رواية رفقا بالقوارير

في شدتي وتربيتك لبنت خالتي
انا هاروح انا وانت للمقاول دلوقتي ونتفق معاه انه يهد الدار ويبني سرايا زي القديمه بالظبط من اول وجديد ويرجع سرايا نصار تاني
وانت والست كريمه هاتعيشو فيها واحنا هانبقي نيجي عليكو هنا ونزوركو ديما
يعني برضو مصمم تاخدها يا قاسم
ومش هاسيبها يا عم الشيخ حتي لو ابوها بنفسه طلع من تربته ووقف قدامي دلوقتي

برضو مش هاسيبها
واذا جولتلك انها موافجه علي عريسها وريداه
موافقه عليه ازاي يعني هي تعرفه
طبعا تعرفه مش عايش معانا في الكفر ووعد
قمر بينور الكفر كلاته
ولما جيه هو وابوه واتقدمو ليها طبعا خليتهم يجعدو يتكلمو مع بعض ويعرفو بعض
جلس متكأ علي تلك الاريكه واحني رأسه للاسفل وهو يهمس لنفسه
وكمان بتكدبي عليا يا بنت عزوز
الحلقة الثامنة
انهي كل شئ وبعد ان اتفق مع المقاول علي بناء السرايا
عاد الي دار الشيخ حسن حتي يآخذها ويعود بها القاهره
فوجد عمدة الكفر وولده في انتظاره
حمدلله علي سلامتك يا قاسم يا ولدي
الله يسلمك يا حضرة العمدة خير قالولي انك قاعد مستنيني
واه جيت ارحب بيك يا ولدي دانت فايت الكفر بقالك يامااا وكمان جولت اجي اطلب وعد لعادل ولدي منيك انت بردك ولي امرها
وبصفتي بقي ولي امرها بقولك اسف طلبك مرفوض يا حضرة العمده
وقف ابنه قدامي وهو ڠضبان وصړخ
واه مين انت عشان توافج او لاه تبجي ليها ايه هاه انا اول مره اشوفك اهنه
اقعد يا شاطر جنب ابوك واهدي كده وصلي علي النبي عليه الصلاة والسلام
انا ابقي ابن خالة وعد وكل عيلتها وكونك اول مره تشوفني هنا فداه عشان انا لما سيبت البلد كنت انت لسه عيل في المدرسه
بس انا بقيت رجل دلوك وانت ماتهمنيش في اي حاجه انا كل اللي يهمني وعد ورايدها وهي موافجه
معرفش ايه اللي خلاني اتعصب كده وانا بقوم من مكاني
هي مين دي اللي موافقه انت عايز حته عيله لسه عندها ستاشر سنه توافق علي جواز ازاي بقولك ايه ياض انت 
انت تنسي وعد وتشيلها من دماغك خالص 
وقف الشيخ حسن بينا وهو بيحاول يهديني
عشان اسيبه
آهدي يا قاسم وسيبه يا بني
وقف العمده هو كمان وهو بيسحب ابنه وراه 
خلاص يا شيخ حسن اذا كان هو رافض احنا كمان مش ريدين بنتكم
ابتسمت ليه وانا بقوله مع الف سلامه ياحضرة العمده
وبعد ما مشي طلبت من الشيخ حسن ينادي وعد عشان نمشي احنا كمان وجات وعد وهي عنيها منفوخه من كتر البكي
حضرتي نفسك
اني مش هاجي معاك هاجعد اهنه مع امي وابوي الشيخ حسن
هو انا مش قولتلك قبل ما اخرج من هنا تحضرى نفسك
وقفت تبكي بصوت مكتوم وهي حانية راسها
انت عايز مني ايه وايه اللي فكرك بيا بس
اني جولت ان انت نسيتني زي ما انا نسيتك

وانا بقي جاي النهارده مخصوص عشان افكرك بيا يا بنت عزوز يلا قدامي
وفي ظرف ثواني كانت معايا في العربيه وهي بتحاول ترجع للشيخ حسن ومراته تاني
فضلت طول الطريق مابتتكلمش وساكته لحد ما وصلنا الڤيلا
وشها اللي كان حزين فجأة نور وابتسمت ببراءه وطفوله وهي بتتفرج علي جنينتها من قبل ما تنزل من العربيه
واه هي دي سرايتك يا قاسم
اخيرا عقدة لسانك فكت اه ياختي بس هنا مسمهاش سرايا هنا اسمها ڤيلا
واه عاتتريج علي طريجة كلامي اياك
ههههههههه طب ماتزعليش كده اتفضلي يلا علي جوه
دخلنا انا وهي بس اللي ماكنتش عامل حسابه اني الاقي ندي موجوده عندي دلوقتي
واللي اتفجآت هي كمان بوعد وجمالها
اهلا يا ندي انتي هنا من امتي وايه اللي جابك هنا اصلا
بطريقتها المبالغ فيها جريت عليا قدام وعد اللي خدودها آحمرت ولفت وشها الناحيه التانيه
قاسم حبيبي عامل ايه انت فين من الصبح وتليفونك مقفول ليه
بعدتها عني وانا عيني علي وعد
معلش اصلي سافرت الصعيد من الصبح وتليفوني فصل شحن مني
بصت علي وعد بصه غريبه من فوق كده لتحت
وهي بتقولي
كنت بتجيب خدامه من هناك ولا ايه طب وليه بس يا حبيبي ما في مكاتب تخديم كتير ممكن يوفرولك واحده من هنا
قبل ما ارد عليها لقيت وعد اللي ثارت والعرق الصعيدي ظهر عليهاوحاولت ترد كرامتها بنفسها
هي مين دي اللي خدامه ماتلمي نفسك يا بت انتي اني وعد المحلاوي ستك وست اي حد اهنه
ايه دا مين دي يا قاسم جبتها لينا منين دي
 معروف ليا تمام وكآني بشوف امها فدوه هي اللي بتتكلم
اني بت خالته يا نضري انتي اللي مين بجي
مرتك دي يا قاسم
كتمت ضحكتي وانا بضمھا تحت دراعي وبعرفها علي ندي
لاء يا وعد دي ندي زميلتي وانتي يا ندي دي وعد بنت خالتي واختي الصغيرة
فجآه لقيتها ضمت حواجبها پغضب
واه هو