قصه كامله مشوقه

انا غنيه وبابا ليه مركزه ده حتي الولد الوحيد اللي حبيته طمعان فيا وفي ثروتي انا مش وحشه ابدا زي ما الكل بيقول انا حتي لما هزقت اختك كنت زعلانه اوي من نفسي ومش عارفه ازاي عملت كده بس يمكن عشان احس اني قويه ومحدش ممكن يكسرني بحاول اكون كده !!
عمرو انت فاهم انا عايزه اقول ايه صح !
عمرو وهو بيتنهد بشفقه فاهمك

ساندي وهي بتسأله ببراءه هتكرهني!!
عمرو بلهفه لا طبعا
ساندي عمرو انا مش عايزه افوق لو انا في حلم انا مبسوطه كده
عمرو بابتسامه هاديه طب يالا نروح
ساندي يالا
وصلوا البيت وملك فتحت الباب بلهفه ...
ساندي انتي كويسه !
ساندي بابتسامه رقيقه ملك انا اسفه
ملك پصدمه هه !
ساندي وهي بتحضنها انا اسفه اتمني متزعلش مني
عمرو وهو بيغمز لملك لا اكيد مش زعلانه منك صح يالوكه !
ملك بتوتر ا اه طبعا طبعا
ساندي وهي بتقرب من ام عمرو وبتقعد قدامها علي ركبتها انا اسفه ياطنط اسفه علي الكلام اللي قولته الصبح ...
ام عمرو بابتسامه طيبه زي طيبه قلبها مش زعلان منك ياضنايا ..
ساندي بدموع هو انا ممكن احضنك
ام عمرو وهي بتفتحلها دراعها طبعا ممكن
ملك بخفوت هو ايه الموضوع انا مش فاهمه حاجه !
عمرو وهو بيتنهد هبقي افهمك كل حاجه بعدين ...المهم دلوقتي انا داخل الأوضه اكلم أهلها عشان انا مش هكمل في اللعبه ديه
ملك پصدمه انت بتقول ايه !
عمرو زي ما بقولك كده وانتي ادخلي اعملي عصير وحطي فيه منوم..
ملك انت بتهزر !
عمرو پحده ملللك اسمعي الكلام انا عارف انا بعمل ايه
ملك وهي بتتنهد حاضر
ساندي وهي بتبعد عن أم عمرو انا هدخل انام بقي تصبحوا علي خير ...
عمرو بلهفه لا استني
ساندي باستغراب في ايه !
عمرو بتوتر انا داخل اغير هدومي خليكي انتي هنا اشربي عصير ...
ساندي باستغراب عصير !
ملك وهي بتخرج من المطبخ وبتقول بتوتر قصده اشربي من العصير بتاعي اللي انا عاملاه
ساندي بابتسامه رقيقه اه شكرا
عمرو وهو بيقرب منها وبيبوس رأسها برقه هتوحشيني
ساندي بخجل ووشها كله احمر انت داخل الأوضه اللي جنبي مش مسافر !
عمرو بغموض كل حاجه بتتغير بين الدقيقه والتانيه
ساندي باستغراب مش فاهمه
عمرو وهو بيبص في عيونها الخضراء اللي سحرته من اول نظره متاخديش في بالك
قال جملته ودخل الأوضه وساندي شربت من العصير وثواني فقدت الوعي ...
تاني يوم الصبح صحت من النوم وهي بتتمطع ...
اتنفضت من السرير لما لقت نفسها في اوضتها ولابسه البيجامه بتاعتها البينك وشعرها الاصفر القصير زي ما هو ...
ايه ده انا كنت بحلم ولا ايه!!
يتبع
إيمانشلبي
عالمتاني
البارتالرابعوالاخير
قالت جملتها وقامت خرجت بأقصي سرعه من الباب وهي مش قادره تفهم اي حاجه !
-صباح الخير ياساندي هانم
ساندي پصدمه مروه !
مروه الخدامه باستغراب ايوه ياساندي هانم خير في حاجه
ساندي وهي بتحضنها بلهفه انا مش في حلم يعني انا غنيه
مروه باستغراب في ايه ياساندي هانم انتي كويسه
ساندي وهي بتبعد عنها بفرحه انا كويسه كويسه خالص ..
قالت جملتها وهي بتجري علي تحت ومروه واقفه تبص لآثرها وهي بټضرب كف فوق التاني ...
-ديه باين عليها اتجنت خالص ..
-ماما
كوثر بفرحه وهي بتحاول تداري دموعها ساندي حبيبتي ص صباح الخير
ساندي وهي بتجري علي حضنها ماما وحشتيني بالرغم أنه يوم واحد بس انا اكتشفت اني مقدرش اعيش من غيرك انتي وبابا ..
كوثر باستغراب يوم ايه يابنتي أنا مش فاهمه حاجه
ساندي مش مهم مش مهم تفهمي فين بابا
كوثر باباكي راح الشركه ياحبيبتي مالك ياساندي انتي كويسه ياحبيبتي !
ساندي وهي بتتنهد اوي ياماما اوي
كوثر وهي بتفتحلها دراعاتها طب تعالي
ساندي باستغراب اجي فين
كوثر تعالي في حضڼي انا حاسه انك وحشاني اوي وعايزه احضنك
قربت منها ساندي بدموع وثواني اترمت في حضنها وهي بتتنهد بفرحه وكأنها كانت مستنيه كوثر تقولها كده من سنين ..
غمضت عينيها وهي حاسه براحه وفرحه محستش بيها قبل كده ...
اما عن كوثر كانت حضناها وسانده رأسها علي راس ساندي بدموع ...بتفتكر اللي حصل امبارح واللي قاله عمرو ليهم في الفون
فلاش باك
-يعني ايه يابني مش هنكمل في اللعبه ديه !
عمرو وهو بيتنهد يعني زي ما بقولك يامحمود بيه بنتك مش محتاجه تكون معانا عشان تتغير ..
محمود باستغراب يعني ايه
عمرو كوثر هانم جنبك
محمود ايوه بس ليه
عمرو افتح الاسبيكر لو سمحت
محمود باستغراب ليه
عمرو بضيق لو سمحت افتح الاسبيكر
محمود طيب فتحته
عمرو مدام كوثر
كوثر ن نعم
عمرو حضرتك تقدري تقوليلي أمتي اخر مره حضنتي فيها ساندي !
كوثر وهي بتبص لمحمود باستغراب مش فاهمه ايه السؤال ده ايه علاقته بالموضوع اصلا
عمرو لا ليه علاقه ساندي مش محتاجه تعيش مع ناس أقل منها عشان تبقي كويسه ومش مغروره ساندي محتاجه ام واب يفهموها يحسسوها انها موجوده يهتموا بتفاصيل يومها يسألوها حاسه بأيه نفسك في ايه زعلانه ليه اب وام يعرفوها الصح من الغلط مدام كوثر ساندي أقصي طموحاتها تحضنيها زي اي ام وبنتها محمود بيه ساندي مش وحشه ساندي لو اتكلمت معاها بالراحه وبالحنيه وبدون تكلف لو حسيتها مره واحده بس أن انت محمود باباها مش محمود بيه اللي الكل پيترعب منه هتسمع منك بكل حب وتفاهم هتاخد بكلامك لو بس حضنتها وقولتلها انتي بنتي وانا بحبك وخاېف عليكي هتتغير للاحسن كتير ...ساندي محتاجه تحس بوجودكم معاها يامحمود بيه مش مجرد ام واب بالاسم ام واب بيهتموا بالمظاهر والناس وهي في آخر حساباتهم أو تكاد تكون مش موجوده من الاساس ....انتوا السبب في اللي هي وصلتله ولازم تصلحوا الغلط ده ساندي بتعمل كده عشان تحس انها قويه وأنها محدش ممكن يكسرها لأنها طول الوقت عايشه لوحدها ده رد فعل عكسي بتستخدمه عشان تداري علي وحدتها ...انا اسف في اللي قولته لكن كان لازم أقوله ...
كوثر بدموع انا عايزه بنتي يامحمود عايزه بنتي دلوقتي عايزه احضن بنتي والله انا بحبها والله محدش في الدنيا ممكن يحبها قدي
محمود بدموع عمرو يابني حط منوم في العصير وانا مسافه السكه وهكون عندك ...
عمرو وهو بيتنهد بحزن وبيبص لساندي اللي كانت فاقده الوعي نهائيا ونايمه علي السرير ساندي نايمه دلوقتي يامحمود بيه هستناك تيجي تاخدها ..
بااااك
ساندي وهي بتبعد عن مامتها ماما انتي بټعيطي
كوثر وهي بتمسح دموعها هه لا ياحبيبتي انا عيني بتوجعني بس يالا تعالي نفطر
ساندي باستغراب نفطر
كوثر . اه في ايه
ساندي لا أصل انتي اول مره تقوليلي كده
كوثر وهي بتحاوط وشها بحب من هنا ورايح انتي لازم كل يوم تفطري ولما تصحي احضنك حضڼ كبييير عشان انا بحبك ولما ترجعي من برا تحكيلي عملتي ايه في يومك ولو زعلانه تيجي تحكيلي مالك وانا هروح اقطع اللي زعل بنوتي حبيبتي ...
ساندي بذهول ياااااه يااااه ياماما انا اول مره في حياتي اكون فرحانه كده
كوثر بدموع ربنا يفرحك اكتر واكتر ياحبيتي انا اسفه ياساندي اسفه يابنتي
ساندي اسفه علي ايه ياماما
كوثر وهي بتشدها لحضنها بدموع اسفه علي كل حاجه اسفه اني مش ام صالحه
ساندي بلهفه لا لا متقوليش كده انتي احسن وأعظم ام في الدنيا انا بحبك