ظلمت نفسي الحادى عشر والثاني عشر
منه للبيت وهي بتقولها
إيه اللي جابك ادخلي قدامي...
بصيتلنا وقالت
أنا آسفه يا بنات بعتذرلكم على كل اللي حصل
قالت منه بنبرة مرتفعة وكأن معها الحق
هقتص منكوا كلكوا عشان ظلمتوني!!
ابتسمت روعه وقالت بسخرية
بتقولك هتقتص مننا! يعني كذابه وبجحه
سمعنا صوت والدتها اللي بتقولها
اخرسي بقا
في الوقت لقينا عبيده وشادي جاين ناحيتنا بص عبيده للناس اللي بدأت تمشي وهما بيض ربوا كف بكف وسأل بقلق
بصيتله روعه من فوق لتحت ودخلت للبيت...
ووقفت أنا حكيتلهم اللي حصل ورجعنا للبيت عشان أقعد مع شادي...
كانت روعه قاعده في غرفتها متضايقه من اللي حصل دخل عبيده للأوضه وقفل الباب وراه قال بحدة
إنت بتتكلمي مع البنت دي ليه أصلا!!
روعه بنفس الحدة
وإنت مالك أصلا!!
حك عبيده ذقنه وقال بصرامه
اسمعي يا بنتي أنا دلوقتي جوزك شئت أم أبيت.... يعني تتكلمي معايا كويس والمفروض تطيعيني
يصلها عبيده لثانيه ومردش عليها وخرج من الأوضه شعرت روعه بوغزات الدموع في عينها وبكت...
من ناحية تانيه شافته والدته وهو خارج من غرفة روعه وشهد قاعده مع شادي...
أصابها الشك من ابنها وظنت به السوء وقررت تتابعه لأنها لسه متعرفش إنه متجوزها!!
بقلم آيه شاكر
قالها شادي اللي كان مرتبك ووشه كان أحمر لقيته فتح الجاكت بتاعه ولما رفعت راسي شوفت التيشيرت اللي لابسه كان مرسوم عليه اسبونج بوب..
سكتت وبصيت لشرابه الأصفر اللي عليه سبونج بوب برده ضغطت شفايفي وأنا بمنع ضحكتي أخد باله من محل نظري فقال بمرح
ابتسمت بحياء وأنا بحاول أمنع ضحكتي فحك شادي أرنبة أنفه وقال بجدية
المهم... تحبي تسأليني عن حاجه
وقبل ما أتكلم رن موبايله بأغنية
أنا سبونج بوب بوب... أنا سبونج بوب بوب..
معرفتش أمنع ضحتي وهو كمان ضحك لما أخد باله من التيشرت بتاعه كمان وقال من خلف ضحكاته اللي مش عارف يوفقها
والله العظيم صدفه... أصل أنا عندي أخويا بيحب إسبونج بوب جدا وأنا بتاخد في الرجلين
قاطعنا دخول عبيده بالشاي ولما لقانا بنضحك سألنا
بصيت ل شادي إللي حط صوباعه على بوقه وقال بنظرات محذرة وبمرح
إوعي تقولي
رن جرس الباب ودخل عصام قومت عشان أدخل أوضتي فوقفني صوت عصام لما قال
استني يا شهد لو سمحت
تنحنح بحرج وقال
أنا عرفت إن عندك مشاعر ناحيتي وواضح إن إنت كنت قايله لمنه وبعترف إن انا كمان عندي مشاعر ناحيتك عشان كده أنا جاي أتقدملك..
برقت أمي عينها پصدمه وتلقائي بصيت ناحية شادي....
