قصه كامله

المكان ده قبل كده وان شاف الست دي قبل كده
ادهم وبعدين رجعتي تاني ليه
حنان مرجعتش هو لقاني فضلنا انا وانت هناك اسبوع وكنت بتجري وتلعب كان عندك 4 سنين ساعتها يمكن علشان كده انت مش فاكر
سيبت يا ادهم عيالي الاتنين علشانك بس للاسف ابوك عرف بينا واخدك مني وسابني هناك وقالي لو عايزه امشي يبقي من غير العيال رجعتله وملقيتكش في البيت اترجيته يرجعك فضلت اكتر من شهر اعيط تحت رجليه علشان يرجعك تاني وخلاني اوعده اني عمري ما اخدك واهرب تاني والا وفعلا رجعك ليا وبعدها بسنتين حاولت اهرب بره البلدفضلت طول السنتين احوش فلوس من وري ابوك بحيث اخدك واسافر بره مصر خالص وفعلا جهزت باسبورات ليا وليك وحجزت التذاكر ووصلت لحد المطار واتاري ابوك كل ده مراقبني وعارف كل حركاتي ولقيته مستنيني في المطار وقالي انه سابني اعيش في وهم اني هاخدك واهرب ورجعني البيت ڠصب غني وعنا بقي بدأ يعذب فيك بكل طريقه يقدر عليها بالضړب والحرمان وكل حاجه بتوجع كان بيعملها لانه عارف انها بتوجعني انا اكتر منك

يوم ما جلدك بعد المدرسه فضلت اترجاه كفايه بس ما سمعنيش وحبسني في اوضتي واخر الليل روحتلك كان مغمي عليك فضلت شايلاك وحضناك وهو جه وشالني من جنبك وساعتها جاب الصبغه يود ودلقها عليك وفضلت تصرخ وتصرخ وانا بعيط في اوضتي
ورجع وقالي اني كل ما هحبك ده النتيجه وساعتها قررت اني ما اكلمكش تاني ابدالان كل كلمه كان قدمها او عڈاب جديد ليك
بس كنت براقبك من بعيد لبعيد وبعمل اللي اقدر عليه
كان لما يحرمك من الاكل ابعتلك الداده من وراه مكنش الخدم اللي بيجولك كنت انا ببعتهم ليك لحد ما الاقي حل او طريقه اهرب بيها بس بعدها حصلت الحاډثه
ادهم وسيبتيني ليهم يشرحوا فيا
حنان لأ مسيبتكش
ادهم اه معلش نسيت جيتي وقولتيلي مووت بقي بعد خمس سنين صمت كانت دي كلمتك ليا مۏت بقي
حنان كنت عاجزه ولو كان المۏت هو الحل يبقي اريحلك
عيطت حنان وادهم ملامحه جامده مش متأثر باي شيئ
ادهم وسيبتيني ومشيتي
حنان معرفتش انك في المستشفي
ادهم كنت في السينما!! يعني ايه معرفتيش امال هروح فين وانا متكسر
حنان ابوك قالي انك هربت من المستشفي ورحت سالت عليك الكل قالو انك اختفيت وهو حلفلي انه مخرجكش من المستشفي ومن جوايا اتمنيت انك تكون هربت او مشيت او اي حاجه تانيه غير انك تكون تحت رحمته
ادهم هربت!!!!!! هو كان عنده حق انه مخرجنيش انا فضلت في المستشفي متكسر ومتربط ومتبنج اني ما اتحركش بس احس بكل حاجه حواليا
عندك فكره هما عملوا ايه فيا كانت اسوأ فتره في حياتي وانا متكتف مشلۏل والطلبه حواليا بيتمرنوا عليا كل واحد بيخيط في چرح وبعد ما يخلصوا يجوا الممرضات يفكوا الخياطه تاني ويحطوا فتيل علشان الچروح ما تتقفلش ولا تخف وتاني يوم يعيدوا من الاول وجديد وهكذا لحد ما ربنا بعتلي مصطفي
حنان معرفتش بيك معرفتش غير لما صبري جه عند ابوك وقاله انه هيتبناك ساعتها بس عرفت بيك وشفتك مټشوه ابني الجميل بقي مټشوه عيطت عياط معيطوش في عمري كله
وابوك قالي ان ده ذنبي انا مش عارفه ذنب ايه اللي عملته واتعاقبت عليه كده انا وانت بس دعيت ان صبري يعوضك ورحت بعدها لساره مراته واترجتها تقبلك في بيتها وساعتها هيا فعلا قبلتك في بيتها هيا كانت في الاول خاېفه منك ومش قبلاك ولما روحتلها وعدتني انها هتقبلك وانا هتكفل بكل مصاريفي
ادهم انتي عايزه تفهميني ان انتي اللي صرفتي عليا
حنان ساره قالتلي انك عايز تدخل شرطه وانا استغليت ساعتها كل معارف ابوك علشان اعرف ادخلك وفضلت لحد ما جبتلك الموافقه وطلبت من صبري يقولك ان هو اللي اتصرف وساعتها قالك ان الوزير عامل عمليه عنده وهو وافق صح ولما اتخرجت كنت عايز شقه صغيره صبري قالك انه عنده شقه انا جبتهالك وفرشتهالك ولما طلبت منه يشوفلك شقه كبيرهانا دورتلك علي واحده كنت عايزها في حدود 200 الف شقتك دي دلوقتي انا اشترتهالك دفعت نص تمنها وسيبتك انت تدفع النص وقلت لصبري يقولك انها علشان واحد مزنوق وفرصه مش هتتعوض وبعدها انت طلبت من ساره تفرشهالك انا عملتلك كل ديكوراتها وفرشتها وفي كل مكان بدعيلك تعيش فيها مبسوط مع واحده تحبك وتقدرك
وفعلا انت حبيت وكنت هتتجوز
ساعتها ابوك كان بدأ يشك ان اننا بكلمك فبعدت فتره عنك لانك بقيت راجل يعتمد عليه ولما عرفت انك هتتجوز كانت اخر هديه ليك هيا راحت ناحيه ليلي ومسكت ايديها خاتم جوازي هديته لمراتك كان بتاع العيله من زمان وانا ساعتها عطيته لساره وقولتلها تديهولك علشان تديه لمراتك واهو مراتك لابساه لحد النهارده وبعدها سافرت مع حسين بره مصر ولسه راجعين والباقي انت عارفه
دي حكايتي كلها واتمني انك تسامحني