حكايتي كامله

سكريبت 1
اخيرا وصلت وقفت أمام السيارة
مش كفايه انك متأخر كمان مكمل بالعربيه ..كدا ما ينفعش المفروض انكم شركه محترمه لازم الدقه فى المواعيد وكمان تكون عارف اللوكيشن كويس 
بصلى من تحت النضارة بتاعته وماردش عليا 
اتنرفذت وفتحت باب السياره ..وركبت ورزعت الباب ..
بصلى برفعه حاجب .عملت نفسي مش واخده بالى ..رن موبايلى على نغمه شفت الفار السندق اللى اكل البندق فوق سطح الفندق سطح الفندق اصل بحب الاغنيه دى اوووى من وانا طفله ماما كانت ديما تغنيها ليا ..رديت 

أنا أيوة يا كلب البحر 
سجده وصلتى ولا لسه 
انا وصلت ايه ما هو الباشا اللى مفروض يوصل فى ميعاده اتاخر المهم أنا فى الطريق اهو ادعيلى 
سجده عايزاكى رزينه وعاقله كدا فى الانتر فيو وبلاش لسانك الطويل ..
انا لسانى طويل هو حد يطول يشغلنى عنده كفايه ان مفيش حاجه فى حياتى غير الشغل دا انا لوقطه يا بت انتى .. ثم اطمنى انا عملت سيرش على النت على الشركه دى شركه السيوفى 
من خلال ذكائى فهمت أن صاحب الشركه راجل عجوز ومعقد من ألوان الشركه الغامقه فى حد فى الدنيا يعمل لون الحيطه بالازرق ...
عموما انا مستعده لأى حاجه .ما تنسيش انى الاولى على دفعتى بس انا ماليش فى الشغل الاكاديمى دا علشان كدا رفضت اشتغل فى الجامعه ... انا عايزة اطلع طاقتى ومواهبي ..
سجده بالتوفيق يا حبيبتى 
يالا سلام علشان وصلت 
طلعت 50 جنيه علشان أجرة التوصيل 
لقيته بصلى واخد ال 50 جنيه 
بصيت له بقولك ايه بلاش الحركات دى احسن ابلغ الشركه عنك سيبك من الملابس اللى انا لابساها دى احسن تفكرنى هانم .. وهسيب الباقى بقشيش 
البرنامج بتاعكم اندريفر طلع أن سعر التوصيله 35 جنيه عايز تلهف الباقي ..
بصلى وخلع نضارته السوداء و أوووبا بقي العيون الزرقاء وطلع من محفظته 200 جنيه 
أنا انت عبيط يا ابنى الباقى 15 تدينى 200 وانا دافعه 50 
بصلى بابتسامه وماردش .
أنا يا ابنى اخلص اتأخرت ودى اول مقابله ليا فى الشركه كدا هترفض
ماردش عليا 
بصيت فى الساعه يالهووى اتأخرت 
رجعت ليه 200 جنيه يلا عوضى على الله 
خلاص خلى بالك علشانك وانت قمر كدا فى نفسك وتركته وجريت على الشركه ...
استوب
اعرفكم بنفسى قمر احمد الهمشرى 24 سنه خريجه تجارة انجلش بدرجه امتياز الاولى على دفعتى .. بابا وماما متوفين أو بالأصح اتقتلوا عايشه مع جدتى والدة بابا وهى اللى ربتني عيونى عسلى طويله وبشرتى بيضاء وشعرى اصفر مائل للبنى طويل جدا اوعى تفكروا أن دا غرور دا رأي الناس فيا اسم على مسمى ..
ركبت الاسانسير الشركه فى الدور العاشر 
انا يالهوووى يعنى لو الاسانسير عطل اطلع عشر أدوار على رجليا ماكنش يومك يا لوزة ...
طلعت لقيت ماسورة وطفحت بنات ولا مسابقه جمال 2022 ايه البنات دى كلها وايه الملابس دى وانا اللى فاكرة نفسي لابسه اللى ماحصلش 
يلا انا لازم اكون واثقه فى نفسي ..
قدمت السى فى بتاعى وانتظرت مع البنات ..
بعد مضى أكثر من ساعه من الانتظار ..
كل بنت تدخل تخرج معيطه . انا فى نفسي لما بيرفض عرايس المولد دووول هيعمل ايه معايا ..
وانا اللى لابسه كاجوال جينز ..
انا هاخدها من قاصرها وامشي بلاش تضييع وقت كفايه خسائر لحد كدا 50 جنيه راحت فى الهواء 
ولسه هخرج لقيت الموظفه فى الريسبشن بتنادى على اسمى ..
لفيت ضهرى ..انا بتنادى عليا 
الموظفه قمر احمد الهمشرى 
قمر ايوا انا 
الموظفه اتفضلى ادخلى دورك ..
قمر فى نفسها يلا ما جايتش على الدقائق دى 
طرقت الباب ودخلت لقيت حجرة المكتب كبيرة أووووى وكأنها شقه وكلها باللون الازرق حتى الانتيكات واللوح المتعلقه كلها زرقاء 
بصيت تجاه المكتب لقيت المدير مدينى ضهره وجالس على الكرسي وبيبص تجاه الزجاج الحيطه ورا المكتب كلها زجاج سرحت انى بخاف من المرتفعات انا لو قفت جنب الزجاج دا وشوفت تحت يغمى عليا .فوقت على صوته ..
هتفضلى ساكته كتير ..
قمر ايه دا يا صلاة النبي عجوز بس صوته حلو 
المدير بتقولى حاجه يا آنسه 
قمر لا انا بقول 
اسمى قمر الاولى على دفعتى وحابه اشتغل معاكم فاجئنى بسؤاله 
المدير ليه  
لقيت نفسي برد من غير تفكير لانى غير كل البنات فى الزمن دا ..انا الوحيدة اللى جديرة بالشغل فى شركات السيوفى ودا الايام هتثبته ..
المدير اممم دا غرور ولا ثقه 
قمر حضرتك اكيد عندك الخبرة اللى تبين أن كان غرور ولا ثقه .....
لف الكرسي بتاعه ولقيته ........يتبع
ايه رايكم فى سكريبت دا اكمل ولا 
رأيكم يهمنى كالعاده 
وابتدت_الحكايه
بقلم منال_عباس
سكريبت 2
لقيت نفسي برد من غير تفكير لما سألنى ليه انا الوحيده اللى جديرة بالشغل فى شركات السيوفى 
قمر لانى غير كل البنات فى الزمن دا انا الوحيدة اللى جديرة بالشغل فى شركات السيوفى ودا الايام هتثبته..
المدير امممممم ودا غرور ولا ثقه ......
قمر حضرتك اكيد عندك الخبرة اللى تبين أن كان دا غرور ولا ثقه..
فجأة لف الكرسي ولقيته ..
قمر بشهقه يخر بيتك ايه اللى جابك هنا ..
المدير بضحك مش صاحبتك نصحتك بلاش لسانك الطويل ...
قمر احم اسفه اقصد مش انت السواق اللى ..
قاطعها اسد من خلال السي في بتاعك واضح انك متفوقه بس ينقصك حاجه واحده بس هى الخبرة 
قمر انا بفهم اى حاجه بسرعه وبنفذها احسن من المطلوب .. 
اسد طيب تمام 
قمر تمام ايه 
اسد وهو يتفحص ملامحها فهى شديده الجمال ولم يرى قط في حياته شعر مثل شعر تلك الفتاة .. 
فهو دائما يعلم أن الفتاة الجميله عقلها فارغ كيف لفتاة بهذا الجمال أن تكون بهذا الذكاء !!
اسد تمام نجحتى فى الانتر فيو 
قمر شكرا يا فندم بس ممكن سؤال..
اسد اسألى 
قمر ازاى حضرتك مدير فى شركات السيوفى وتشتغل اسفه يعنى سواق واكملت الشغل مش عيب بس الوضع غريب ..
اسد ومين قالك أنى سواق 
قمر نعم اومال ايه مش انت السواق لشركه أن دريفر انا اتصلت بيكم وانت جيت بس متأخر وكان مواصفات العربيه مرسيدس سوداء ..
اسد ممكن بس مش انا ونصيحه ما تركبيش مع حد تانى غير لما تتأكدى من بيانات الشخص دا 
قمر بإحراج ازاى دا وفتحت اخر اتصال بشركه أن دريفر لتجد رساله من السائق نعتذر على عدم إكمال التوصيل بسبب عطل مفاجئ بالسيارة
قمر تلعثمت يا خبر انا ما شوفتش رسالتهم بإلغاء التوصيل..
اسد مفيش مشكله بس فى حاجه تانيه ما سالتيش عنها ..
قمر هى ايه 
اسد مدير الشركه العجوز 
قمر واحمرت وجنتيها فهى تعلم أنها عكت الدنيا بالحديث مع صديقتها ..
قمر اصل . اصل 
اسد بضحكه عاليه خلاص خلاص 
تقدرى تستلمى شغلك من بكرة ومهم عندى المواعيد المظبوطه 
قمر تمام وشكرا يا فندم ..
استاذنته وخرجت وهى لا تدرى تفرح ام تنعى حظها لما حدث معها من سوء التفاهم ..
قررت أن تتمشي قليلا فهى بالقرب من كوبري قصر النيل وهى تعشق هذا المكان حيث كان يصطحبها والديها إليه وهى صغيرة 
جلست أمام النيل وهى تنظر للماء 
انا كبرت خلاص يا بابا انت وماما وهشتغل وهكون مسؤوله حلمكم اتحقق .. وحشتونى اوووووى كان نفسي تكونوا موجودين معايا علشان نحتفل سوا ..نزلت دموعها فهى حقا