الحب الضائع الجزء 2

كنزة رمادية اللون تصل لمنتصف الساعد صاحت بغيظ 
حلوين دول !
تفحصهم قليلا ثم قال و هو يشير بيده 
مش بطالين و أعملي حسابك يا مرام أني هاخدك النهاردة و نروح نجيب لبس محجبات عشان خلاص أنا قررت أنك تتحجبي !
بعيدا أني كنت بفكر في الموضوع دا الفترة اللي فاتت بجدية بس أية اللي خلاها تطق في دماغك مرة واحدة كدا !
زفر بحنق و هو يردف 
عشان حضرتك بتحلوي كل يوم عن اليوم اللي قبله و أنا مش هستحمل واحد يجي يبصلك عشان ساعتها هروح أفقعله عينه الأتنين !
نظرت له لثواني بدهشة لكنها ما لبست حتي ضحكت بعذوبة بادلها الضحكة العذبة و هو يقترب منها عانقها و هو ينطق بعشق 
أنا عايز أحافظ عليكي يا مرام أحافظ عليكي حتي من نفسي !
وقفت علي أطراف أصابعها و دفنت وجهها بتجويف عنقه قائلة 
ربنا يخليك ليا يا إياد !
 طب يلا ألبسي عشان الشيطان بصراحة بيوزني علي حاجات مش كويسة و أنا بحب أسمع كلامه أوي !
شهقت بخجل ثم زمت شفتيها متشدقه بغيظ و هي تدفعه لخارج الغرفة 
طب أطلع برا يا قليل الأدب أنت !
هتف بمرح 
طب هقعد و مش هعمل صوت هغمض عيني طاااه !
توقفت عند عتبة الباب ثم أغلقت الباب پعنف في وجهه ليقهقه بإستمتاع و هو يعبث بشعره..
دلف عمار للغرفة التي يتشاركها مع ليث هاتفا و هو يظهر عضلاته الوهمية 
أوعاااا علي فورمة الساحل البنات هتبقي حواليا زي الرز كدا !
أنزل ليث كنزته البيضاء و هو يتطلع ل عمار الذي يرتدي مايوة أسود اللون و فوقه كنزة ب اللون النبيذي قال بفتور 
كويس أنك جبت حاجة عدلة أنا كنت شاكك أنك تجيب مايوة عليه ميكي !
حك عمار شعره قائلا بوجه متقلص بشكل مضحك 
هو الصراحة كنت هجيبه لولا رسل الله يعمر بيتها ضړبتني ب القفا و قالتلي أكبر بقا يا حيوان و قامت منقيالي دا !
ضحك بخفة ليفتح الباب و يدلف عبدالرحمن الذي يرتدي مايوة ب اللون الأزرق و كنزة سوداء قال ببراءة 
تحت بيقولوا يلا !
أومأ عمار و من ثم ذهب ليبقي ليث مع عبدالرحمن زم عبدالرحمن شفتيه و كاد أن يخرج لكن صوت ليث الصارم أوقفه قائلا 
أستني !
طالعه پخوف و هو يقترب منه ليميل ليث عليه حاملا إياه ثم خرج بينما هو يهبط من علي الدرج إذ به يشعر ب عبدالرحمن يقبله علي وجنته و هو يقول بنبرة بريئة 
شكرا يا عمو علي الحاجة اللي أنت جبتهالي !
أبتسم ليث إبتسامة صغيرة ثم قال و هو يشد وجنته المكتنزة بلطف 
مفيش حد بيقول ل باباه شكرا أو يا عمو مفهوم يا عبدالرحمن !
أومأ عبدالرحمن و هتف بسعادة و هو يحاوط عنقه 
حاضر يا بابا !
هبط للأسفل ليجدهم متجمعين أمام باب المنزل فور شاهدتهما رسل حتي أبتسمت ب إتساع ف يبدو أن عبدالرحمن أستطاع كسب ود ليثها و ترويضه..!
وصلوا إلي الشاطئ و فور أن وضعوا حاجيتهم حتي خلع إياد كنزته ليبقي فقط ب المايوة ذا اللون البينك الفسفوري جذب مرام من يدها قائلا بمرح 
تعالي يا شابة دا أحنا هنغرقوكي !
ضحكت بخفة و من ثم ركضت خلفه ب المياة الدافئة جلست رسل علي إحدي المقاعد حتي تخلع ل عبدالرحمن كنزته و تلبسه ال life jacket 
هتف أسامة بضحكة سخيفة 
مش هتنزلي يا رسل !
كادت أن ترد لكن ليث كان الأسرع في حمل عبدالرحمن و إمساك يدها و هو يقول بضحكة صفراء 
طبعا هتنزل معايا جوزها !
نطق أخر كلمة و هو يجز علي أسنانه ثم توجه بهما نحو البحر و تبعه عمار قالت رسل بخفوت 
علي فكرة دي قلة ذوق أسامة أبن عمتي برضو !
ضغط علي كفها بقوة آلمتها فألتفتت له بحنق لتلاحظ حينها أنه قد خلع كنزته لتظهر عضلات صدره الصلب و عضلات بطنه السداسية نظرت أمامها بحنق لتجد إحدي الفتيات ذات الملابس الڤاضحة الملقبة ب البكيني تطالعه بوقاحة أشتعلت عيناها بغيرة واضحة و هي ترمقها بإستحقار توقف في مكان حيث تصل المياة لبداية صدره من الأسفل نظر ل رسل ليجدها تجاهد بأن لا تتعدي المياة أول عنقها ليضحك ضحكة مكتومة قليلا قائلا بنبرة غلب عليها المرح 
طلاما أنتي قصيرة متتكلمتيش ليه و قولتي !
تشبثت بمنكبه و تشدقت بغيظ 
هو أنت عشان ربنا رزقك بشوية طول هتدوش علي خلق الله و لا أية !
أجابها بإستفزاز 
أنتي ربنا خد من طولك يا رسل و حطه في لسانك !
رفعت حاجبها بغيظ و كادت أن ترد لكنها صړخت پخوف و هي تشعر بنفسها ترفع للأعلي نظرت أسفلها لتجد عمار يحملها علي كتفيه صاحت بحنق 
نزلني يا عمااار حالا !
سمعت ضحكات عبدالرحمن و ليث لتقول برجاء 
ليث خليه ينزلني عشان خاطري !
صاح عمار و هو يلقيها للخلف 
سدي مناخيرك يا سولي !
صړخت بجذع و هي تسد