اسر ورنا الفصل العاشر كامل

آسر ورنا 
بارت 10
كنت عارف ان ده هيبقى رد فعلك... طبيعي تتفاجئي... محدش قالك لاني طلبت منهم كده... و السبب اني كنت عامل حسابي اني هطلقك فقولت مش لازم تعرفي مادام كدة كدة هنفترق... لكن دلوقتي لازم تعرفي لاني بدأت احبك فلازم اكون صريح معاكي... 
كنت بتحبها  
ايوة... بس دلوقتي لا... لو كان لسه في قلبي واحد في مية حب ليها مكنتش هصارحك ولا اقولك نبدأ من جديد... 

اتجوزتوا قد ايه  
سنتين... 
لم ستها  
ايوة... 
تغلغت الدموع في عيناها... اقترب منها لكنها ابتعدت عنه علي الفور... و قالت بنبرة إنكسار
كان مفروض تقولي من بدري... كان مفروض اعرف قبل ما امضي على قسيمة جوازنا... 
هيفرق معاكي  
ايوة هيفرق طبعا ! 
قالتها بإنفعال عليه ثم اكملت 
خلفت منها ولا لا  
لا... 
ليه مش كنت بتحبها  
ايوة كنت بحبها بس هي محبتنيش... 
حجج الرجالة المعتادة... اكيد طبعا هتقولي ان هي سبب طلاقكم... 
هي فعلا سبب طلاقنا... مش بكذب عليكي... 
ضحكت بسخرية و قالت
يعني انا مجرد وسيلة .... كنت هتنساها بيا ! 
لا... مين قال كده  
انت قولت كده... قولت كده لما خبيت عني انك متجوز قبل كده... 
عارف اني غلطت لما خبيت عنك كده بس متكبريش الموضوع... 
مكبرش الموضوع !! انت شايف ان الحوار تافه للدرجة دي ! طب لو كنت انا مكانك... و كنت انا اللي متجوزة و اتطلقت و اتجوزتك و مقولتش حاجة ليك و قولت نفس كلامك ان كده كده هطلق منك و انت متقربتش مني يعني انا في أمان و مش مهم تعرف... هيبقى ايه رد فعلك  
رنا... اهدي و خليني اوضحلك كل حاجة... 
على كده لو مكنتش اتكلمت انت كنت هفضل طول عمري معرفش حاجة عن كده ده انا طلعت عبيطة اوي... انت منستهاش يا آسر... و الدليل على كده معاملتك القاسېة ليا و كلامك الجاف معايا من اول ساعه عيشتها معاك في نفس الأوضة... كل اللي انت عملته كان بيوضح قد ايه انت مش طايق تعيش مع وحدة غيرها و مش عايز وحدة تانية تبقى مراتك غيرها... جاي بكل بجاحة تقولي انا بدأت احبك ! ... انت بتعمل كل ده عشان تنساها بيا..و انا زي المغفلة صدقتك !! 
مين قال كده والله مش بنساها بيكي... 
المفروض اصدق انا تعرف الغلط عليا انا لاني وحدة غبية... مدورتش وراك زي ما انت دورت ورايا و جبت تاريخي كله من اول ما اتولدت... نزلت دموعها و اكملت ساعتها لما اتحججت ان يحصل ما بينا حاجة عشان نخلف... اصريت ان اخضع لرغباتك بدون موافقتي... بس طبعا ملم ستنيش مش عشان انا مكنتش موافقة...