قصيرة القامة طويلة اللسان بقلم شيماء صبحي

هيعرف من قمر الي خصل ولا هيا هتعرف تخبي عليه علشان وعدها لخالد ويا تري ايه الي هيحصل في البارت الجاي توقعاتكوا اي!!
الفصل العشرين.. 
رواية قصيرة القامة طويلة اللسان 
بقلم_شيماء_صبحي 
وقفت ابصلهم وهما مش عارفين ايه السبب اللي يخلي خالد يسيبهم ويمشي وبالذات هادي الي كان حزين علشان هوا كان محتاج خالد جدا جمبه الفتره دي .محمد وسعيد كانو واقفين وباصين علي هادي وساكتين ولاكن لما عيني جت في عين عبدالله لقيتو مركز اوي قربت منه وقولت بهمس عبدالله هو انت تعرف حاجه بخصوص خالد..
عبدالله هز راسه بمعني لأ وقالي... انتي تعرفي حاجه يا قمر .

بصيتله وقولت لأ بس اعتقد انه هيرجع تاني بس انا عايزاك تخرجهم من الحاله الي هما فيها دي..
عبدالله هز راسه وبصلهم وقال بحماس.. مش هنروح الشركة ولا ايه يا رجاله ..! 
الشباب بصوله وهزو راسهم وهادي بص لقمر وقالتعالي يا قمر عايزك! 
قلبها دق پخوف لما قالها كدا هزت راسها وقربت منه وهوا اخدها وقال انتي مستعده نكتب الكتاب النهارده ولا حابه تأجلي لوقت تاني . اتنفست براحه وقولتك ..انا معنديش مانع يا هادي بس الي انت شايفه أعملة!
هادي ابتسم وقال خلاص زي ماقولتلك هنكتب الكتاب النهارده وانا هعرف محمد اهو يروح يجيب صحبتك من المنطقة 
ابتسمت وهزيت راسي وهوا بعدها اخد الشباب ونزلو
دخلت أوضتي وانا بفكر يا تري خالد هيعمل ايه وهل ممكن يرجع ولا لأ.. قعدت علي السرسر وانا حاسه بثقل جامد فراسي نمت وانا بتنهد بحزن وبعد وقت مش عارفه قد ايه لقيت الخدامه بتخبط وبتقول ان صحبتي جت!
قومت وقفت وانا مبسوطه ان سهر اخيرا جت فتحت الباب بحماس...ولقيت سهر واقفه وكانت شايله حجات كتير في ايديها!
اخدت منها وقولت ايه يا بنتي انتي جبتي الشقه كلها معاكي ولا إيه!! 
سهر ضحكت وهيا بتقول مهوا مش معقول الي طلبتيه دا ياقمر يعني ايه عايزه طقم النحاس الي كانت امك الله يرحمها جايبهولك
قنر رفعت حاجبها وقالت انتي عارفه دا بكام دلوقت علشان تتكلمي عليه يالإسلوب دا ..
سهر ضحكت وقالت المهم اني جبتهولك .. بس قوليلي ايه الجمال دا كلو معقول في ناس عايشه في قصور زي دي..
ضحكت قمر وهيا بتبصلها وقالت بصراحه يعني هو المكان تحسيه كدا خارج من قصه خياليه بس بصراحه حلو اوي.. 
سهر هزت راسها وقالت عندق حق جميل اوي ربنا يزيدهم
قمر ابتسمت وقالت تعالي اقعدي علشان عندي كلام كتير عايزه اقوله
سهر هزت راسها وقعدت ولاكنها قالت الا هو صحيح ايه الي بيحصل محمد مالو...اصله مكنش علي طبيعته خالص وكان باين عليه الحزن. وكل ما اكلمه يهز راسه وخلاص.
قمر بصتلها واتنهدت بحزن وقالت الموضوع كبير اوي يا سهر بس محدش يعرفه غيري..
سهر بانتباه موضوع اي دا يا قمر 
قمر حكتلها علي كل اللي حصل وكملت بحزن انا حظرته كتير ولاكنه طلع غريب اوي مكنتش متوقعاه يبق بالشكل دا...ولا ختي فكرت للحظه انو ممكن يعنل كدا ..!
سهر فضلت باصه لققر بصدمت ومش مستوعبه الي هيا بتقوله.. 
سهر قالت يعني معقول خالد كان عايز ېتهجم عليكي وو..
قمر بصتلها بحزن وقالت كنت بمنعه بكل قوتي ولاكنه كان زي الي غايب عن وعيه
وانا محستش بنفسي غير وانا بصرح وبنادي علي هادي وهوا لما سمعني پصرخ اترجاني مقولش حاجه لهادي وجري استخبي ورا الباب كان علي وشه الړعب والخۏف ..وقتها كنت واقفه مصدومه مش عارفه ايه البي بيحصل لحد لما هادي وصل مقدرتش أقوله حاجه وقولته اني وقعت وان في عفريت معايا في الاوضه وعديت الليله..بس الموضوع طلع أكبر مني يا سهر ..!!
سهر بصتلها بحزن وقالت وانتي ليه مقولتيش لهادي علي الحقيقه رغم ان خالد يستاهل الي كان هادي هيعمله فيه ..
قمر بحزن للاسف مقدرتش يا سهر لان هادي بيحبه وبيعتبره اخوه وبعدين مش هو بس الي هيزعل منه الشباب هتزعل هيا كمان..
وهوا وعدني هيتغير وقالي انه هيمشي...ويسيبهم علشان هوا يستحق العقاپ دا ..بس لما أنا شوفت زعلهم علي فراقه النهارده زعلت اوي لانهم ميستهلوش منه كل دا.. 
سهر حضنت قمر وقالت خلاص اهدي وبعدين مدام اخدتي قرارك انك متقوليش حاجه وتستري عليه يبق حاولي تنسي وهما برضوا هينسوا بس اوعي تفتحي الموضوع دا مع اي حد .. مش علشانه هو يا قمر علشانك انتي كمان.
قمر هزت راسها بحزن وقالت انا مكنتش هتكلم بس انا زعلانه علشان الي حصل دا مكنتش اتمني انه يحصل.. 
سهر هزت راسها وقالت اتقي شړ من أحسنت اليه يا قمر وبعدين البني ادم من اخطر المخلوقات علي وجه الارض ... والحقد والغل يعمل أكتر من كداا!!! انتي لازم تتوقعي اي حاجه من أقرب الناس ليكس لانك ببساطه مش عارفه قلبهم شايل ايه ولا بيفكروا فيكي ازاي.. وانتي دلوقت تقولي الحمدلله ان الموضوع عدي من غير اي آذيه ليكي ولا ليه هوا كمان وكويس