قصه كامله مشوقه

قرب عيونه العسلي الفاتحه في الشمس رموشه الطويله المغطيه عيونه غمازاته اللي مزينه خده الشمال شعره الناعم اللي نازل علي عيونه بعشوائيه هدوئه في الكلام سلالسه كلامه اقناعه ليها بكل سهوله أن العمر لحظه مش هتتكرر كان حلم كان حقيقه فلازم نتعلم ومنضيعش لحظه واحده في الحزن ...
عمرو بابتسامه هادئه نروح !
ساندي وهي بتهز رأسها بهدوء وابتسامه رقيقه نروح

كانت ماشيه جنب عمرو علي البحر وشعرها بيطير مع نسمة الهواء البارده ...
بصت جنبها كان في واحد بتاع ايس كريم ...
وقفت فجأه وهي بتميل برأسها علي كتفها ...
عمرو تحبي تأكلي ايس كريم !
هزت راسها بدون وعي وهي بتفتكر مره كانت راكبه مع باباها العربيه وشافت واحد بيبيع ايس كريم طلبت منه ينزل يجيبلها رفض هو ومامتها رفض قاطع ازاي ساندي هانم تاكل ايس كريم من علي عربيه !
كان نفسها وهي صغيره تتمشي علي البحر تجري وتلعب زي الاطفال في الشارع باباها يلعب معاها ويجري وراها ياخدها في حضنه ويبوس خدها مامتها تهتم بيها وتهتم تعرف تفاصيل يومها تسمعها حتي وهي بتحكي أتفه حاجه لكن تسمعها وتحسسها ان في حد مهتم ...
تفتكر أن قبل ما تنفصل مامتها عن باباها مفرقش كتير لما كانوا مع بعض ..كل واحد فيهم عايش حياته بيهتم بالمظاهر وبس محدش فكر يوم يهتم بيها هي بنتهم !
ودلوقتي راجعين يلوموها علي غرورها ومعاملتها وسهرها لنص الليل ليه مش قادرين يفهموا أن تربيتهم هي السبب !
فاقت من شرودها علي لمسه عمرو لكتفها وهو بيهزها برقه
-سااندي
ساندي هه ش شكرا
عمرو بابتسامه تحبي نتمشي شويه علي البحر
هزت راسها بحماس ومشت جنب عمرو...
ايديها لمست ايده رفعت راسها في نفس الوقت اللي رفع راسه وهو كمان وحصل الطف واجمل بعيونه العسلي الفاتح وعيونها الخضراء ....
حست في اللحظه ديه انها في عالم غير العالم دقات قلبها وصلت للسما اتكون عرق علي جبينها وهي بتتنفس بأقصي سرعه ...
عمرو بتوتر ا احم الايس كريم بتاعك هيسيح
ساندي وهي بتاخد نفس طويل ش شكرا طعمه حلو
عمرو بابتسامه هادئه وجميله بس اللي بتاكل منه احلي واجمل
ساندي وخدودها حمرا زي الفراوله ش شكرا
عم الصمت ما بينهم وساندي ماشيه تبص يمين وشمال علي الناس اللي ماشين ...
لفت نظرها اتنين قاعدين علي البحر ماسكين ايد بعض البنت بټعيط وهو بيحاول يهديها بكل الطرق الظاهر أنه بيحبها باين من عيونه ولهفته ...
فضلت مراقبه بعيونها اللي بيحصل وثواني وضحكت البنت وهي بتمسح دموعها ...
ابتسمت برقه وهي مبسوطه لانبساط البنت
قد ايه مهم في حياه كل بنت وجود شخص يحبها وېخاف علي زعلها شخص ميهونش عليه حزنها ولا دموعها شخص يحبها لروحها وذاتها مش لاي حاجه تانيه ....
كان في شخص غلبان قاعد علي الارض دموعه علي خده بيطلب صدقه من اللي رايح واللي جاي ...
مد عمرو أيده في جيبه وهو بيخرج فلوس مقدرتش تحدد هما كام
-ساندي خليكي هنا ثواني
قال جملته وقرب من الراجل وهو بيوطي بنص جسمه وبيديله فلوس
-الراجل بدموع ربنا يباركلك يابني ربنا يرزقك بالذريه الصالحه ربنا يخليلك مراتك يارب ..
عمرو وهو بيبص لساندي وبهدوء يالا
ساندي وهي بتتنهد تعرف العالم بتاعكم حلو
عمرو وهو بياكل من الآيس كريم بجد عجبك !
ساندي وهي بتبص علي الناس تعرف اني كنت فاكره أن الفلوس سبب سعاده الشخص ! اكتشفت أن الحب والدفا والبساطه اجمل من اي حاجه ...
عمرو ديه حقيقه تعرفي بقي ايه الاجمل !
ساندي ايه !
عمرو ساندوتش فول من علي عربيه الفول اللي هناك ديه وفحل بصل تأكلي وتنسي احزانك
ساندي فول !
عمرو تحبي تجربي !
ساندي بحيره امممم مش عارفه
عمرو هيعجبك
ساندي بحماس يبقي نجرب
عمرو وهو بيشدها من ايديها بدون وعي يالا بينا
كان ماشي بأقصي سرعه وهو بيسحب ساندي اللي حست أن روحها هي اللي بتتسحب من لمسه كفه اللي غطي كل كفها ....
وصلوا قدام الراجل بتاع الفول وهو بيقول بابتسامه واسعه
-ازيك ياعم محمد
عم محمد بفرحه مين البشمهندس عمرو
عمرو وهو بيحضنه بحب واحشني ياراجل ياطيب
محمد بفرحه عاش من شافك يابني فين اراضيك
ايه ده مين الجميله ديه مراتك !
عمرو وهو بيبص لساندي اللي حطت وشها في الأرض بخجل
-اه مراتي ايه رأيك !
محمد ماشاء الله زي القمر
ساندي بابتسامه رقيقه شكرا ياعمو
عمرو عايزك بقي تعملي كام ساندوتش كده من ايدك الحلوين وتظبطهملي عشان ساندي جعانه
محمد من عيوني تعالوا تعالوا اتفضلوا اقعدوا لحد ما احضرهم ...
سحب عمرو كرسي لساندي اللي دقات قلبها علت للسما وهو قريب منها لدرجه تخض ...
قعدت علي الكرسي وهو قعد علي الكرسي اللي في وشها ...
كانت بتفرك ايديها بتوتر وهي بتبص في كل الاتجاهات ماعدا عيونه اللي كانت بصالها بتتفحص كل تفصيله فيها بهيام وقلب بيدق لاول مره !
ساندي بتوتر ا انت هتفضل تبصلي كده كتير !
عمرو وهو بيسند أيده الاتنين علي الطربيزه وبيحطها تحت خده وهو بيقول بدون وعي انتي جميله اوي ياساندي
ساندي بتوتر وقلبها بيدق بين ضلوعها ش شكرا
-احلي ساندوتش فول لاحلي عرسان
عمرو وهو بيعدل نفسه بجديه احم شكرا ياعم محمد ..
ساندي وهي بتبلع ريقها ه هو طعمه حلو !
عمرو وهو بيمدلها أيده بساندوتش هيعجبك جدا
اخدته منه ساندي وهي خاېفه تجرب لأنها عمرها ما جربته في الحقيقه !
-همممم حلو اوي اوي
عمرو بفرحه بجد عجبك !
ساندي بعفويه فظيييع
عمرو اجبلك تاني
ساندي وهي بتبتسم برقه طب اخلص الاول
بعد شويه ...
عمرو وهو بيتنفس بتعب اااه تصدقي بقالي كتير مأكلتش كل ده
ساندي وهي لسه بتاكل بقولك ايه هات ساندوتش بسرعه مفيش وقت للتفسير
عمرو هههههههه للدرجاي عجبك!
ساندي اوووي اوي ياحسن
طلبلها عمرو ساندوتش تاني وهو مبسوط من جواه انها قدرت تتأقلم بالسرعه ديه ....
كان بيبصلها وهي بتاكل وهو مستغرب ازاي في حد بالجمال ده والرقه ديه !
يعني معقول هي ديه البنت المغروره القويه الجريئه !
في الحقيقه هو اكتشف غير كده تماما !
ساندي الحمد لله شكرا ياعمرو اقولك علي سر !
عمرو وهو بيقوم عشان يدفع الفلوس ويمشوا ثواني ادفع فلوس ونمشي واحكيلي واحنا ماشين
ساندي اوكي
بعد شويه كانت ماشيه ساندي جنب عمرو وهي حاسه براحه كبيره لاول مره تحس بيها ..
عمرو ها بقي ياستي ايه هو السر
ساندي وهي بتتنهد انا مش عارفه انا في حلم ولا حقيقه بس أيا كان انا حاسه اني مرتاحه ومبسوطه حاسه ان في حد مهتم بيا حاسه ببساطه واني مش لازم اتصنع عشان اكون لائقه علي طبقه الاغنيه حاسه اني طفله عايزه العب واجري واجرب حاجات مجنونه تعرف ياعمرو ماما عمرها ما حضنتني المره الوحيده اللي حضنتني فيها لما جبتلها هديه لعيد ميلادها ماما پتخاف علي مستواها الاجتماعي اوي پتخاف تحضني مع أنه مش هيأثر علي مستواها أبدا في أي حاجه انا عارفه انها بتحبني عارفه كمان انها نفسها تفرح بيا وتشوفني احسن بنت في الدنيا هي وبابا بس ازاي ممكن حد يوصل وهو مش لاقي اللي يشجعه ويفهمه الصح من الغلط أنا طول الوقت حاسه اني لوحدي ده حتي صحابي كلهم بيتقربوا مني عشان