ظلمت نفسي الفصل الخامس والسادس
المحتويات
قلت بقلة حيلة
أنا مضطره أقفل يا مرام... مع السلامه
مع السلامه يا شهد وابقي طمنيني عليك ولو محتاجه تتكلمي في أي وقت أنا موجوده
قفلت معاها ونفخت بق وة وأنا بفكر في إللي بيحصل وإللي مش عارفه أستوعبه!
خرجت من أفكاري على رنه رسالة عبر الماسنجر وكانت من منه على شات الأخوه والأخوات ومحتواها
آسفه يا جماعه مش هقدر أكمل معاكم في الجروب أستودعكم الله الذي لا تضيع ودائعه
كانت صدمة جديدة بالنسبالي دي كانت دائما تقولي الجروب ده بتاعنا ومش هنفرط فيه وتنصحني مخرجش منه ودلوقتي هي إلي خرجت!!
لقيت الجروب ثار مره واحده وبيسالوا فيه ايه! وحصل ايه!
ارسل محمد دي عملت لي بلوك
أرسل شاب وأنا اخدت بلوك برده!
شاب أخر وأنا!
يزن وأنا كمان معمولي بلوك!
كتبت غاده پصدمة إيه ده دي عملتلي أنا كمان!
كتب يزن شهد إنت بتقرأي الرسائل ومش بتردي طمنينا حصل ايه!!!
كتبت وأنا بعيط مش عارفه ولا فاهمه حاجه أنا تعبت وزهقت وکرهت كل حاجه
أرسل يزن مش عارف ليه حاسس إنك بټعيطي وإنك على خلاف مع منه!
مسحت دموعي وكتبت بنرفزه
كلكوا لابسين أقنعه انتوا کرهتوني في حياتي!!
اهدي يا شهد أنا معرفش منه قيلالك إيه بس البنت دي خبيثه دي لما عرفت إن أنا ومحمد مرتبطين دخلت كلمته عشان توقع بينا
رديت پحده
ولما كلكوا عارفين إن هي خبيثه سايبينها في الجروب ليه!! وبتهزروا وتتكلموا معاها عادي ليه!!
مردتش فكتبت بسرعه
كلكوا منافقين!!
لقيت غاده بعتت
كنا بنديها فرصه عشان قالت إنها هتتغير
أنا غلطت من غير قصد وهتغير بس سامحوني وخلونا إخوات دا ربنا بيسامح
ورساله تانيه
ياريت الحوار يفضل سر بينا واستروا عليا من ستر دا مسلم ستره الله في الدنيا والأخره بلاش تقولوا ل شهد
أرسلت ليها
أنا مبقتش عارفه أصدق مين!!
اتفاجئت لما يزن أرسل لي على الخاص
السلام عليكم شهد بعد إذنك محتاج أتكلم معاك شويه
افتكرت كلام منه اللي كانت مفهماني إني لو رديت على رسالته هيهكر صفحتي!
كنت خاېفه لكن رديت لأني كان عندي فضول تجاهه رديت
عليكم السلام خير!
أرسل
واضح إن إنت بنت محترمه وأخلاقك عاليه ودا واضح من تعاملك معانا وواضح برده إنك تعبانه مش عارف بقا عشان عرفت منه على حقيقتها ولا مالك!
كلكوا بتقولي منه وحقيتها هو إنتوا شايفين إيه أنا مش شيفاه!!
يرن
شايفين الحقيقه يا شهد... أنا عايز أحذرك من منه ومش هقدر أبررلك أي حاجه غير إنها بنت مش تمام
مش عارفه ده الشخص رقم كام إلي بيحذرني منها! معقوله يكونوا كلهم كذابين وهي مظلومه!!
أرسلت له
تمام شكرا ليك
يزن
السلام عليكم خلي بالك من نفسك
عليكم السلام شكرا
قفل معايا الكلام على كده قلت لنفسي لو حاول يكلمني تاني يبقا هو كان بيفتح كلام ولو محاولش يبقا هو راجل محترم!
استغفروا
مر ست أيام ومحاولش يزن يكلمني تاني مكنتش بروح الكليه ولكن كنت بفكر كتير ملامحي بهتت والإرهاق بقا واضح على معالم وجهي..
معاملتي اتغيرت مع عبيده نزل من نظري لكن كنت بحاول جاهدة اتعامل عادي...
الجروب وقع من لما منه سابته ومعدش حد بينشر فيه ولا حد بيتكلم في شات الإخوه والأخوات...
وفجأة لقيت رساله من يزن محتواها
جماعه إحنا غلطنا مينفعش نكون في شات مختلط
محمد
احنا كلنا أخوات وبنتكلم كأخوه يا يزن وبنستفيد من بعض
سحر
فعلا أنا استفدت
متابعة القراءة
