_شوفي مين بيخبط يا عسل أنا هعيش بعيد علشان أوحشكم وتحسوا بقيمتي.
_إزيك يا آية.
_أنت إيه ال جابك
_نعم ياختي أنت عبيطة
هو أنت دماغك وردودك دي لسة زي ما هي!
_أنا نازلة.
_يبقى أحسن.
_طب والله أنت ما عندك ذوق.
_دا أنا!! على أساس لسانك بينقط شهد!!
هو أنت قولتي لي حتى سلامة رجوعك لينا يا غيث!!
خبطته ونزلت وأنا حاسة إن قلبي هيطير من مكانه
_بت يا آية فين البصل
_بصل إيه.
_يا خيبتي في خلفتي!
بصل إيه ال بتتكلم فيه بجد!
طب هو ال شوفته فوق دا كان غيث فعلا! هو يعني كان لازم ييجي علشان فرح أخته يعني!
_آية غيث رجع.
_آها ما أنا عارفة.
_عارفة! عارفة ومقولتيش ليا!
_ورد الله يرضى عنك مش وقت خناق.
_مالك هو ضايقك
_هو يقدر
_أومال فيك إيه.
_مفيش يا ورد إطفي النور هنام شوية.
_هتنامي إزاي وحفلة باليل.
_إحتفلوا أنتم.
بعد ما قعدت كام ساعة في أوضتي بحاول أهدا وأستوعب رجوعه كانت ورد رجعت من دروسها وجت تقول لي بعد ما خرجت ڠصب عني دموعي نزلت معرفش بعيط ليه بس أنا حاسة إني تعبانة بحاول أنام بس دماغي مش راضية بعد شوية لقيت غزل بتفتح نور الأوضة ودخلت شالت الغطا من عليا وقعدت جنبي.
_أنت كويسة
_لاء لاء يا غزل مش كويسة.. أنا تعبانة مخڼوقة عايزة أفضل لوحدي.
_إيه ال حصل
_صعبان عليا نفسي يا غزل يعني كلكم حضنتوه وسلمتم عليه إلا أنا! أنا الوحيدة ال مينفعش حتى أكون موجودة في مكان هو فيه أنا أول واحدة شوفته لما جه.. عاملته وحش علشان مضعفش قدامه بس لحد إمتى هستحمل ياريتني كنت أخته في الرضاعة أنا كمان زي ورد ياريتني ما كنت بحبه يا غزل ياريتني.
_تعالي يا آية في حضڼي تعالي.
بعيط من غلبي وۏجعي. أهل الحب صحيح مساكين والله مش بس مساكين دول كمان موجوعين ومش مرتاحين.
فضلت في حضنها شوية لحد
متابعة القراءة
