اسر ورنا الفصل السابع كامله ومعاهم جزء هديه من مجهول الهويه بقلم ملك إبراهيم

بتقولي عليها انها زقتك عليا  
نظرت للهاتف و قالت 
ايوة هي.... بالامارة عندها اخوها الصغير اسمه ياسين... 
اټصدم معاذ... كيف و لماذا تفعل ذلك 
وجه المسډس على رأسها مرة اخرى و قال 
بت انتي انا مش مصدقك... عايزة تفهميني ان مرات اخويا العبيطة دي هي اللي عملت كل ده  
والله مش بكذب ! 
هتيجي معايا القصر... تشوفيها بعينك تاني و تقولي هي ولا لا... يلا قومي... 
اضطرت لسماع كلامه و ذهبت معه...
في بيت خالد.... 
منك لله يا آسر... و يخربيت ايدك التقيلة دي... دلوقتي فهمت ليه المجرمين بيخافوا منك... هاتي تلج تاني يا منال... 
أتت منال زوجته و وضعت التلج مكان الکدمة 
و انت ملقتش غير وشك تقوله يضربك فيه...
تخيلي لو ضړب البوكس ده في بطني كان زماني بركب معدة جديدة... 
كنت عارفة انك هتهربه... 
يعني اسيبه يتحاكم على حاجة معملهاش خليه هو ينطلق بقى بشوف مين وراء الحوار ده كله... المهم حوار ان انا اللي هربته ده يفضل ما بينا يا منولة... ولا اهون عليكي اتسجن  
لا طبعا متهونش يا حبيبي... حاضر ده هيفضل سر ما بينا... اجلك تاكل  
طابخة ايه  
صنية بطاطس و فراخ في الفرن... و عملت صنية كيكة بالشيكولاتة كمان... 
والله مفيش غيرك اللي بتهوني عليا قبل يدها ربنا يخليكي ليا... 
حبيبي... هقوم احطلك الاكل... 
نهضت منال و قبل ان تخرج رن هاتف خالد 
مين بيرن  
مش عارفة... رقم مش متسجل... 
اعطته الهاتف... نظر خالد للرقم و قال بتساؤل 
ليكون آسر  
ممكن... ليه لا... 
طب بقولك هاتي تليفوني التاني العادي اتصل عليه منه... اكيد بما ان آسر هرب هيتشك فيا و يراقبوا تليفوني... 
ماشي... 
فتحت منال الدرج و اخرجت منه هاتف صغير زرائر و اعطته لخالد... نقل خالد الرقم و اتصل عليه و لكن لم يرد... رد مرة اخرى و رد 
الو... 
ده انت يا خالد ولا واحد تاني  
لا انا خالد... ازيك يا آسر  
تمام انا...
اتصل عليا من الرقم ده على طول... رقمي الأساسي اكيد هيبقى متراقب بعد هروبك... المهم انت فين دلوقتي  
قاعد مع صديق قديم ليا في شقته... 
حته أمان يعني  
ايوة أمان... 
طب كويس... لو احتجت اي حاجة ابقا قولي... 
انا محتاج بس مش لنفسي... 
لمين  
رنا و ياسين... خلي بالك عليهم... 
ليه في حاجة  
تحسبا لو حصلت حاجة يعني... 
بعد الشړ عليك يا آسر... متقلقش... في حمايتي هم الاتنين... 
ماشي هقفل انا عشان الرصيد... 
انا المتصل على فكرة... 
ما انا خاېف على رصيدك... قول لي صح... الضړبة خفت  
لا مخفتش... عاملة كدمة اد كده لونها بنفسجي... 
حط تلج و هتخف... 
ما انا بحط من امبارح... انا خلصت كل التلج اللي في فريزر... 
خلاص يا عم آسفين... ده مكنش بوكس يعني... ده انت واحد فرفور
آسر اقفل متخلنيش اقولك كلمة غلط عشان المدام هنا... 
طيب يلا سلام... 
اغلق الهاتف... ارخى ظهره للخلف و قال 
الآه ! فين الكيكة يا منال  
رايحة اهو اعملك طبق... 
عند رنا
بس كده رجعت نظيف... ايه الريحة السكر دي... متلعبش في الطين تاني يا ولااا... 
ما انتي لعبتي معايا... 
الصراحة كانت لعبة ممتعة... 
ايوة فعلا... هنلعب في الطين تاني لما يجي عمو آسر...
ابتسمت رنا و وضعت يدها على وجنتها مكان قبلته 
ايييه سرحتي فين  
لا مفيش حاجة... بقولك ايه... انت بتحب ترسم  
ايوة... بس عايز ألوان احلى غير اللي معايا... 
زي ايه مثلا  
ألوان فريب كاسلت... 
و انت عرفت من فين الإسم ده يا ياسين باشا  
عمو آسر قالي عليه... تعرفي ان عمو آسر بيعرف يرسم  
بجد  
ايوة... حتى بصي فتح الدرج و اخرج منه كراسة الرسم هو اللي رسم دي... 
نظرت رنا للرسمة و تتفاجئ انه راسمها ! 
هو رسم دي امتى  
قبل ما يروح مهمتة بكام ساعة لما كنا قاعدين انا وهو سوا في الجنينة... و قالي انه هيفاجئك بيها... بس ملحقش يلونها... اوعي تقوليله ان انا ورتهالك... 
ابتسمت رنا لياسين ثم